前J2患癌主持文頌男道出公院問題被批評！再透露護士漏派藥：問幾時派一次又答唔到

29歲前J2節目《不正常愛情研究所》主持文頌男（Koba）因確診罕見癌症尤文氏肉瘤（Ewing's Sarcoma），需要停工休養抗癌。文頌男不時於IG更新近況，日前他曾分享住公立醫院的感受，道出醫護人手不足問題，部份安排影響患者觀感引來網民批評。文頌男昨晚（29日）在IG再分享身體狀況，並透露護士有漏派藥的情況。

相關閱讀：29歲J2患癌主持文頌男腫瘤擴散下半身無知覺 家姐難面對壞消息：彼此心中有數

患癌文頌男更新身體狀況：

文頌男是J2節目《不正常愛情研究所》主持。

 

文頌男高大靚仔本有大好前途。

 

文頌男慘被病魔折磨。

 

文頌男去年12月在IG公布患癌。

 

文頌男去年確診罕見的尤文氏肉瘤（Ewing's Sarcoma）。

 

文頌男早前慶祝29歲生日。

 

文頌男消瘦很多。

 

文頌男近日再度入院。

 

文頌男日前狂呻在公院如同坐監。

 

文頌男提到在公院睡不好，等不到適切治療，又不滿醫生「趕住走」。

 

文頌男更新IG，與網民玩「你問我答」。

 

文頌男透露現時每日都盡量進食，但吃一點便有「頂住」以及想吐的感覺，更指坐起來時有胸口痛的情況。

 

文頌男身體情況不理想。

 

有網民都明白文頌男精神壓力大，對他說了不少支持及鼓勵的說話，文頌男亦有感而發。

 

不少網民看到文頌男的言論，都擔心他的情緒，怕他失去積極治療的動力。

 

文頌男亦再度表現出負面心態。

 

有網民建議文頌男認真與主診醫生商討止痛藥劑量，文頌男透露護士有派漏藥的情況。

 

文頌男透露不轉私院的原因。

 

文頌男指並非個個留言都是黑心的，作為公眾人物亦有被批判的準備，不過想不到言論有如此大的迴響。

 

文頌男早前分享有位同房目測70歲的伯伯，全天候24小時不停呻吟、怪叫，抱怨換來網民批評他不識體諒患者，他在IG再回應。

 

文頌男不想被探望。

 

文頌男的胞姊早前在IG上載姊弟照，透露文頌男腫瘤擴散，下半身沒有知覺。

 

早前接受化療。

 

文頌男化療後毛髮開始脫落，故索性剃光頭。

 

可惜3月完成五次化療後宣告無效。

 

文頌男現時需長期服藥舒緩痛楚，但他說：「而家就算食藥都Keep住2、3分痛，間中會突然持續兩個鐘劇痛，痛到意識模糊。」

 

文頌男直言電療前照X光等過程已令他痛苦不堪：「成個過程我諗做咗四個字至半個鐘，我諗我去到一半左右已經痛到頂唔順，開始喺度呻吟，我差啲想大聲叫救命……」

 

文頌男早前接受《星島頭條》專訪，大談抗癌心路歷程，​言談間一直表現堅強，惟提及家人即難掩情緒數度流下男兒淚。

 

文頌男亦會接受不同媒體訪問。

 

文頌男椎間近盤骨附近位置有惡性腫瘤，其胞姊Hilary早前透露，文頌男腫瘤擴散，下身無知覺，更稱：「將會面對甚麼，彼此心中有數。」文頌男昨日在IG限時動態更新身體最新病況，他透露現時每日都盡量進食，但吃一點便有「頂住」以及想吐的感覺，更指坐起來時有胸口痛的情況：「食少少又好疲（累）要唞唞再食，來回咁樣其實都好折磨，唔食又唔得，想食又食唔到……」有網民關心文頌男在醫院會否太悶，他表示雖然知道不應該用醫院病房內的插座為手機充電，但如果沒有手機，他也不知可以做甚麼，亦分享：「醫院電壓好唔穩定，成日充得好慢、充吓斷吓。」不過認為手機充到電已經很好。

