77歲葉麗儀親揭簽落50年版稅獲利幾百萬 憑《上海灘》成名買16層樓變「國際包租婆」丨獨家

踏入樂壇55周年嘅葉麗儀(Frances)感恩遇到嘅人和事，尤其1980年憑《上海灘》一曲成名，紅遍全球華人社區，仲因為簽落50年版稅，單係過去44年已獲數百萬港元。她自爆早已財富自由，最高峰喺世界各地擁有16個物業，因此近年養尊處優追求平淡舒適生活，唔會像甄妮咁評論樂壇，唯一戥日做夜做的MIRROR辛苦，因為自己也曾身不由己做過5年「工作奴隸」。採訪：方騫平 攝影：羅安強 化妝：永雄  場地：The AIR (The ONE)

葉麗儀笑住否認係「富婆」。

 

葉麗儀早已財務自由。

 

憑《上海灘》成名買16層樓變「國際包租婆」，比大家想像中更有錢 。

 

葉麗儀𠵱家追求啲平淡舒生活，保持心態開朗健康。

 

葉麗儀每年穩袋兩張版稅支票。

 

77歲葉麗儀將於下月3日及4日，在灣仔新伊館舉行《感恩55週年香港演唱會2024》，感恩上天對她眷顧，令她的音樂旅程事事順利，得到fans喜愛。Frances 1969年參加TVB《聲寶之夜》歌唱比賽奪冠，個多星期後，恩師顧嘉煇邀她唱廣告歌，再結識「廣告界紅人」黃霑變身「3人組」，有唔少好作品。

葉麗儀將於下月3日及4日，在灣仔新伊館舉行《感恩55週年香港演唱會2024》。

 

倫永亮出席葉麗儀個唱記招。

 

6年前Frances喺麥花臣場館舉行過兩場個唱。

 

10年前曾開3場的《葉麗儀45年香港情演唱會》。

 

葉麗儀去年5月返港出席《十大中文金曲頒獎音樂會》。

 

葉麗儀曾返港演出《情牽煇黃經典演唱會》。

 

葉麗儀大唱《上海灘》、《萬般情》和《龍虎鬥》。

 

13年前顧嘉煇獲獲「終身成就獎」，周潤發及葉麗儀都有到場。

 

鍾鎮濤、劉德華、葉麗儀、葉振棠、黃霑曾為「學者露芝黃霑獅子山下」演唱會演出。

 

葉麗儀、顧嘉煇、關菊英合作無間。

 

Frances跟肥姐、凌波及黃霑好老友。

 

每年穩袋兩張支票

講到成名曲《上海灘》，Frances表示1979年TVB敲定開拍劇集前，已欽點她唱主題曲，並由顧嘉煇按她音域度身訂造：「當時冇人想像首歌可以爆紅，所以真係好好彩，呢首歌帶畀我多桶金，最難忘收到第一張支票銀碼好大，大到足夠當年買一層樓，唱片公司仲問我『想唔想去瑞士收錢？』原來瑞士嘅稅平啲。唔單止係咁，因為當時係EMI歌手，跨國公司傳統歌曲可以收50年版稅，就算𠵱家環球唱片併購咗EMI，每年我都收到兩次支票，但凡出雜錦碟都有收益，加埋內地音樂下載app，咁多年大概收咗幾百萬，未來仲有6年錢收，所以條數好難計。」

周潤發擔遮為趙雅芝遮雪一幕，冧死好多女仔。

 

由周潤發及趙雅芝主演嘅TVB經典劇《上海灘》當年爆紅。

 

葉麗儀1980年憑《上海灘》一曲成名。

 

坐頭等機倉去旅行

除此之外，她又自爆當年唱新加坡夜總會台金好高，每晚唱兩場可獲20多萬坡紙，當年足夠買到當地一個住所：「所以最高峰時喺星馬、香港、美加、澳洲、英國等地共有16個物業，部份係獨立屋，連羅文都封我做『國際收租婆』，直至近年老公重新策劃最佳養老方法，最後保留6個物業，其中香港有兩間，包括首置嘅半山千呎單位，𠵱家出租幾萬蚊，將月租用嚟填補另一所嘅雜項支出，高爾夫球會費及馬會會籍都要錢啦，哈…」對於被指係富婆嘅Frances大笑說：「唔可以咁講，我經濟穩定唔使擔心養老啫，其實我唔奢侈唔好名牌，唯一使得最多係買機票，平時做嘢咁辛苦去旅行一定唔會糟質自己，上機一定行去前方，冇頭等就坐商務；頭等倉啲嘢好食啲，座位再舒適啲，我同老公年紀咁大，伸直雙腳瞓都瞓得安樂啲，睇兩小時電影然後出去行個圈，之前我帶埋16歲孫女出外都係坐前面…反正啲錢都帶唔走㗎啦。」

年輕時Frances着deep V衫好潮。

 

夏韶聲﹑葉麗儀係唱得之人。

 

當年羅文都封葉麗儀做「國際收租婆」。

 

雙葉有唔少經典歌。

 

觀眾期望雙葉合體演出。

 

葉麗儀有唔少好歌。

 

葉麗儀最近被網民在紅館捕獲。

 

步履輕盈。

 

冇乜老態。

 

葉麗儀曾拍微電影。

 

24年前她雷安娜、劉雅麗、陳潔靈演出《麗花皇宮》。

 

唔敢評論樂壇惹是非
患過乳癌嘅Frances好注重健康，除每半年驗血外，會做瑜伽、踩單車運動。至於可會退休？她坦言冇人搵就會淡出：「日日留喺屋企湊等孫，打高球好開心呀，我enjoy做家庭主婦，尤其孫仔及自己患病更減少工作。」Frances每朝只會用手機睇《星島頭條》app收集時事資訊，問到會否仿效甄妮做「樂壇風紀」？Frances即耍手說：「佢對樂壇發展會關注多一啲，我住得較遠，唔算係太貼近就冇資格批評任何嘢，而且自己冇是非，只會對自己主觀，而唔會同同一眼光睇任何人，𠵱家追求啲平淡舒生活，保持心態開朗健康。」Frances點名喜歡馮允謙、涂毓麟（Oscar）及王梓軒，指他們有才華，又讚MIRROR好成功，不過見鏡仔日做夜做，憶起自己喺《上海灘》後做過5年「工作奴隸」：「當時把握機會乜都接，捱到賤殘晒兼胃痛，個人忟到不得了。」因此她為鏡仔發聲：「佢哋仲要排舞呢，我都戥佢哋辛苦，話事人如果係愛錫佢哋就要有考量，咁樣會耗盡好快玩完涯。」另外，她又寄語新人要建立個人歌唱風格發展才會持久。

Frances有老伴伴隨身後，且有兒有孫，患腦癌孫仔狀況穩定。

 

葉麗儀湊孫為樂。

 

Frances跟第一任丈夫所生的兒子、媳婦和孫女，感情十分好。

 

現任夫婿為葉麗儀打理財務。

 

葉麗儀遺憾現任丈夫未有機會做爸爸。

 

兩公婆有足夠養老金。

 

孫仔每星期都有專人照顧做運動。

 

鄭文雅和葉麗儀同是高球發燒友。

 

Frances 喜歡打golf，生活寫意。

 

閒時Frances和家人踩單車做運動。

 

Frances於《港樂50友弦樂聚》演唱會跟馮允謙及涂毓麟結緣。

 

Frances戥日做夜做嘅「鏡仔」12子辛苦。

 

Frances唔敢效發甄妮咁大膽評論樂壇。

 

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。