43岁袁伟豪努力保养期待同囝囝游车河 自认大叔仍不忿网民为流量嘲衰老丨独家

袁伟豪（Ben）在《反黑英雄》首度演杀人如麻大反派“陈祖耀”，他演得过瘾，观众亦睇得投入。不过他的状态再度成话题，他就不忿网民为流量才经常嘲他衰老。他坦认毕竟已年届43岁大叔之龄，加上早年挨坏身子，但已努力保养。升呢人父的他，开心囝囝袁晞祐（乳名：袁咕碌）已识叫“爹爹”，期待等囝囝大点一齐游电自行车河，还透露有意追个女。采访：杜杜 摄影：谭志光 场地:Velo Italian Bar & Grill

Ben承认做老窦后，跟以往心态有很大转变，一切以袁咕碌行先。

 

Ben承认做老窦后，跟以往心态有很大转变，一切以袁咕碌行先。

 

Ben承认做老窦后，跟以往心态有很大转变，一切以袁咕碌行先。

 

Ben对于演大反派，完全不抗拒，还形容“陈祖耀”，“呢条友几型，几劲㖞！好爱恨分明，有仇必报，亦都好重情义。”他选择以踏实方式演绎，更得到认证，“差唔多拍完监制话‘几好睇，有啲嘢㖞’，我就觉得呢件事成功咗一半，走啱咗方向，只系观众会点睇，系咪真系会咁肉赤呢？！原来佢吊颈𠮶刻啲人都会话‘咁点算冇嘢睇㖞’，证明大家代入咗，呢个人系有血有肉。”

“陈祖耀”作为大反派，亦是个悲剧人物，易令观众同情。

 

“陈祖耀”作为大反派，亦是个悲剧人物，易令观众同情。

 

“陈祖耀”作为大反派，亦是个悲剧人物，易令观众同情。

 

拿旧作比较好无谓

Ben近期每逢有剧播，外界着眼点不是演绎，反而更留意他的状态，他坦言觉得好无奈，“𤷪梗系会有，点解要咁啫？！成日讲衰唔衰老，又断涯式又旋风式。”他分析外界拿旧作来比较，认为相当无谓，“点解“天堂哥”（《使徒行者2》）会变成咁？！‘天堂哥’系7年前㗎啦，唔该！《铁马战车》个‘司马sir’ 10年前㗎啦！𠮶时33岁，今年小弟已经43岁，“牙佬”系34岁，系最fit，最当打嘅时间，人生最健康、能量最高，回气回得最快，最襟挨嘅时候，𠮶时仲要高清，𠵱家系睇紧4K、8K，同期我又拍紧两个剧，又做咗人爸爸，个样少不免有啲残，现场环境又恶劣，个妆甩得快啲，咪又见到我更加攰囉！”他又笑言已自称uncle，“成班世姪，都系叫我Uncle Ben，𠵱家我觉得大叔好型，冇贬意！”

网民以“天堂哥）做咩老咗咁多？”为题出po，Ben忍不住留言回应“天堂哥已经系7年前，老都系正常”。

 

2017年，Ben演《使徒行者2》的“天堂哥”好fit。

 

Ben强调不会为这些声音，放弃搜寻有关自己工作的消息，更会忍不住出手澄清，“佢想要流量，做啲话题出嚟，唔系啲正常人嘅用户，而我见佢有啲嘢想做，咪回应佢其实我唔系肥，喺我工作生涯裹面，我应该冇肥过，未试过有肚腩。”他最不忿是网民一句话，随时变成新闻，“你话我残都算，仲要话埋我有肚腩，我日日饭都冇得食，就系为咗个角色想fit啲动作打得快，你一句话我有肚腩，我又畀啲传媒讲话我走样有肚腩，咁系咪𤷪先，所以我咪话畀佢听唔系肚腩嚟，系腹肌嚟！”

Ben不忿腹肌被误当有肚腩，要一再澄清。

 

调整作息努力保养

Ben坦认身体早已挨坏，更笑言每日状况有“最佳食用期”，所以工作前要提早起身去水肿，“今日做6个专访，正午12点开始，我要7点起身就系要等自己醒，碌面，就算碌完都系肿到乜咁，都要碌㗎嘛！咪就系年纪大囉，挨坏咗啲内分泌。”他亦好注意饮食，以少甜少盐为主，“总之少盐系大前题，唔食宵夜，唔食甜，因为糖化衰老得好快，一定要做运动，跑步同埋做gym，但冇之前个强度咁犀利，以前我会跑10K，𠵱家跑5K松啲就收手，惊跑得太多甩水太劲又会攰。”

Ben手机画面由以往揸电自行车，已变成囝囝靓相，还有多个成长阶段选择。

 

Ben手机画面由以往揸电自行车，已变成囝囝靓相，还有多个成长阶段选择。

 

为了保养兼凑囝囝，Ben更调整了作息时间，“我平均夜晚12点半度就瞓，以前系3、4点都唔瞓，𠵱家唔使开工我都会咁早瞓，尽量7、8点就起身，上午去做运动，晨操完返嚟就去凑BB，陪吓屋企人，夜晚就cut应酬，食饭7点食到10点返屋企，唔会玩到好夜，靠呢啲嚟保养。”

Ben跟袁咕碌游水未够喉，最恨揸电自行车一齐游车河。

 

8个月大的袁咕碌，人如其名肥嘟嘟又好笑容，难怪冧死爸爸。

 

计划为囝囝追个妹

讲到升呢人父，Ben坦认责任大了，连揸快车都会有内疚感，“上年（张）宝儿陀咗 3、4个月，啱啱公布咗有BB，我同振朗去咗欧洲拍《欧洲铁骑游》，我喺德国𠮶条冇限速公路揸到200几公里，揸住电自行车爽㗎！听见啲引擎声，又有啲风，见到个表180、200、220咁上，完成咗𠮶个速度好正，但系之后𠮶几秒就觉得好内疚，即刻就谂我𠮶吓炒车，我个人就散，BB点呢？！都未见到我，我就唔喺度咁点算呢？！觉得有啲嘢，唔使去到咁尽，年少时试过呢啲嘢就算嘞！”

Ben去欧洲拍《欧洲铁骑游》开心飞车，但事后感到内疚。

 

Ben提到袁咕碌就冧晒，开心透露听到囝囝识叫“爹爹”一刻劲兴奋，更期待等囝囝大点一齐坐电自行车，“佢够6岁定7岁坐得，我就会畀佢坐㗎啦！佢有意识掹住我，就会带佢游车河，喺屋企附近兜吓，或者出去石澳同啲uncle饮吓茶，同吴家乐叔叔，李𤨪琛叔叔一齐游吓车河，型呀！”他又计划2、3年后为袁咕碌追个妹妹，“我都系有个妹，佢成长多个人陪伴，起码唔使对住个公仔讲嘢，唔使对住个平板电脑，冇人同佢互动。”

Ben希望将来带囝囝坐电自行车，同吴家乐一齐游车河。

 

Ben已计划3年内跟太太张宝儿生多个小朋友，不想年纪跟袁咕碌差太远。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。