【星爺講波 17】十六強大戰：英格蘭誓破斯洛伐克挽面子 格魯吉亞難阻西班牙向前衝

周日(30日)：英格蘭 Vs 斯洛伐克(加東時間中午12:00)、西班牙 Vs 格魯吉亞(加東時間下午3:00)

2024歐國盃進入16強淘汰賽第二天比賽，同樣有兩場比賽，四隊爭奪8強席位，分別係英格蘭對斯洛伐克、西班牙對格魯吉亞。

頭場係處於16強下線嘅英格蘭對斯洛伐克，勝方將會同爆冷兩蛋贈意大利嘅瑞士在8強戰會師。

英格蘭決心超越上屆屈居亞軍的成績，然而小組賽雖然順利以首名資格出線，但一勝二和嘅成績同表現，國內球迷、名宿同球評家都唔收貨，口誅筆伐，因而引起教練修夫基、隊長簡尼強烈反應，一時間英軍陣營出現緊張氣氛。

但以波論波，英格蘭實力何止高斯洛伐克一皮，單睇對賽往績，英軍從來冇輸過(6戰5勝1和)，加上斯隊防守力麻麻，只要簡尼、比寧咸、沙卡、科頓幾支大炮恢復水準，斯洛伐克後防應該有排驚。

英隊唯一要防斯洛伐克嘅攻勢，佢地嘅火力其實唔差，小組賽階段總共射門37次，差不多三分之一都中框（13次），呢兩項數據都係佢哋喺大賽嘅新紀錄，即使輸波，隨時會偷襲執番一球半球。星爺估計英隊可以順利進入八強。

至於上線嘅西班牙對格魯吉亞，贏波一隊將會跟以2-0贏丹麥嘅德國爭4強席位。

西班牙由於已經確保小組第一，教練迪拉富安迪喺與阿爾巴尼亞小組賽最後一場進行咗10次輪換，但依然全取三分，冠軍相初現。另一邊廂，格魯吉亞在小組最後一場兩蛋贈葡萄牙得以進入淘汰賽階段，證明唔係想像中嘅魚腩。一隊實力強勁，一隊狀態正處高峰，星爺相信比賽會有啲火花。

但有火花還有火花，西班牙歷來7次同格魯吉亞交鋒取得6勝1負的壓倒勝優勢，包括兩場歐國盃外圍賽(7-1、3-1），加上防守數據顯示格魯吉亞係24支球隊中最差一隊，即使格軍狀球員有幾fit，相信今次都難逃一劫，可能係大敗添，星爺繼續捧西班牙輕鬆贏波晉級。

AI預測：

英格蘭 Vs 斯洛伐克 (中午12:00)

預測賽果：英格蘭勝

半場比分：英格蘭 1-0 斯洛伐克

全場比分：英格蘭 2-0 斯洛伐克

總入球數：2球

西班牙 Vs 格魯吉亞 (下午3:00)

預測賽果：西班牙勝

半場比分：西班牙 1-0 格魯吉亞

全場比分：西班牙 3-0 格魯吉亞

總入球數：3球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。