文頌男床位難看電視

此外文頌男在病房內亦可以看電視解悶：「床位有電視睇，但個視覺唔係幾好，又太細聲，基本都唔係好聽到講乜。不過唔緊要啦，真係要睇電視都可以用手機看。」對於有網民指：「你話悶，即係代表你都有精神，太好喇！有冇同吓同一樣嘅病友傾吓偈？」文頌男回應：「冇喇，傾唔到偈喇，我依家個胸都好痛，出唔到力講嘢，又轉唔到身過去。就算我真係想同隔離床講嘢都好難做到。」

相關閱讀：J2患癌主持文頌男獲梅艷芳猛料好友安排專車接送覆診！撰文感激：明明本來唔認識我

文頌男早前曾出關回公司談抗癌：

文頌男已全面停工大半年。

 

文頌男（右二）憑主持J2節目《不正常愛情研究所》而為人熟悉。

 

文頌男去年12月自揭患罕見的尤文氏肉瘤（Ewing's Sarcoma）。

 

經歷五次化療後，文頌男曾宣告治療無效，椎間近盤骨的惡性腫瘤疑有增大跡象。

 

為免感染病菌加上體力不足，除了到醫院覆診外，文頌男現時甚少外出。

 

文頌男平日覆診都要Call車，並需全程跪地乘搭。

 

文頌男（左）早前精神稍好在老友Dean陪伴下回網台辦公室。

 

由於車廂空間狹窄，文頌男只好拎出自備咕𠱸墊住坐。

 

文頌男指平時會用自備咕𠱸墊住跪，最初因引來司機奇異目光而感尷尬，後來也慢慢習慣索性豁出去。

 

文頌男表示，化療後痛感沒初期那麼嚴重：「之前完全坐唔到，而家好啲，所以可以坐到30至45分鐘，視乎座位夠唔夠軟，雖然而家有啲頂住頂住，但都接受到。」

 

由於腫瘤壓住椎間神經，文頌男指試過下半身持續劇痛30多小時，經化療後本來痛症大大下降，惜後期再次浮現，令他心力交瘁。

 

文頌男指，劇痛時10分滿分有8、9分痛：「係好多種唔同嘅痛夾埋，譬如放射痛、俾針拮及火燒嘅感覺，主要由大髀到膝頭後面。」

 

文頌男現時需長期服藥舒緩痛楚，但他說：「而家就算食藥都Keep住2、3分痛，間中會突然持續兩個鐘劇痛，痛到意識模糊。」

 

文頌男將於本月中接受放射治療（俗稱電療），預料一、兩個月完成約30次療程，被問到可有能力應付龐大的醫藥費？他直言此病需跟時間博鬥，故選擇到私家醫院或體檢中心進行檢驗，每個項目平均逾千元至萬元不等，令被逼全面停工的他甚吃力。

 

文頌男成長路上歷盡坎坷，12歲時父親為菲律賓情婦拋妻棄子，更留下大筆債務。

 

文媽媽惟有密密做獨力養大一對子女，終於捱到囝囝大學畢業。

 

文頌男成功考入教育大學，並取得藝術管理及藝術教育雙學士資格。

 

文頌男成功考入教育大學，並取得藝術管理及藝術教育雙學士資格。 ​

 

文頌男（中）讀書時期曾到中學實習。

 

然而實習前一日，文頌男曾因情緒抑鬱而欲輕生：「當然最終冇做到，好唔開心咁去咗間學校，全程都要收埋情緒扮冇嘢，照樣準備好教材去工作，唔想麻煩到人。」

 

經歷大病後心臟更強大的文頌男豁達直說：「有咩重要得過你就嚟要死？以前好關注或者為啲咩同人嘈，而家都覺得好無謂好少事，最緊要自己活得舒服、開心。」

 

言談間文頌男一直表現堅強，惟提及家人即難掩情緒數度流下男兒淚。

 

提到年過60的文媽媽為方便照顧病兒，索性辭去日間工作，晚上8時至清晨6時則做清潔工幫補家計，文頌男嘆道：「我冇工作仲要佢照顧我，自己都好愧疚。」

 

昔日覺得一切都是理所當然，大病後文頌男（右）才洞悉家人朋友無私付出的可貴，他爆喊說：「有時見阿媽幫我做啲嘢，我會同佢講『媽咪，我好愛你』，以前好少表達呢樣嘢，可能我驚自己時間唔係好多。」

 

文頌男（中）自幼與文媽媽相依為命，兩母子關係密切，加上早年踏入社會幫手還清債務，目前經濟狀況尚算穩定下來，因此他認為家庭方面算是無憾。

 

