星8卦丨「高大」媾錯大嫂 大佬開辣條件懲罰 急娶「忠心」自救害人害己

因為係初戀，「忠心」對「高大」一直念念不忘，所以當「高大」突然之間再對佢展開追求嘅時候，即刻心心眼。「忠心」細細過出嚟搵食，為養家都唔係好介意自己搞成點，不過最美好年華遇到「高大」，當時兩個人都無錢，初戀係特別難忘 。

相關閱讀：星8卦丨「骨精」亂投資趁低吸納蝕大本累「長髮」狂接job退唔到休

奇在「忠心」以為「高大」咁大名氣唔會再搵自己，因為當時有「花旦」做女朋友，而且半公開啦！所以有一晚「高大」突然打畀自己話想出嚟傾下偈，見到面之後「高大」話對佢始終放唔低，知道自己係對方初戀，所以好想再續前緣，仲擺阿媽上枱話佢一直好想自己成家立室。

 

「高大」出咗名孝順，搬阿媽出嚟「忠心」梗係信，天真咁以為「花旦」唔可以入門，又關阿媽事，因為唔鍾意佢喎 。其實係當時「高大」食錯咗江湖大佬嘅女人，唔單止畀人打鑊金，仲開咗條件要「高大」3個月內搵個女人結婚，如果唔係就有排都唔得閒，日日搵人搞到佢雞犬不寧 。

「高大」見個女人好合自己眼緣，喺埋一齊都冇一個星期就遇到教訓，「花旦」知道呢件事又唔肯配合，咪諗起要搵「忠心」，知道佢一直都放唔低自己 。果然一星期後就宣布婚訊，令到成個社會都覺得震撼㗎！
 

其他文章：

星8卦丨「新貴」債主追到上公司 高層投降安排北上避麻煩

星8卦丨 「漏口」天生奸妃格專撬牆腳 遇「大婆」出招敗走一身蟻無人同情

星8卦丨「大紅」自食其力識富二代上位 被踢爆童年曾做手術雌雄莫辨

星8卦丨「一號」恃住名氣貪心狂用品牌錢 苦戀「俊型」被飛贏名

星8卦丨後生仔流行輪流食雞唔駛負責「未夠秤」玩真感情正戇居仔

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。