莊韻澄心痛近80歲媽媽委屈向前夫道歉喊到失控 慘被精神虐待3年無助求觀音承認飲符水丨獨家

莊韻澄(前名莊端兒)上周發聲明宣布跟老公呂成忠(Joe)已分居1年，正辦理離婚手續，還寫下萬字文交代事件，包括無法忍受每日被前夫情緒勒索，甚至秘密帶走兒子到台灣作威脅。Joe亦火速上網台受訪還擊，力斥被莊韻澄母女欺凌，又指前妻有產後抑鬱，曾多次抱子危站51樓的屋企露台，甚至為自閉症的兒子用符水抹眼。昨日，極度憔悴的莊韻澄接受《星島頭條》訪問，1小時內多次爆喊狂呻恐怖前夫對她精神虐待，提到70幾歲的媽媽要委屈跟前夫道歉更喊到失控，要用紙巾遮晒全面。 採訪:曾盻堅

莊韻澄講出3年來承受前夫嘅冷暴力時喊到癲。

 

莊韻澄一提阿媽都要委屈向前夫道歉就掩面痛哭。

 

莊韻澄打開手機，順序俾記者睇Joe嘅騷擾訊息。

 

莊韻澄嫁錯郎感到無奈。

 

莊韻澄唯一覺得係唔唔住年邁媽媽及稚子。

 

3年來嘅婚姻生活令莊韻澄有口難言。

 

莊韻澄被激到喊完又笑。

 

莊韻澄變得極度憔悴。

 

莊韻澄有話直說乜都講，坦認有用符水為兒子抹眼，甚至自己亦有飲，全因無助求心靈慰藉：「因為佢經常『跳掣』大吵大鬧，甚至癲到偷睇我電腦，數返我未認識佢前，10多年前嘅男朋友，追問『你呃我？又話得2至3個前度？』我長期受冷暴力對待，佢不停搵嘢嚟鬧，仲要喺囝囝面前係咁嘈，我試過頂唔順要求喺高速公度落車。」莊韻澄指前夫婚前婚後完全兩個人，確實有懷疑過對方鬼上身，「喺最無助時候，又唔可以同其他人傾訴，唯有喊住對觀音講『可唔可以唔好再嘈？』」莊韻澄稱有宗教信仰，細個都飲過符水：「咁佢都有好多個佛牌啦。」

Joe公開家居cctv，影到莊韻澄母女用符水幫兒子滈滈抹面。

 

Joe又展示兒子裝有符水的水壼。

 

cctv影到莊媽媽用符水抺莊韻澄面。

 

前夫精神虐待影響個仔
Joe影到莊韻澄抱住兒子危企51樓露台要脅他，亦懷疑太太有產後抑鬱。莊韻澄唔太記得為何有此舉動，估計因為鬧交出去透吓氣，但強調從來冇輕生念頭：「死咗咪乜都係佢，唔好啩，我做嘢好精明。」她覺得對方另有居心：「如果佢覺得事態真係咁嚴重，點解唔即時上前阻止？甚至報警？反而顧住影相？佢大吵大鬧時會好忟好粗暴，試過拉扯我手臂、掟嘢、飲醉酒時發酒癲，我只係被壓迫到逃到嗰個位置，想佢停止瘋狂行為，有提醒佢『贏場交會輸個家。』莊韻澄承認被Joe精神虐待，搞到3歲囝囝滈滈都有心理陰影：「細個時佢好得意，𠵱家佢喺咁嘅氛圍下生活，唔太肯講嘢，有自閉症，仲好冇安全感，黐到我實唔肯走。」

Joe影到莊韻澄抱住兒子危站露台。

 

即使露台多咁雜物都要移開，莊韻澄出去透啖氣一定迫逼不得已。

 

前夫公開莊韻澄跟兒子家中玩耍片段，冇晒私癮。

 

被公開湊仔生活片。

 

莊韻澄強調如真係有產後抑鬱就接拍唔到電影。

 

Joe上完邵子風網台指控莊韻澄後，又要求復合。

 

經常會「大跳掣」。

 

除電話訊息，Joe又不停出po精神威脅。

 

會有情緒勒索。

 

從莊韻澄跟Joe的對話訊息可見，前者不停叫對方唔好再騷擾佢。

 

不停要求接仔。

 

莊韻澄和呂成忠結婚3年多育有一子。

 

莊韻澄和呂成忠此情不再。

 

莊韻澄兒子小時候好可愛。

 

莊韻澄兒子證實患上自閉症，甚少說話。

 

至於兩人就分居日期上有爭議，Joe話去年7月後一家3口去過日本及台灣旅行，夫妻更同床。莊韻澄問過律師，去年7月1日分房瞓當日已開始分居計算，這方面家傭可以作證：「一齊去旅行只係為咗個仔，就算同床都隔住兒子。」

莊韻澄上周發聲明宣布跟老公呂成忠(Joe)已分居1年。

 

Joe話去年7月後一家3口去過日本及台灣旅行，夫妻更同床。

 

公司戶口幾百萬變兩萬

提到Joe講到對家庭有付出，分居後甚至買咗部幾萬蚊座駕接載兒子，有經濟能力養活家庭。莊韻澄忍不住揭開肚皮：「拍拖後我先知佢破產，明白破產令4年佢不宜工作，但破產令後仍然唔肯搵嘢做，連結婚、生仔、甚至婚戒...都係我，就算之前揸我買畀佢部電動車，都唔肯畀叉電及隧道錢，公司戶口存款最高峰有幾百萬，到後期得返2萬，諗住一家人唔計得咁多，自己亦有份使。」莊韻澄為顧全雙方面子，只好給對方經理人名份：「但佢懶慣咗，日日瞓到兩三點，個仔返下午班，都經常遲到半小時，講真，我請個助手、司機都冇咁貴，仲唔使受氣。」最近莊韻澄為朋友免費出一個月餅po，Joe發狂傳息要求對方畀利是，令她莫名其妙。

莊韻澄、呂成忠結婚3年多。

 

當日結婚戴住嘅婚戒，原來都係莊韻澄私伙嘢。

 

入院生仔都係莊韻澄貼。

 

波子生活及學費全由莊韻澄承擔。

 

呂成忠最近私下要求校長安排兒子轉校舍。

 

呂成忠話自己買咗部車接送兒子。

 

Joe強調有為莊韻澄做BACK UP工作。

 

重提當日Joe不動色聲帶走兒子到台灣作威脅，莊韻澄和媽媽輪流傳道歉訊息𠱁他返港，好彩囝囝最後平安返回她身邊，莊韻澄委屈爆喊：「媽媽係70幾歲老人家都要同佢道歉真係好慘，我咁大個女，其實呢件係家庭糾紛，我冇話自己冇錯，但唯一最對唔唔住係媽媽及個仔，我只能話遇着老千真係好苦，由認識一刻已被設計及操控...」她強調勇於面對錯誤，可以重新來過：「冇嘢係做唔到嘅，我會堅強，大家鬧我唔緊要，我冇嘢對唔住人，呢啲係我家事，我係圈中人都成日會俾人話，預咗派花生，但唔好屈我。」

莊韻澄出道以來，32E好身材成為焦點。

 

莊韻澄擁有最強body。

 

呂成忠接受邵子風訪問時，喊住反稱自己長期被妻言語暴力。

 

Joe在節目尾聲發誓，發誓，如果今日講過有任何不實嘅嘢，以後真係見唔到個仔。

 

莊韻澄連ig account也被操控。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。