將軍澳綁架案｜家長震驚：依家唔畀仔女獨自出去

將軍澳前日（3日）發生震驚全港的綁架案，一名3歲男童在光天化日下於人流不少的將軍澳廣場，公然被人掩口擄走，綁匪留下一張寫有簡體字「想小朋友安全 不可報警」的字條，勒索男童家長約值514萬港元的加密貨幣。其後警方13小時內破案拘捕2名涉案女綁匪。事件曝光後，家長無不提心吊膽，不諱言「真係有啲震驚」，紛紛表示要睇實小朋友。

Ｏ記探員到將軍澳廣場要求保安員協查。楊偉亨攝

 

Ｏ記探員再到將軍澳廣場。楊偉亨攝

 

Ｏ記探員再到將軍澳廣場。

 

Ｏ記探員再到將軍澳廣場。

 

Ｏ記探員到將軍澳廣場要求保安員協查。楊偉亨攝

 

《星島頭條網》記者今日再到肇事的將軍澳廣場，向市民了解對綁架案的看法。其中何先生帶着讀二年級的女兒，女兒表示「去度邊都與家長一齊，仲要帶手機方便聯絡」。而何先生則指「依家盡量都唔畀佢（女兒）獨自出去，有課外活動都會自己帶佢去，依家真係有啲驚！睇到新聞，都會震驚，呢啲事（綁架）應該係我當年好細個先會發生，依家好少，所以咁樣聽，我都有啲震驚！」

何先生坦言對綁架事件感震驚，不會讓女兒單獨外出。楊偉亨攝

 

李太提醒家長要睇實細路仔，唔好放低佢一個人周圍走。

 

李先生指現時人流多咗治安比前差。

 

一名不願透露姓名的女家長表示，自己會拖實小朋友，「涉事小朋友得3歲，應該係大人1米範圍內，唔應該俾人捉走都唔知，就算乜嘢定位儀器、GPS等都未必幫到手，因為已經俾人捉走咗。而擄人者都唔會咁儍，可以拆走你隻錶，破壞你啲追蹤儀器，係冇意思。如果老人家身體狀況OＫ，就同埋工人姐姐一齊去湊小朋友，依家都將呢單新聞話畀工人姐姐聽，等佢哋提高警覺。我自己都好震驚。」

李太拖着孫女表示，「對新聞有啲震驚，小朋友要跟住媽咪，去邊度都要睇住細路哥，唔好放低佢一個人周圍走。最好家長接返學放學，走失咗就唔好。因為呢件事大家都驚，點都要顧住細路哥。」

至早上9時45分，一男一女Ｏ記探員到將軍澳廣場，再要求保安員協助調查。

一名3歲男童前日（3日）在將軍澳廣場被掩嘴擄走。

 

綁匪留下字條，要求男童不能報警。

 

網上圖片可見軍裝警員調查事件。網圖

 

圖為綁匪勒索男童家屬66萬USDT（泰達幣）贖款的手機對話截圖。

 

警員返回現場調查。

 

將軍澳綁架案相關新聞：
路線圖曝光 由擄人到公園棄BB車再運參上樓 歷時僅10分鐘
「天眼」成神速破案關鍵 議員冀增AI及人臉識別等技術防罪
疑犯與被綁架男童家人不認識 事前經過精心謀劃
兩女綁匪疑財困犯案 擄走男童後放入行李箱帶走
被捕2女子扣留將軍澳警署 其中1疑犯不適送院
男童偕姐商場玩耍失蹤 目擊者：姐見弟「俾阿姨捉走」痛哭求助
PTU海濱長廊一字排開 地氈式搜索證物
消息：男童藏參天晉 O記救人當場拘2女子
街坊人心惶惶 家長：「睇緊啲」拖實小朋友
獲救3歲男童留院檢查 家人兒科病房陪伴
將軍澳廣場男童被綁架 勒索家人514萬元 警方閃電救回肉參拘捕2人

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。