學友林嘉欣「相愛」駕輕就熟

學友搞笑謂如果導演唔cut機的話，好多無法想像的事都會發生！

張學友睽違8年回歸大銀幕主演英皇電影《海關戰線》，跟多年拍檔林嘉欣再演情侶，可謂駕輕就熟，導演甚至想讓學友和嘉欣自由發揮，學友卻阻止，笑言唔cut機的話，好多嘢會不可思議繼續做落去！

學友和嘉欣未埋位前把握時間聚舊，就連接受訪問，嘉欣都撒嬌埋怨好拍檔學友經常提起陳年舊事。戲中學友演關員張允南，而嘉欣飾演官階較高的海關助理關長，「男卑女尊」的情侶關係令男方有時出於自卑而喝斥女方，學友甚至要演繹激動破口大罵的戲份，連嘉欣都被他嚇到。不過二人的對手戲集中在溫馨場面，埋位就「自動波」頭貼頭相擁，當導演邱禮濤上前教戲，最後也發現這對好拍檔設計的動作最自然。其中學友為嘉欣慶生的戲份，兩人要舉手機自拍後看照片互相取笑，兩人投入角色到旁若無人，嘉欣戲裏戲外都冧笑。
情侶戲拒自由發揮
在另一場戲，學友要無微不至照顧嘉欣，導演本打算一直開機長拍讓兩人自由發揮，豈料學友搞笑地阻止：「唔好呀，你唔cut我哋繼續做㗎，好多嘢會不可思議咁繼續做落去，無法想像嘅嘢都會發生！」惹得全場大笑。當日兩人的對手戲全部完成，嘉欣臨走前依依不捨，兩人擁抱道別後，又搞笑叮囑一句：「唔好咁奀皮！」兩人隨即大笑。
再度合作可期
學友和嘉欣曾合作電影《男人四十》及《暗色天堂》，問到兩人可記得何時第一次合作？學友興奮搶答：「我哋首次合作係1994年，嗰時佢得十幾歲。」嘉欣即插口說：「你唔好再講喇，我見親佢都講，話我18歲就識得你，哈哈！」學友所指的是嘉欣為他的經典金曲《情書》擔任MV女主角，當時嘉欣只得18歲，兩人的緣份由此起。最後學友表示相信好快再跟嘉欣合作，更哼起經典歌：「那天再重聚……」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。