九展結業丨群星貼昔日演出相送別 193感謝這座荒島成就了現在 《中年好聲音》顏志恒分享三個難忘回憶
於1995年啟用的九龍灣國際展貿中心，曾經是娛樂圈其中一個不可缺少的地方，營運29年，先後舉辦過不少演唱會、舞台劇、新人選拔賽，電影首映禮與及大大小小的頒獎禮，還有不同類型的國際性比賽，見證了不少藝人的輝煌史，不過這個盛載了集體回憶的表演場地，在昨日（30日）正式落幕，過往曾在九展演出的藝人，連日來亦社交平台發文，記錄與九展的回憶！
相關閱讀：黃百鳴攜《開心鬼》告別九展 安排限定放映場 袁潔瑩李麗珍齊撐
過往曾在九展演出的藝人發文記錄回憶：
梁思浩舉行首個個人靈異talk show
梁思浩昨日在IG貼上多張在九展演出的相片並說：「當年來呢個地方，有很多回憶！做個人show ，做anniversary dinner，做台慶，大大小小show，今天這個地方終於要清拆！喺呢度我最記得嘅就係，做我自己嘅個人靈異talk show！仲記得每一場觀眾嘅掌聲！我有一個慣性，每10年我就會做一個個人show，去同觀眾同粉絲見見面。下一次開個人show ，好大機會係同大家講嘅告別show！到時記得入場，讓我向你們說聲：多謝！人生總有散聚，我珍惜你們，今天九展說一聲：謝謝你。」
郭嘉駿感謝這座荒島成就了現在
當年因為ViuTV選秀騷《全民造星》而入行的郭嘉駿（193），對於九展結業，當然感到不捨，他說：「人在外地工作中，無緣與九展作最後一次道別。感謝這座荒島，感激在這地方遇到的人和事，成就了現在的193。」曾在2021年12月於Star Hall 舉行《Bobfather》第一站的林盛斌（Bob）說：「多謝你曾經俾咗好多演出者一個好好嘅地方，九展，江湖再見，有緣再見，感謝。」
顏志恒在九展首次參加公開歌唱比賽
《中年好聲音》出身的顏志恒，亦有貼上當年在九展參加比賽的相片並說：「九龍灣國際展貿中心，今天就會永久關閉重建。這幢建築物，的確給了我很多很多難忘的回憶。2018年2月3日 Music Zone，《歌王歌后挑戰賽 • 終極一戰》- 總決賽，呢個係我人生第一次參加嘅公開歌唱比賽。呢個比賽的確令我自己對歌唱嘅信心增強咗好多好多。2023年5月12和13日Star Hall《中年好聲音 • 夢想成真演唱會》，我第一次正式參與演出嘅演唱會，呢個演唱會就好似我哋中一生嘅畢業禮。2023年11月15日Music Zone《benson “ taste ” XIIV birthday gig》，我第一次喺公開嘅場館舉行嘅個人音樂會。嗰日好開心，邀請到一眾喺過去一年，一直陪伴我成長嘅長輩、評審、戰友、bens、家人、朋友們，聚首一堂，提早慶祝我嘅生日。Goodbye, KITEC !」
過往曾在九展演出的藝人發文記錄回憶：
商台DJ森美在九展結業前亦有到訪
商台DJ森美在九展結業前亦有到訪，他拍了一段短片並說：「九展仲記得嗰陣時候喺九龍灣國際展貿中心，做我人生第一個live電台節目，K緊(饉)40，喺嗰個暑假40天，每日節目live叫唔同嘅年青人唱歌比賽 ，短短一個夏天有很多不同的回憶。自此之後，喺入邊做過好多唔同嘅宴會、拳賽、演唱會、活動司儀，喺Star Hall做talk show，做咗兩年森美小儀歌劇團。每次出入都係匆匆忙忙，今日有時間作道別嘅時候先有時間望一望，原來大堂上邊有一個咁大嘅天幕，以前從來都冇留意過。究竟我人生當中，急步中走過，究竟忽略咗幾多美好嘅風景？
朱薰在九展第一次遇上老公譚生
朱薰一家四口齊齊告別九展，她說：「滿滿嘅回憶，做過幾個show，睇過更多嘅show。廿年前跟艾粒暑假40天喺街尾一個舖位每晚做哨牙婆，過幾年森小歌劇團《小孖俠》喺Star Hall做大人之卡通，好幾年叱咤嘅記者會都喺呢度，有一年嘅叱咤更喺度做咗一次冇觀眾嘅頒獎禮，前幾星期過去懷緬下，影相呢個位，係清朝時跟少爺占喺度拍過個MV嘅圓Hall，嗰日人生中跟譚生第一次遇上。#我哋去懷緬#tamjai #冧之之兄妹#帶佢哋返去爸爸麻咪第一次見面嘅地方。」
前女團HOTCHA成員張紋嘉分享珍貴回憶
前女團HOTCHA成員之一的張紋嘉（Crystal），亦分享了在九展的回憶：「人生兩個重要點都在這𥚃發生。兩個在不同階段很重要的演唱會，都在star hall 完成，九展給了我事業裡兩個很珍貴的記憶。當然還有大量在music zone 和舊細場(包括很多次Neway music live )演出的回憶。由第一次演唱會緊張到亂七八糟，到十年後能自信地完成所有跳唱演出（嗰陣嘅搏盡無悔，連我自己都覺得要啲掌聲自己）。由青澀到成熟，每一次台上台下的呼吸，九展都一一見證著。除了歌唱，當然還有很多拍攝、event 、看show 、看電影的腳毛。多謝你。」
其他文章：
ROVER告別九展show吸引過百人 KimJason難忘參加《造星》時心情 享仔想下站紅館希晉望飛去台灣
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
