鄭秀文演唱會丨第二場再有新造型！與林家謙台上笑嗌表姐弟 即場玩拆盲盒
天后鄭秀文Sammi昨晚在紅館舉行第二場「You & Mi 鄭秀文世界巡迴演唱會2023」，繼頭場以多個造型靚相後，昨晚第二場再有新衫，以「白色小飛鳥」造型登場，歡迎表演嘉賓林家謙，二人手拖手邊走邊唱《親密關係》，全場起哄。
相關閱讀：鄭秀文演唱會丨13個造型逐個睇！20萬顆水晶人手鑲嵌閃爆 奇特造型被狠批似打大佬
鄭秀文在台上笑問林家謙歲數後稱他做「表弟」，然後二人在台上以「表姐」和「表弟」相稱，有說有笑。鄭秀文對林家謙說：「呢個演唱會原本喺舊年舉行，嗰時邀請你，好快就答應做我嘉賓。其實我今年再搵嘉賓都好驚，因為邀請咗人哋之後自己撻咗Q，人哋預晒時間，我內心好抱歉。今次再膽粗粗搵林家謙，點知又一口答應，真係好多謝你！」還即場邀歌，家謙亦一口答應，Sammi興奮地說：「你應承咗架啦 ，哈哈，我公器私用！」
然後林家謙送鄭秀文小禮物，他說：「其實唔係好貴重嘅嘢，出邊應該未入到貨，我喺Pop up店買冇貨，呢個我上網買，係一個『Inside Out』（電影）嘅盲盒。」鄭秀文開心說：「多謝，我最近首歌叫《盲盒》呀！」林家謙說：「我覺得啱你首歌，同埋『盲盒』呢個意思好好，我哋每人每一日瞓醒嘅都好似抽盲盒，因為遇到嘅事情、情緒都預計唔到，無論抽阿樂、阿怒、阿尷都好，都希望你好好擁抱每種『腦朋友』。每種情緒都可以令我哋感覺到自己嘅存在，然後好好咁過每一日。」Sammi大讚：「講得好，多謝表弟！」
相關閱讀：鄭秀文演唱會丨許志安唱到一半歌迷先識起哄！狂換靚衫似時裝展 感動位搞喊鍾楚紅
鄭秀文演唱會丨首場13造型逐個睇！
林家謙本來請鄭秀文返後台拆盲盒後告訴他抽到甚麼，點知鄭秀文爽快即場拆，還搞笑地將包裝紙丟到地上，林家謙連忙執起，全場大笑。結果揭曉鄭秀文抽到紅色「阿燥」，林家謙笑說：「啱晒你啦，你頭先咁樣！」然後學她丟垃圾紙到地上。鄭秀文即刻變乖，說：「好，我收斂，好好控制自己嘅情緒。」林家謙說：「收埋佢，唔好爆出嚟！」還吩咐她帶埋包裝紙垃圾返後台。
之後林家謙演唱鄭秀文經典金曲《衝動點唱》，還改了一句歌詞變成「原來是我衝動翻唱」，全場歡呼。Encore 環節，Sammi演唱《盲盒》 、《如果我們不再見》和《我們都是這樣長大的》。她說：「嚟到第二場，一切緊張和拘謹都拋開晒，多謝你哋入場。」她笑指觀眾隨著年紀變大，嗌「encore」和「Sammi」的聲音都變弱，叫觀眾多做運動，還展示手臂結實的「老鼠仔」，得戚地說：「睇唔出我就嚟52歲？犀利？應承我，一齊變老，好唔好？」全場觀眾大叫「好」！
另外昨晚Sammi好友張衞健、導演谷德昭、溫碧霞與丈夫何祖光、少爺占、陳敏之、DJ主持西瓜與傑傑等捧場，開騷前眾人在後台，與Sammi一比一人型紙板打卡，又玩夾盲盒扭蛋，非常歡樂。
鄭秀文演唱會丨哪些藝人好友睇頭場？
其他文章：
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
