专栏｜奥地利黑马实力 葡萄牙难炒斯文

话咁快欧国杯就已经嚟到16强阶段啦！

卫冕嘅意大利相信都几令球迷失望，佢哋喺分组赛要力拼至最后1分钟先惊险晋级。嚟到16强，整场赛事被瑞士控制住节奏而毫无搏击之力，全场更只得1次中龙嘅打门，最终惨吞两蛋，宣告卫冕失败。

而要数最惊喜嘅当然就系首次打入决赛周嘅格鲁吉亚啦！3场分组赛都有入波之余，第三轮更以2:0击败葡萄牙，成功以最佳第三名身份，再次创造历史、跻身淘汰赛。对战西班牙无论赛果如何，都会系充满新鲜感嘅戏码。

至于F组另外两队，葡萄牙会于周二凌晨对斯洛文尼亚；土耳则会喺周三凌晨恶斗奥地利。

奥地利都算系今届黑马，小组力压法国以首名出线、赢波𠮶两场都入到3球，表现亮眼，今场面对防守力欠奉嘅土耳其，赢波应该冇难度。至于凭最佳第3名晋级嘅斯洛文尼亚，虽然火力唔强，但老实讲，睇葡萄牙暂时嘅表现，起码唔会被炒。如果过份睇好葡萄牙，各位就要睇路嘞。 Vicki赵小姐

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。