王晶大爆周星馳整容！因一事令友情生變 揭星爺情史點名兩女星：睇住佢郁手！
導演王晶近來進軍YouTube開設頻道《王晶笑看江湖》，今日（27日）節目首播，王晶大談與周星馳的往事，除了講述二人不和起因，更分享周星馳的情史，以及大爆周星馳曾整容。
相關閱讀：王晶開YouTube頻道爆秘聞！被預告大談兩位晶女郎 因黃霑林燕妮斬情絲？
王晶大爆周星馳往事：
王晶與周星馳合作過不少經典電影，包括《整蠱專家》、《上海灘賭聖》、《鹿鼎記》《逃學威龍3之龍過雞年》及《九品芝麻官》等。王晶表示第一次見周星馳是1989年，當時周星馳剛拍完《咖喱辣椒》在影圈開始冒起，他於藝能公司遇上周星馳，對方主動向他示好，王晶說：「我最記得佢走埋嚟同我講第一句說話，『導演呀，有冇機會我同你合作呀』。我話『緊係有啦，你做得咁好，同埋我又係拍喜劇嘅。不過你呢排拍好多嗰啲咩《江湖最後大佬》……由頭講粗口講到尾嗰啲，你就唔好拍喇，如果唔係好難㗎！做唔起㗎』。」周星馳點頭回應王晶。
相關閱讀：王晶被血流披面傅聲跟實？憶述好友臨終前樣貌：佢係畀電池撞爆內臟
周星馳太搶戲引劉德華「投訴」？
王晶直言欣賞周星馳的才華，的確想跟對方合作。直至周星馳主演的《賭聖》大賣，令向華勝留意到周星馳，要求王晶幫忙開拍《賭俠》，並找來劉德華及周星馳合演，令王晶與周星馳成為好友。王晶亦因《賭俠》再次見識到周星馳的搞笑功力，王晶指：「劉德華就走嚟同我講，『喂，所有好笑嘢都喺晒星仔度喎！咁我點呀？』，我話『我盡量加多啲畀你，我加多啲你同陳法蓉感情戲』。」但結果都不及周星馳搶戲，王晶表示：「大家都睇到最後出嚟……始終都係搶唔過佢，我唔係加畀佢㗎，係佢自己諗出嚟㗎，當時佢已經諗好多嘢畀自己，但又好好笑喎，唔通我唔要咩，一定要㗎啦！」
相關閱讀：王晶老婆罕現身！美貌不輸一眾「晶女郎」 做過空姐曾被資深電影人爆真實性格
周星馳昔日經典作品：
《上海灘賭聖》有兩個版本
王晶與周星馳91年再次合作，拍攝電影《上海灘賭聖》。談到《上海灘賭聖》，王晶表示港人熟識的版本中，《上海灘賭聖》女主角是鞏俐，但其實《上海灘賭聖》有台灣版本，是由當年的台灣「軍中情人」方季惟做女主角，原因是當年台灣審查考慮到政治原因，鞏俐的版本不可以在台灣上映，於是找來方季惟做台版《上海灘賭聖》的女主角。
周星馳曾於片場呼喝王晶？
王晶與周星馳這個組合在90年代時可謂票房保證，工作上曾是好拍檔，私下亦曾是交心的好友。不過直至拍攝《鹿鼎記II神龍教》時，王晶與周星馳友情生變，王晶指：「以前有啲私事，佢都會同我講，去到拍《鹿鼎記II神龍教》唔知點解開始有啲疏遠咗，唔知點解中間有咗隔膜。慢慢我發覺，佢想做導演喇，佢唔想受人指揮，亦都唔想畀人估到佢想做咩，因為我當時係好了解佢。」王晶分享一事，直言此事令他心中有條刺：「有日我同佢喺新娘潭拍戲，我問佢『諗咩呀，諗咁耐』，忽然間佢話『幫你諗緊嘢呀』。」由於周星馳態度差、向他呼喝，令王晶感愕然，他說：「點解要用呢種態度呢，冇乜必要，開始心入面有條少少嘅痕。」王晶亦指因為此事令二人開始產生芥蒂。
相關閱讀：鄭佩佩逝世丨周星馳悼念舊拍檔江湖再見 《唐伯虎點秋香》「華夫人」成鄭佩佩轉型契機
周星馳揭發爸爸出軌
王晶雖指周星馳與他並不如劉鎮偉親密，但二人也曾是無所不談的好友，王晶更大爆周星馳往事：「佢年輕時屋企好窮，佢爸爸離開咗佢屋企，得佢媽媽撫養晒佢三個細路仔。（周媽媽）只係打一份上海舖嘅櫃面工作養佢哋，生活過得幾唔好。而好好笑嘅就係佢點識穿佢爸爸出軌，佢偷偷地入咗間戲院度睇戲，就見到佢爸爸同一個女人喺前面又係睇緊戲，咁佢返去就講畀阿媽知，結果就冇咗個爸爸喇！」
相關閱讀：「星女郎」張雨綺坐輪椅代步 着高踭鞋出事血流如注照片曝光
王晶進軍YouTube爆娛圈秘聞？
王晶：其實佢眼皮係割
王晶指周星馳以前也會跟他分享感情事，其中談及周星馳舊愛羅慧娟：「佢當時同羅慧娟都（感情）好好，我話『你而家個女朋友係邊個』，佢話『咁緊係阿娟啦』。」王晶更透露周星馳曾整容，他說：「其實佢眼皮係割，佢亦都講過佢割雙眼皮時有另一個女朋友，嗰時佢匿埋喺佢女朋友新界嘅屋企幾個禮拜，佢女朋友就日日買飯盒畀佢食，呢個係真嘅。」王晶更洩露周星馳初見朱茵的情景，王晶表示：「我都睇住佢同陳嘉上當時一見到朱茵，隻眼好似跌出嚟咁滯，睇住㗎！睇住佢郁手！」王晶分享雖然周星馳沒有將對朱茵的愛意說出口，但他看得出周星馳當時被朱茵吸引：「我哋唔使去問㗎，你睇佢個樣就睇到㗎喇！」王晶指周星馳從來沒有開口要求他為某些女星加戲份，不過就曾經向他分享更私密的事，但礙於太私密，不便在節目中分享。
其他文章：
周星馳愛將變「修腳大亨」！內地搞生意有聲有色 靚老婆豪言一年開100間
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
