《超时空情歌》美国黑胶版《想见你》丨头条戏场

穿越题材长拍长有，韩剧就特别钟意，近期就有《背着善宰跑》，更令入行14年的男主角边佑锡由三线变巨星。美国浪漫奇幻电影《超时空情歌》亦系玩穿越，唔系无时无刻回到过去，只会透过音乐跟过去连结，即系你听到一首歌会谂起某个人或某件事，然后穿越去有关时空，即系台剧《想见你》啦?冇错。但电影时间有限，剧情冇咁复杂，亦冇坏人阻住晒，就系一套围绕音乐同记忆，深情又浪漫嘅爱情电影。(已上架）撰文：廖思慧    剧照提供:Disney+

Harriet多次穿越，可以改变一啲小问题，但要救男友就唔容易。

 

歌好听，男女主角又靓，虽然故事薄弱，可以一睇。

 

每到夜晚，Harriet都努力听歌玩穿越去救男友。

 

睇过一套戏、听过一首歌、某个港铁站等过一个人，甚至乎一句话都可以连结好多回忆。戏中女主角Harriet (Lucy Boynton饰)系音乐人，跟同属音乐人的有型仕Max (DCU的“新超人”David Corenswet饰)相遇音乐节，一拍即合继而拍拖再火速同居，音乐人之家有大量黑胶，饭后余庆节目系黑胶碟循环播，调暗埋灯光，小小音乐世界加靓爆情侣，烟烟韧韧本来幸福到死。

靓靓Harriet喺音乐节同Max相遇。

 

Harriet努力揾歌想回到过去意外时间救男友。

 

好羡慕外国仲有黑胶唱片店
因为一个意外，Max走了，Harriet伤心到有情绪病，要去情绪支援小组聚会，藉分享去释放自己，期间识到同病相怜的David (Justin H。 Min饰)，一个失去至爱，一个长别至亲，互相安慰再行埋一齐，但最重要问题，Harriet会因为听到某首同Max一齐听过嘅歌，就会穿越去当时，由开头好惊到之后习以为常，更可以随意在穿越期间拔走所有播放歌曲的电源回归正常。然后，Harriet有一个大胆谂法，就系想办法揾返Max出意外时听紧嘅歌，然后拯救佢。

David及Harriet都系情绪病人，唱片店偶遇，其实几衬。

 

Harriet曾经不断用音乐怀念已逝男友，过程好痛苦，好彩最终都揾到可以互相救赎的David。

 

Harriet曾经不断用音乐怀念已逝男友，过程好痛苦，好彩最终都揾到可以互相救赎的David。

 

好多评论话韩裔美籍的Justin好老土，都唔系吖，互flirt戏都几有Feel。

 

Harriet同Max以往相处越开心，前者穿越就越痛苦。

 

Harriet同Max嘅回忆画面都好Sweet。

 

电影Sell RomCom，系几甜但一啲都唔Com，全片弥漫忧伤，最惨女主角爱音乐，要靠音乐治疗伤痛，但同时又怕工作时听到某首歌回到过去，要长戴Headphone保平安。故事简单，有靓仔靓女睇，歌又好听，好羡慕外国仍然有黑胶唱片店。由《初恋无限JAM》已经超钟意女主角Lucy，戏中嘅佢著得有型又有味道，妆又Cute，属轻甜糖水爱情片，临瞓前睇一流。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。