星8卦丨「一號」恃住名氣貪心狂用品牌錢 苦戀「俊型」被飛贏名氣輸身份

所謂嘅影后，其實人品都好麻麻。好似「一號 」咁跟咗人哋老公諗住有戲做，的確唔係「俊型」佢又真係唔會紅出國際 。以當年佢咁嘅形象，好靠一個伯樂對佢嘅賞識。

相關閱讀：星8卦丨後生仔流行輪流食雞唔駛負責「未夠秤」玩真感情正戇居仔

「一號」 紅得早，所以好鬼串，佢一心諗住搞散到「俊型」段婚姻，但當時嘅道德觀唔容許，而「俊型」亦冇諗過拋棄糟糠， 你自動獻身又唔可以要求我點對你好，畀名份唔駛諗啦。「一號」同「俊型」苦戀，佢自己咁認為啦，佢最大得益係贏咗名同利，大家捧到上天，令佢以為自己天下無敵。

事實好多客戶都怕咗佢，請你做嘢畀足錢㗎，但你唔可以貪心到連戴喺身上嘅貨都諗住據為己有，8位數佢唔敢貪，但7位數嘅貨佢直情試過戴住走，搞到品牌方嘅工作人員孭鑊，要出信叫佢攞番。呢種大貪唔在講，小貪係以前出差提供總統到套房就一定啦，好多時埋單嗰陣啲長途電話認真誇張，兩三日講4至5萬蚊長途電話，大家話「一號」有乜嘢要講？唔通24小時唔收線咩 ？而家科技進步，冇咗呢個煩惱。

「一號」喺好多品牌心目中真係質素好差，每晚叫Room Service唔客氣，5位數一晚咁食， 廣宴親朋，當然亦係客戶負責，換咗一啲有返咁上下級數嘅明星，呢啲數完全自己搞掂，好多仲會自己幫襯買番啲筍貨，個客梗係識做畀個超優惠價，而呢啲名牌亦有收藏價值，下次咪又搵返你囉。所以近年「一號」係代言界完全零踪影都係貪之過。

其他文章：

星8卦丨「妹妹」誤信「發姣」可以搵快錢當「經理人」無到認真忘本

星8卦丨「小天后」體弱得怪病 「威威」拚命三郎搵錢伴妻打硬仗

星8卦丨「阿俊」被力捧成為財神爺衰爛賭遭封殺死不悔改

星8卦丨「人妻」離婚為復出鋪路 信錯經理人爆錯料有排衰

星8卦丨「專業」花心亂媾仔 追唔掂「少爺」搞鬼自取其辱

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。