鄭秀文否認古仔做嘉賓：佢唔得閒

鄭秀文與林峯互稱看對方的戲長大。

鄭秀文（Sammi）在前晚（23日）的紅館第9場演唱會邀得林峯擔任嘉賓，他趁機追問Sammi有關網上流傳待定嘉賓名單、是否有古天樂？Sammi澄清直指是假，他即笑說：「早知唱《今期流行》啦！」

鄭秀文前晚介紹嘉賓出場時，笑言自己由細睇對方的TVB劇睇到大，「呢位嘉賓最近着火呀，好Hot！總之我細細個就睇佢嘅戲長大啦！好，去歌先。」歌曲前奏響起，全場立即尖叫，然後林峯升上舞台，和Sammi拖手合唱《愛在記憶中找你》。
後悔無選唱《今期流行》
當林峯問Sammi為何網上流傳她的嘉賓名單前日是「待定」：「我仲睇到個名單有『龍捲風』、即係古天樂，其實你好多次演唱會都請佢嚟……」Sammi即澄清：「假㗎，佢話唔得閒喎。」林峯聞言不禁笑謂：「哎呀，早知頭先同你合唱《今期流行》啦，你又跳得！」隨即邊說邊跳幾步經典動作，全場爆笑。
然後Sammi為林峯送上禮物——巨型叉燒飯一碗，並說：「好大碗飯，但得一粒叉燒，依家叉燒貴！鍾唔鍾意？係咪好有意思？」因為林峯在電影《九龍城寨之圍城》角色由一碗叉燒飯展開在城寨的故事，他接過Sammi的禮物即高舉叉燒飯跟觀眾打招呼，「大家好，我係『陳洛軍』！」全場又歡呼。Sammi同時認真說：「林峯喺呢行嘅演藝生涯都係有血有淚，呢碗叉燒飯食落去都真係滋味在心頭！」豈料林峯笑言：「多謝，其實我都係睇你嘅戲大！」之後他預告出年有機會重返紅館，9月會先在澳門開騷。
跑勻全場向觀眾鞠躬
今次Sammi演唱會沒安排握手環節，但她跑勻全場向觀眾鞠躬致謝，完場後還到場外親自跟歌迷道謝和簽新碟，令紅館外和火車站外圍企滿數百歌迷。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。