專欄｜要俾個Like蘭歷克

今年最驚喜球隊，我絕對會選擇奧地利，3場小組賽表現絕對唔失禮，小負法國，之後先贏波蘭再贏荷蘭，可以話驚喜十足。

佢哋人腳唔係好強，好多德甲二線兵，平時少睇德甲嘅朋友，可能會認得沙比薩、干拉特賴馬、或者壞孩子前鋒阿拿奧杜域。不過在我Will仔眼中教練蘭歷克係逼搶教父，因為佢哋冇話邊個係真正嘅核心，陣容充滿工兵，全部快上快落，只要執行到蘭Sir嘅十上十落，每個都係好球員，將一隊B級球隊提升一個Grade就係佢嘅功力。

蘭Sir每場大幅度調動，從而可以保持球隊嘅體能，願意嘗試每一位球員，例如陣中有球員係聯賽嘅表現唔係太好，例如柏德列溫馬同尼古拉斯施華特等，但返到國家隊可以話係完全唔同嘅球員，好似施華特有兩場都係最多成功攔截嘅球員，而同時佢都係可以Create chance球員，淨係對波蘭已經創造咗4個。

呢個就係蘭Sir特色，每一個球員都係6邊形戰士，破壞對手節奏嘅同時，用高速嘅跑動彌補球員自身不足，可以話踼法速率都係好快，做到佢理想嘅足球節奏，所以呢隊奧地利係今屆賽事貨真價實嘅黑馬。Willhappy
 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。