【星爺講波 23】八強會師：英軍逃過一劫喜迎瑞士 土耳其失猛將難抗荷蘭

周六(6日)：英格蘭 Vs 瑞士(加東時間中午12:00)、荷蘭 Vs 土耳其(加東時間下午3:00)

明天兩場半準決賽，頭場係英格蘭鬥瑞士，勝方將同尾場嘅荷蘭對土耳其勝方爭冠軍戰入場券。

歐洲足協喺呢兩場大戰之前宣布了重要決定，有人歡喜有人愁，歡喜嘅係奪標熱門之一嘅英格蘭，事關主將比寧咸雖然因十六強戰對斯洛伐克一仗入球後做咗「抓褲襠」的動作，最終只被罰3萬歐元及停賽一場但緩刑一年，換言之明天對瑞士嘅大戰可以上陣。

土耳其就無英軍咁好彩，佢哋贏奧地利2-1嘅入球功臣美列迪美羅，因入球後做出了「狼敬禮」手勢，這一手勢與一個極右翼組織相關聯，該組織與土耳其執政聯盟的國家運動黨有關聯，最終他因這個極端民族主義的敬禮動作而被禁賽兩場。換言之，美列迪美羅唔能夠喺大戰荷蘭一仗上陣，即使土耳其過關殺入四強都無佢份，除非球隊咁好彩入到決賽至有機會復出，星爺差唔多可以咁講，除非奇蹟繼續出現，否則佢已經「提早畢業」。

講番兩場波，比寧咸「逃過一劫」自然係英格蘭嘅大喜訊，因為呢位21歲嘅猛將，已經算係英隊陣中表現較穩定嘅球員，而且有能力扭轉局勢，星爺敢講，有佢在陣，英軍至有希望繼續前進，佢絕對係英格蘭福將，瑞士嘅心腹大患。但英隊要過關，受盡批評嘅修夫基必須要改變上兩仗慢熱嘅表現，事關瑞士踢法積極進取，隨時一開波便壓上前搶攻，如果再次先失球，未必好似之前咁好彩，皆因逆境波唔係次次都踢得好。星爺估計，兩隊必有激戰，英瑞九十分鐘和加時難分高下，互射十二碼球後，英格蘭險勝過關。

尾場荷土之戰嘅戰況，隨着歐洲足協嘅決定變得簡單，土耳其嘅壞消息成為荷蘭賽前收嘅一份大禮！荷蘭崇尚進攻嘅踢法，少咗美列迪美羅呢位瞻前顧後嘅後防猛將坐鎮，進攻肯定更加得心應手，尤其狀態極佳嘅前鋒加普，自己搵食又得，助攻都掂，肯定是荷蘭前鋒線最銳利嘅尖刀，土耳其後防應該有得震冇得瞓。

去到八強階段，由於各隊以穩陣為先，其實比較難出現大手交易，但都唔係完全無出現過，上屆英格蘭就以4-0大勝烏克蘭，星爺大膽預測，荷蘭可以大勝土耳其，昂然殺入四強。

AI預測：

英格蘭 Vs 瑞士(中午12:00)

預測賽果：英格蘭勝

半場比分：英格蘭 1-0 瑞士

全場比分：英格蘭 2-1 瑞士

總入球數：3球

荷蘭 Vs 土耳其(下午3:00)

預測賽果：荷蘭勝

半場比分：荷蘭 0-0 土耳其

全場比分：荷蘭 1-0 土耳其

總入球數：1球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。