揭陳彥行囡囡生父身份係黃子華司機 富貴阿媽助養孫女送逾千萬北角豪宅 丨獨家

多年來自稱單身，47歲「行姐」陳彥行日前竟被爆秘密生女，囡囡3歲大就讀名牌幼稚園，但生父成謎。昨午行姐終於「上水」，在社交網出po承認產女，強調「3年前就應該公佈這個喜訊。」並交代另一半係「沒特別，簡單低調嘅圈外人」。《頭條日報》從行姐圈中閨密中收到絕密獨家消息，得知行姐女兒爸爸的真正身份，原來是黃子華的司機。另外，據知財力雄厚的陳媽媽去年更豪擲千萬送出北角物業安頓行姐及孫女，由當初大力反對，到被孫女融化逐漸接受司機「女婿」。採訪：曾盻堅

行姐昨午在社交網發放母女相，分享3年前天賜嘅禮物。

 

BB女輪廓跟行姐好似樣。

 

行姐終肯承認產女。

 

她在社交網出po，強調「3年前就應該公佈這個喜訊。」

 

愛犬及囡囡都係行姐寶貝。

 

媽媽眼中囡囡好可愛。

 

行姐為愛女影寫真留念。

 

行姐得一粒女，梗係畀最好嘅資源佢啦。

 

行姐大肚寫真。

 

一臉幸福。

 

臨盆在即個肚好大。

 

谷奶令行姐上圍更加豐滿。

 

2021年9月陳彥行產後仲未修身出現水桶腰。

 

 

行姐囡囡的父親是黃子華的司機。

 

行姐跟TVB經典劇《男親女愛》演員鄭裕玲、黃子華等好有淵源。

 

最近陳彥行現身幼稚園接3歲女兒放學，並跟家長們打成一片，才被踼爆早已秘密生女，囡囡啱啱從小組班畢業。原來近年行姐淡出幕前，全因要親力親為照顧獨生女，亦唔怕生女消息外傳不時現身親子活動，在校內非常高調。

「老公」超錫行姐

「潛水」多時的行姐只跟少數圈中閨密保持聯絡，聚會時難免會洩密，開心SHARE近況，據知情者說：「行姐得一粒女係怪獸家長，反正有陳媽媽『助養』唔愁生活，4年前索性唔撈，仲安排個女入讀每年學費近11萬港幣嘅名牌幼稚園，將最好資源畀晒寶貝女。」閨密更大讚行姐在圈中浸淫多年但唔貪慕虛榮，亦唔介意另一半冇錢冇地位，愛情至上，最緊要自己鍾意：「佢除咗緊張個女，更加保護另一半，平時喺朋友面前畀足面，唔多提男方係職業司機，唔想影響到老公自尊心，尤其唔想俾人知道佢係黃子華司機，費事麻煩。」閨密亦對行姐「老公」讚不絕口，「佢好錫行姐㗎，有時一齊出嚟飯局，『背後男人』唔多出聲，係咁斟茶遞水，早晚管接管送做到足，『兩公婆』幾SWEET呀，睇住佢哋一齊都咁多年啦，根本就冇分開過，只係壓力太大轉做地下情啫。」

老人家曾大力反對

行姐系出名門，係民國初年的雲南革命黨軍官黃毓英嘅曾外孫女，陳媽媽退休前經營飲食生意多年，賺到多桶金。行姐亦曾入讀加拿大著名的加利福尼亞大學，學成後才加入TVB第7期藝員訓練班。閨密又指：「陳媽媽本身有錢有面只得兩粒女(行姐係孻女)，而且行姐有學歷又唔係冇條件，梗係想個女嫁得好啦，故陳媽媽多年來多次反對行姐跟司機男友交往，無數咁多次好言相勸叫行姐諗清楚。」據知行姐終極戀愛腦，被男方嘅愛打動而逆母意，仲做高齡產婦，停經前趕住『生米煮成熟飯』，「老人家見到孫女同行姐如影印一樣咁得意，『女婿』又算勤勤力力，好錫家人，唔會『沙沙滾』，唯有被迫接受。」據可靠消息，前年行姐挺身幫媽媽追返銀行保險巨款，陳媽媽去年就送上逾千萬千呎北角豪宅單位畀個女一家安居樂業，行姐更搵埋風水師睇風水，務求家宅平安，阿女健康成長。

好有財力的媽媽係行姐最大後盾。

 

前年行姐上《東張西望》哭訴母親墮入3,000萬元保單騙局。

 

當時行姐聲淚俱下。

 

今年3月行姐和薛家燕、阮兆祥、廖碧兒、鄧兆尊任黎芷珊主持的《最佳拍檔》嘉賓。

 

21年12月秘密「升呢」媽咪嘅行姐參與TVB綜藝節目《麻雀鬥室三決一》。

 

經典劇《皆大歡喜》四位演員聚首。

 

產後行姐身形好圓潤，不時要接受脊椎治療。

 

做女時FIT爆嘅行姐曾做過纖體代言人。

 

當年行姐好「胸」狠。

 

行姐向來身材出眾。

 

家幸福肥好有福氣氛。

 

月前行姐與「TVB第7期藝員訓練班」同學劉愷威、吳家樂、張松枝、梁雪湄、鍾潔怡等聚會。

 

呢班圈中老友常聚頭。

 

入行初期曾和《皆大歡喜》拍檔鄧兆尊傳緋聞，但行姐堅稱冇感覺。

 

行姐同兆尊只係霧水情緣。

 

同兆尊拍《皆大歡喜》傳緋聞。

 

鄧兆尊2017年被拍到帶二奶Cherry車厘子（右二）、三奶骨妹（右三）和四奶（年約40歲中女，後戴橙圍巾被遮掩者）到銅鑼灣時代廣場逛名店。

 

19年前陳彥行和麥玲玲、苑瓊丹到上環文武廟拜神求姻緣。

 

在《皆大歡喜》演出「金日」成為陳彥行的經典作品。

 

陳彥行曾經是《獎門人》的常客。

 

行姐最後劇作係2017年港台嘅《忘憂理髮店》。

 

和郭羨妮合作拍港台嘅《忘憂理髮店》。。

 

行姐跟楊天經演過舞台劇《嬉春酒店》。

 

多年來行姐有一班鐵粉。

 

做ViuTV節目《對不起 標籤你II》。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。