文頌男（中）倒是最牽掛一班死黨。

 

文頌男（左）指Best friend很依賴他，擔心自己離開後沒人給予對方情緒支持。

 

文頌男（右）亦表示仍有許多事情想跟戰友們一起做：「可能係一齊拍攝，呢個年紀應該喺工作上可以同佢哋Achieve（實現）好多嘢，但我做唔到。」

 

文頌男寄語年青一輩努力實踐夢想，「如果好似我咁覺得自己時間無多，你就會發現所有外來壓力同聲音都唔重要，有咩想做想講就唔好再拖，要投入去做，只要Keep住熱誠努力做，係一定有回報同進步。」

 

到訪問尾聲，雖感前路茫茫，但文頌男仍樂觀為自己打氣：「我一定會好番㗎！」

 

文頌男曾收到不少圈中人慰問，包括J2高層、《東張西望》主持及電台DJ，其中令他最驚喜的是梁祖堯（圖）的私訊關心。

 

好友Dean與文頌男由細玩到大，一直視對方為家人，他指平日出現情緒問題、工作遇到困難也會找對方傾訴，「同佢有好多點滴同回憶都好深刻，嗰時佢搵我拍片、一齊去玩，由咩都唔識到慢慢教到我識，希望佢快啲好番，有好多嘢都想繼續同佢做。」

 

說到文頌男患病後曾表示很辛苦，好友Dean不禁爆喊道：「有時佢有好多唔好嘅念頭，話好想放棄嘅時候，我好想同佢講『你堅持吓得唔得呀』，但我覺得咁講好似好自私，因為我見到佢好辛苦。」

 

訪問期間，文頌男與好友Yanice（右）不時鬥嘴，後者笑指對方「大細超」對她特別惡。 話雖如此，但Yanice不時到醫院探望文頌男，十分有心。

 

好友Yanice（左）爆料指去沖繩拍外景時，四日內跟文頌男鬧了兩次大交，原因只為爭房等小事。

 

Yanice坦言眼見文頌男受疾病纏繞也感心痛，表示無論前路多難行都會一直陪伴對方走過：「以前好多時候都係佢就我多，如果將來冇乜機會一齊拍嘢，我諗我都會幾後悔為啲小事而發你脾氣，希望有多啲時間大家好好相處。」

 

文頌男回應網民批評

有網民都明白文頌男精神壓力大，對他說了不少支持及鼓勵的說話，文頌男也有感而發：「其他人冇病冇痛同我非親非故，的確冇咩需要理我感受或者企喺我立場上諗，都冇需要體諒我，我覺得係正常嘅。不過冇諗到討論到出圈，有好多本身唔識我嘅都嚟批判我一番。但我自己講嘅言論都冇咩好後悔嘅。」他表示見到有些留言指他的言論不合理，又指他蠢，不識計自己應該服多少藥等，他回應：「我入院只係幾日，但平時我都係自己照顧自己食藥，唔會去到呢啲位都處理唔到啩。」文頌男指並非個個留言都是黑心的，作為公眾人物亦有被批判的準備，不過想不到言論有如此大的迴響。

相關閱讀：J2患癌主持文頌男病情疑漸趨樂觀？一原因遭網民怒轟：希望畀多啲空間我

文頌男呻病友叫聲被批不識體諒

文頌男早前分享有位同房目測70歲的伯伯，全天候24小時不停呻吟、怪叫，抱怨換來網民批評他不體諒患者，他在IG表示：「嗰個阿伯係好明顯神智不清，不斷24小時痛唔痛都叫媽咪、又叫吓阿May、有時突然唱歌、自言自語，但聲量係好有中氣，好似做緊舞台劇咁。而我，胸口好痛，我叫救命都冇力，係冇乜聲，同埋我頂盡都係叫2個鐘，真係忍受唔到，痛到要呻吟嗰種，咁我唔係好似個阿伯咁係咪都叫24小時呀！去到後兩日我都已經叫屋企帶耳塞畀我，但其實戴住又瞓得好唔舒服呢。」

