陈凯咏手震狂喊死撑话冇事吓亲朋友 做独立歌手攞苦嚟辛致抑郁丨独家

30岁的陈凯咏(Jace)曾被环球唱片力捧，本来上位在望，可惜因理念唔同跟公司各行各路。被冰封一年重新出发的Jace承认情绪曾经不隐，持续几个月手震、口震、系咁喊，甚至透唔到气，吓亲自己及朋友，坦言老咗10年！最后全靠自己调整心态，从地狱逃回地面，努力面对自己情绪唔硬撑，见攰就唞吓。采访：方骞平 发型：Kenki Lau 化妆：Onetung Ma 服装：CELINE 场地：The St. Regis Hong Kong

Jace面对困境选择自救，“畀自己休息”。

 

Jace曾要休息叉电。

 

Jace重新“杀入”乐坛以游水作比喻。

 

Jace唔急于埋岸。

 

踩水过程中欣赏下沿途景色也不错。

 

咁做系有啲攞苦嚟辛，但唔踩反而唔知身体好。

 

陈凯咏做了独立歌手半年，继年头推出跳舞歌《百妖夜行的修行》，最近再有新歌《间歇性休眠》：“呢首歌比较sad，唱出无助及冤屈时嘅内心世界，人人都会有情绪低落时候，歌曲可陪伴有压力嘅都市人，纾解情绪，正如歌词都有写‘沮丧可以跳一场舞，起码可以刮一场尘土’。”

新歌《间歇性休眠》写出处于困境时的心声。

 

“升呢”老板的Jace想做咩类型嘅歌都可以。

 

《百妖夜行的修行》MV蛇妖登场。

 

与世隔绝自我疗愈

自爆曾陷入抑郁状态的Jace谂起都惊：“情绪低落冇特定原因，应该系一路以来累积嘅情绪，冇即时跳返出嚟，𠮶时觉得好无助，日日系阴天，冇人可以讲，冇出路，冇方向，好沮丧，唔知点算好。”Jace更曾经试过持续几个月辛苦到手震、口震、讲唔到嘢、透气困难，眼泪系咁流出嚟，“同平时乐观性格完全唔同，唔再认识自己，连自己都吓亲，但又唔敢同父母讲，朋友见我冇晒精神动力好憔悴，知我好唔妥，只不过我死撑话‘冇事’。”最后渡过困境，全靠暂时折埋自己，“情绪受困扰过唔到，索性与世隔绝吓，畀自己休息，寒冬过后又到春天！”Jace认为每人都会有情绪，小朋友读书都会好辛苦，要学习点样去面对，“有首歌陪伴好重要，《间歇性休眠》记录低我嘅冤屈状态，录音前及录音期间都爆喊。”

Jace自爆曾匿喺屋企喊足几个月。

 

Jace曾经试过持续几个月辛苦到手震、口震、讲唔到嘢、透气困难，眼泪系咁流出嚟。

 

父母唔知Jace曾经抑郁。

 

Jace在自家纪录片《练有所成 The Ultimate Move》中，与好友Kiri T(谢晓盈)分享如何面对人生交叉口。

 

老友顾定轩一直好关心Jace。

 

悭自己坚持做音乐

自我隐形一排后，Jace回归乐坛，仲做埋老板，乜都自己话事，做乜音乐类型都得，虽然有主导权，但有得就有失：“作为团队队长，乜都要重新学习及处理，尤其市场状态不停变，日日面对嘅嘢太多，好多嘢都唔识，消化唔到个人会乱，所以会困惑又会攰啲，好似突然老咗10年，不过，半年间多咗10年知识都值得呀，ok唔惨㖞。”冇咗大公司支撑，至今Jace自资出咗6首歌，事事需财，她强调金钱上仲顶得住：“我对数字唔系咁敏感，但总算经营到，做到想做嘅音乐，想嘅试嘢，有赖大家支持。”她笑说为坚持做音乐，会稳守成本及悭自己：“入行咁耐(5年)冇买过一个名牌包包，最贵个银包7000蚊经已好肉赤喇，我唔重视物欲，好易得到心灵满足。”

Jace两年多前被公司力捧，曾在九展开处女个唱。

 

Jace年初时自资的EP《HATCHING》，宣传造型既性感又有型。

 

Jace为Sammi演唱会任嘉宾又唱又跳，仲玩埋rap助兴。

 

唱完二人拥抱，Jace表示第一次踏上红馆舞台。

 

Jace年初时自资出EP《HATCHING》，宣传都自己谂埋。

 

事业急停又跟导演男友陈健朗分手。

 

Jace对于重新“杀入”乐坛以游水作比喻：“游住先，探索下先囉，虽然中间有唔同嘅船只嚟接我，可以快人一步埋岸，但𠵱家可以自由自在游去唔同岛屿，仲能够踩住水晒阳光，可能会吃力及攰啲，系有啲攞苦嚟辛，唔踩反而唔知身体好呢，踩水经历更能强身健体，唔使急于游埋岸㖞。”

被雪期间出外旅行散心。

 

旅行能带出创作灵感。

 

被雪藏期间依然经常更新IG。

 

期间乘机去进修舞蹈。

 

舒缓心中郁结。

 

为冯允谦演唱会担任嘉宾。

 

冯允谦、陈凯咏合体开音乐会。

 

Jace要为公司跑数，所以什么工作都会做。

 

陈凯咏、肥仔出席音乐会。

 

2019年3月Jace以环球唱片乐坛新Sing《Fab Four》出道。

 

Jace嘅露背装。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。