云浩影衰无胆错过入行好时机极后悔　钊峰 Hillary Elsie轮住讲遗憾乜都听人讲丨独家

商台主办、DJ Elsie（吕珮琳）创作并跟梁钊峰、刘沛蘅（Hillary）和云浩影（Cloud）主演，以遗憾做主题的903舞台剧《遗憾收藏馆》，将于9月上演。4位主角轮流讲工作上的憾事，前三者会过份在意别人目光，而Cloud就后悔因想太多，错过入行最佳时机。采访：杜杜 摄影：谭志光 形象:Matthew(Elsie)、Matthew Chan(Cloud)发型:Seiko@Hair Culture(Hillary)、Wing Wong@The Attic(Cloud)、 Zanki Ng@BHC(钊峰)化妆: Zoe Fan(Hillary)、Kineks Ho(Cloud)、Karen Ma(钊峰)服饰:As Know As Pinky、Dazzlin、BVLGARI(Elsie)、Isabel Marant(Hillary)、Harvey Nichols(钊峰)

Hillary、钊峰、Cloud和Elsie初次合作，但因为是同类人好啱倾。

 

4人合演的舞台剧《遗憾收藏馆》，将于9月公演。

 

钊峰和Cloud在舞台剧中饰演兄妹。

 

钊峰和Cloud在舞台剧中饰演兄妹。

 

钊峰和Cloud在舞台剧中饰演兄妹。

 

Elsie初入商台就单拖主持周日深宵节目《艾尔丝怀疑仙境》，当时监制谢茜嘉提醒她，想有突出表现就要下点苦功，“节目喺凌晨1点至2点，应该冇人听，嘉姐话‘你去写广播剧啦！啲人会觉得呢条友好勤力，凌晨都有广播剧出，落多啲功夫去做，终有日人哋会睇到’。”她想到大部份人对遗憾都会有共鸣，就创作了《遗憾收藏馆》，去年更胆粗粗向商台CEO陈静娴自荐变成舞台剧，但她对自己创作完全冇信心，提议将跟阿正（黄正宜）主持的节目《Bad Girl佬》变成舞台剧都冇问题，“我净系想写舞台剧，真系冇所谓。”不过CEO反而鼓励她：“既然做就做返你节目个《遗憾收藏馆》，搬大佢啦！”

Elsie担心向CEO自荐不成功，提议将《Bad Girl佬》改成舞台剧。

 

Elsie逼自己太紧

提到生活上的遗憾，Elsie说：“可能我哋4个都系好乐观嘅人，活咗咁耐，一定有啲嘢唔开心，但冇睇成遗憾。”Cloud就补充，“Elsie将遗憾嘅定义set得好窄，松返少少我哋应该有好多。”讲到工作中的遗憾，自言缺乏自信的Elsie，认为自己太在意别人眼光，“出去做一间公司，对嘅系上司、老板，服侍得佢好好，你嘅工作就冇乜嘢，但做幕前，我嘅客就系全港嘅人，对我嚟讲系好难，另一样遗憾就系逼得自己太紧，1千个意见都会听晒，摆晒入自己个脑，好辛苦，点样可以睇自己多啲，多过人哋，呢生都要学习。”

演员出身的Elsie首次自编自演，份外紧张。

 

演员出身的Elsie首次自编自演，份外紧张。

 

演员出身的Elsie首次自编自演，份外紧张。

 

钊峰被Wyman吓亲

钊锋相当认同Elsie，“我哋对别人嘅声音特别敏感，对自己声音特别迟钝，唔系人哋就系啱，呢个系要终身学习。”因为2012年 C AllStar首个大型演唱会，一个特别观众令他发现自己有问题，“原来阿Y（黄伟文）睇我哋个骚，佢好sharp，众裹都寻到佢，唱歌要呼吸，但我唔系好呼吸到，好紧张，尤其啲歌系佢嘅作品，我唔知佢嚟，就吓一吓。”之后他表现不及首场，就知道自己好在意别人看法，“尤其是大前辈，呢个动作或唱法，人哋会点睇呢？放到核弹咁大，其后好啲，从错误里吸收，𠵱家都会顾别人，但不断提醒呢个系我毕生功课，要锡自己。”

2012年 C AllStar演唱会，邀请了蓝奕邦任嘉宾。

 

现实中是独生子的钊峰，开心有机会演哥哥。

 

现实中是独生子的钊峰，开心有机会演哥哥。

 

现实中是独生子的钊峰，开心有机会演哥哥。

 

Hillary冇咗自己

Hillary同样太在意外界声音，为了迎合别人失去自我，“觉得观众钟意睇我呢一面，就骚呢面畀人哋，但𠮶个未必系真正嘅我。”她坦认最初拍《胶战》时，知道观众喜欢看她笑，就刻意笑多啲，“平时都钟意笑，但会放大咗呢样嘢，拍拍吓觉得唔work，因为刻意去呈现会攰，拍耐咗跟队友熟络咗，觉得做返自己会长久啲，反而俾人见到自己更加多面向。”她最遗憾就是发现得太迟，“出道都唔短时间，初初真系唔系自己。”所以接到舞台剧的“小三”角色便一口答应。

Hillary最初拍《胶战》为迎合观众，刻意笑面迎人。

 

演“小三”的Hillary称现实中唔会做第三者，趁演出体验吓。

 

演“小三”的Hillary称现实中唔会做第三者，趁演出体验吓。

 

演“小三”的Hillary称现实中唔会做第三者，趁演出体验吓。

 

Cloud后悔想太多

Cloud的遗憾就是想得太多，错过入行最佳时机，“我好多访问都死唔认输，话自己需要时间学习，如果当初勇敢少少，谂自己多少少，仲后生应该更有资本去谂自己想做乜嘢，反而喺我最应该大胆嘅时候最胆怯，呢个系我嘅遗憾，会睇唔起自己当初唔够胆为自己争取想做嘅嘢。”她有此想法，全因入行后发觉自己有很大变化，“入咗行每日发现自己学得好快，学到好多嘢，完全想像唔到我早1年入行，𠵱家嘅我会系点呢？！”钊峰搞笑搭嘴：“可能成为咗我嘅前辈，哈哈！”Cloud坦认这次后悔经验，提醒自己将来要更勇敢去行，“勇敢试嘅同时，都发现有时听唔到自己想要乜，feel到想咁样㖞，但我会揿低佢，系咪应该要听其他人意见，有好多天使同魔鬼嘅声音。”

Cloud参加完《全民造星III》后继续做OL，错失入行机会。

 

Cloud透露跟钊峰初次见面已获对方提点。

 

Cloud参加完《全民造星III》后继续做OL，错失入行机会。

 

Cloud参加完《全民造星III》后继续做OL，错失入行机会。

 

Cloud参加完《全民造星III》后继续做OL，错失入行机会。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。