CotaBoii惯性唔见银包唔敢周围呻　21岁唔大唔细想学识揾平衡丨独家

《全民造星V》攞第7的Taco（黄泓祖），去年以Rapper艺名“CotaBoii”加盟Sony 旗下“Green Music”正式出道，继年初推出《Mr. Nobody》后，最近再有新作《兜圈圈》。歌曲灵感是他觉得生活仿佛在不断兜圈，踏入21岁尴尬年龄亦令他有点进退失据，惯性唔见银包也不敢周围呻，他希望尽快揾到各方面平衡，有更多进步和成长。采访：杜杜

CotaBoii认为21岁已经大个仔，但自问内心仍是未够成熟。

 

去年CotaBoii参加《造星V》得第7，令知名度大增。

 

新歌《兜圈圈》CotaBoii继续包办曲词创作，灵感取材自生活，“每日生活好重复，好似喺度兜紧圈咁好冇新意，于是就谂到呢首歌。”他有感21岁是个尴尬年纪，任何事要开始对自己负责，但其实内心还是个大细路，“好似我成日唔见银包，寻日先啱啱唔见咗，以前我会好燥好𤷪，又会同屋企人讲，周围去呻，𠵱家要学识有耐性，冷静啲处理，大个咗要对自己负责，所以我决定咗唔够成熟，就唔用银包住，哈哈！”

CotaBoii签公司后，今年初推出出道作《Mr. Nobody》。

 

CotaBoii有感生活经常不断重复，因而创作《兜圈圈》。

 

帮人睇舖赚外快

CotaBoii在《兜圈圈》更请来“妹妹CotaSis”一齐合作，“创作呢首歌嘅时候想揾把女声，𠮶时好兴AI就试吓Jam落去，发现几夹，就有咗‘CotaSis’出现。”不过他笑言不会给“妹妹”出头天，下次创作未会再预她，“揾佢孭飞一首歌应该冇可能，下次未必会用佢，因为佢唔识唱歌㗎！亦都现场演绎唔到，佢喺后面支持我得啦！”他更坚拒仿傚罗志祥和张敬轩，反串以“CotaSis”造型现身，“系都揾人扮就算啦！我冇偶像包袱，但系有 Rapper包袱，唔型好难做，同埋保护返佢圈外人身份，哈哈！”

CotaBoii在《兜圈圈》MV中，扮演不同职业打工仔。

 

CotaBoii仍未有信心开骚及出碟，希望先储更多歌及经验。

 

除了生活学识平衡外，CotaBoii希望在音乐创作上也可攞到平衡，“我在意制作音乐过程有冇袋到啲新嘢？！系咪真系符合我理想中画面？！我仲学紧点样喺巿场同自己想表达嘅嘢上面攞个平衡，呢个课题唔系1、2年可以领悟到。”他计划下半年再推出两首新作，但会放弃用电子音乐，“之前两首都用咗，想用返钢琴𠮶啲比较原始嘅乐器，等人睇到多啲我唔同面向。”他签公司后可专心创作，空闲时间更多，竟然有意去做兼职，“我谂住去帮朋友睇舖，反正唔做嘢好闷，我好怕热又唔想周围去，睇舖可以接触多啲人，对揾灵感有帮助，仲可以顺便储钱去旅行。”

CotaBoii做兼职可以储钱，跟女友去旅行拍拖。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。