姚子羚獲胡杏兒力挺 開聲叫勁敵胡定欣讓獎 新劇被讚視后級演技丨獨家

入行21年嘅姚子羚，9年前憑《張保仔》奪「最佳女配角」，演技早被認定。最近她於劇集《反黑英雄》中飾江湖大嫂，遭打毒針後拋下海，抽搐動作及表情獲讚，被網民力推做今年視后！好姊妹胡杏兒眼見子羚終於上到位力挺她，在「胡説八道會」群組笑住發聲，竟叫勁敵胡定欣「讓獎」：「係啦！定欣你唔好攞喇！」 採訪：方騫平 攝影：朱偉彥 髮型：Taylor Wan@Leonardo 3 hair corner 化妝：Henry Li

姚子羚有料到，絕對唔係花瓶。

 

姚子羚有工作狂，所以冇時間談情說愛。

 

姚子羚在《反黑》中被網民激讚演技大躍進。

 

有視后級演技可望今年衝視后。

 

子羚絕對唔係花瓶。

 

姚子羚對演戲好有研究。

 

姚子羚在《反黑》中被網民激讚演技大躍進，可望今年衝視后。子羚開心遇到一個觀眾喜愛及有得發揮嘅角色，又指她和張振朗有CP感，不停留言表示喜歡2人組合。對於問鼎視后？她相信好劇陸續有來，她睇好胡定欣及楊茜堯。

姚子羚、張振朗有CP感。

 

振朗勇救佳人。

 

觀眾接受這一對。

 

胡定欣冇表態

雖然胡定欣曾經連奪兩屆視后，但子羚唔敢要求好姊妹「讓獎」：「要講公平嘅，我諗佢應該仲想攞獎，不過，班姊妹見到我有正評都戥我開心，杏兒最爆，佢帶笑喺群組開聲話『係啦！定欣你唔好攞喇！』緊接又同我講『定欣ok㗎喇！唔使理佢。』」至於定欣有何反應呢？子羚卻說：「佢可能忙工作冇回應呀，最好齊齊有份啦。」

「胡説八道會」好姊妹姚子羚、黃智雯、胡定欣、胡蓓蔚、李施嬅、胡杏兒。

 

姊妹感情好好。

 

大家會互撐。

 

今次子羚為拍《反黑》好搏，除被張振朗淋冰，凍到手腳麻痺外，儘使畏水及不懂水性，都拍落水戲：「原先喺淺水位置拍攝，但效果唔好，最後身上綁住啲鉛，吸一啖氣沉落去5米深嘅水底，交由張振朗救返我上水，佢驚到扯住我啲把頭髮拉我上水。」另外，愛狗的子羚日日在天時暑熱下放狗，所以清減咗：「為免過瘦，𠵱家由食全素開始食返啲肉。」她又表示冇寵物情緣，但叫大家放心，她只不過冇乜時間結緣啫。

遭打毒針反應好到位。

 

子羚俾張振朗淋咗幾桶冰。

 

振朗撥到子羚成口冰。

 

姚子羚、張振朗拍落水戲。

 

子羚做水中練習。

 

姚子羚本身怕水不懂水性。

 

仲要在水中瞪大眼。

 

張振朗扯位子羚頭髮拉她上水。

 

劇情講子羚遭打毒針後拋下海。

 

姚子羚多次角逐視后。

 

子羚未有寵物情緣。

 

姚子羚終見到跟她「撞樣」的日本舞團成員Nona。

 

《鐵拳英雄》中子羚同樣被打毒針。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。