「大隻仔」關曜儁兒子出世湊夠「好」字 自爆似驅魔人陪老婆生B
在《下流上車族》飾演哈比族的「大隻仔」關曜儁（Leo）去年跟圈外人楊韻璇（Twinkle）結婚並誕下女兒關凱妃，生活幸福滿滿，今日（28日）關曜儁再傳來喜訊，在IG宣布兒子出世，湊成一個「好」字！
相關閱讀：愛回家丨周嘉洛吳偉豪8年前訓練班「毒照」曝光 與「大隻仔」關曜儁似足IT三子
關曜儁再添一子湊成「好」字：
關曜儁家中添新成員
30歲的關曜儁去年向拍拖5年的女友楊韻璇求婚成功，女方當時已懷孕，未婚妻誕下女兒關凱妃（Lorraine），並在10月完婚，成為夫妻。關曜儁太太早前懷上第二貽，3月時特別舉行性別揭曉派對宣布喜訊，今日（28日）夫妻在IG公布喜訊，誕下幼子，關曜儁表示︰「辛苦太太了，上天賜咗一個好字畀我哋！」關曜儁分享與初生兒子及太太的合照，B仔非常細粒，面仔紅紅非常可愛，而關曜儁太太雖然生B不久，但未見倦容，仍然很漂亮。
關曜儁的太太日前試過因為見紅而入院，不過醫生稱不是「作動」，於是兩公婆回家再等兒子出世，結果事隔數天，關曜儁的兒子在今日凌晨出世，再度榮升爸爸的關曜儁笑言生B過程相當搞笑：「本來同老婆諗住睇凌晨江旻憓出戰，點知凌晨一點老婆見紅，最初以為係『狼來了』，跟住老婆作動，於是出門趕去醫院，點知未趕及打無痛分娩就要入產房，姑娘仲好彩我哋嚟得快，如果唔係喺屋企生！」
關曜儁陪伴在側見到老婆當時已痛到叫到拆天：「有一刻好似覺得驅魔人一樣，老婆一邊捉實佢隻手，我一邊安慰，老婆平日係超級怕痛嘅人，喺產房裡面姑娘鼓勵佢點樣呼吸，但老婆好似完全聽唔到。我好緊張，大大聲引導呼吸唞氣節奏，結果過程大約五分鐘就順利生咗BB。雖然我講得有啲搞笑，見到老婆好痛，母親真係好偉。」關曜儁稱事前已經為囝囝改好英文名叫Torres，女兒跟爸爸英文名字頭，而兒子則跟媽媽英文名字頭，兒子出生重2.68公斤，同爸爸一樣屬於獅子座，今次兒子順利出世，相信亦是8月生日Leo的最佳禮物。不過兒子出生一刻撞正江旻憓奪金，關曜儁有感而發：「我都有諗阿仔第日都會係世界1冠軍？人生要創造目標，唔通阿仔都會成為一啲嘢嘅世界第一。」
關曜儁婚禮及婚宴相：
關曜儁是健身教練
從小已經熱愛演戲的關曜儁，曾於張家輝主演的《魔警》做替身，在2012年因身形肥胖而不被TVB藝員訓練班錄取，經過多次失敗後，直到2015年終於考入第28期藝員訓練班，同期同學有周嘉和吳偉豪等，眼見兩人發展比自己好，關曜儁坦言曾因此而不開心，幸好近年憑劇集《陀槍師姐2021》社團成員「吳丹基（Hang 基）」及《下流上車族》演「哈比族」而被觀眾留意，再加上得到兩個好友鼓勵，關曜儁曾說：「8年前入訓練班個個都想做男主角，8年後大家都做到男主角，你哋係電視劇男主角，我係我個囡嘅男主角。每個人有唔同嘅發展時區，有啲人行得比你快，有啲人行得比你慢，係命運為你安排屬於自己嘅時區裏面，一切都準時，我哋要相信，不同嘅列車都係開往更好嘅方向。」關曜儁目前有多重身份，除了是TVB藝員外，同時亦是健身教練，而且又是老公和爸爸，關曜儁不時在IG拍片分享對生活的體驗，他曾表示經常聊天可以增進夫妻之間的感情，尤其是丈夫要多聽太太的話，每天至少都要花30分鐘時間，聆聽太太今日所發生的開心事或不開心事，令到一個太太覺得丈夫身同感受，這樣太太心裏的不滿就會頓時消失。
其他文章：
大隻仔關曜儁結婚丨關曜儁辦戶外婚禮太太感動眼泛淚光 一對神秘嘉賓好搶鏡
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