相關閱讀：前TVB主持患癌住公院大呻似坐監？稱被拖症致怪病纏身：冇錢就等死囉

文頌男補充被「禁足」細節

對於日前他指想外出散步但被「禁足」，文頌男亦再有補充：「我唔係私自走出去，仲有少少細節我冇講到，我係問準咗護士話畀，我先出去。其實第一次想出門口行，點知保安話Call一Call控制室啦……之後話唔畀出，咁我都冇嘢好嘈，上返去再問，我講得好清楚我係想出門口唞吓新鮮空氣，想離開冷氣地方一陣，佢話OK。我又再喺10樓um落去多次個保安Call完控制室又係話唔畀，所以呢吓我就嬲嬲哋（雖然其實事後我上返去都冇乜嘢咁，我都費事再出聲）。」他多謝大家的鼓勵，直言現時情況不樂觀，「我覺得今次入院可能都係最後一次入院，都唔見得我可以捱到好耐，我亦都唔係好相信會係我身上發生，只係希望如果我可以輕鬆啲咁樣解脫，已經係對我一年好好嘅事情。我依家只係唔想咁痛，希望可以舒服少少、快少少過完生命嘅尾聲。」

相關閱讀：J2患癌主持文頌男再度入院 早前獲兩猛人援手 怕再被罵急解釋發長文原因

文頌男公開人生願望清單：

事業心重的文頌男坦言過去兩年，與同事相處的時間比家人多：「老闆好關心我，知道我病都好體諒我。」

 

文頌男大學時期初加入YouTube頻道「閃芒」。

 

文頌男笑言本來一心打算做幕前，為綜藝節目擔任主持。

 

未料被公司發現懂得設計、剪片、拍攝等，文頌男畢業後轉為「全職打雜」身兼主持及幕後。

 

文頌男（左）日前在老友Dean攙扶下回到「閃芒」辦公室。

 

回到熟悉的工作環境，看到昔日朝夕相對的面孔，文頌男（左）心情輕鬆愉快得多。

 

文頌男雀躍向鏡頭展示過去兩年的「心血」。

 

文頌男親手DIY的街訪道具、巨型月曆。

 

文頌男笑稱回到公司多數跟同事吹水，剪片工作就多數帶回家做，「基本上無時無刻都好似做緊嘢，唔會有假放，但我Enjoy好投入、好有熱誠去做好一件事。」

 

文頌男在一次外景拍攝中，打造了自己的Q版模型：「好多回憶，成日都會諗番起同唔同主持合作。」

 

文頌男（左）將不少私人物品寄存公司，笑言這些物件均可以備不時之需當道具。

 

文頌男連戲服都買定一大堆，但好多都未開封。

 

文頌男與Yanice（左）回憶去西貢畫室拍攝時畫的作品。

 

專訪期間，文頌男又即場列出人生願望清單（Bucket List）。

 

願望（1）「去一個激動人心嘅旅行」，文頌男表示這是康復後首要做的事情。

 

文頌男表示好想去南美洲旅行，例如秘魯，希望趁後生體驗多些不同事物。

 

文頌男與好友Dean（左）曾一起去西藏旅行。

 

文頌男去西藏旅行時住青年旅社又露營。

 

願望（2）「同朋友做唔同戶外活動」，文頌男（左）表示以前都喜歡攀岩、划獨木舟等，希望未來能跟朋友挑戰潛水。

 

願望（3）「帶屋企人去旅行」，文頌男（左）希望康復後與家人去輕鬆旅行，例如日本、韓國、東南亞。

 

文頌男笑言媽咪經常開「空頭支票」去旅行、迪士尼等，但至今都沒有兌現過。

 

願望（4）「可以返工，拍多啲唔同類型嘅節目」，連文頌男也自嘲是「社畜」。

 

文頌男（右）不願看到「閃芒」執笠：「呢度做咗咁耐都算係我嘅心血，我都好想繼續做好呢度，但好驚呢度做唔落去，因為本身已經好少幕後，加上我病咗都好擔心影片質素下降、趕唔切出片。」

 

文頌男希望以人氣YouTube頻道「小薯茄」（圖）為目標奮鬥。

 

願望（5）「拍劇、拍電影」

 

文頌男在大學時期曾參演音樂劇，從而學識「放開自己」，令他不再鑽牛角尖。

 

文頌男（右）曾在網劇《毒禍2》飾演壞學生。

 

文頌男害羞表示，自小已喜歡女神Stephy（鄧麗欣）。

 

文頌男說︰「如果有機會同Stephy（鄧麗欣）做對手戲就好嘞。」更謂即使做路人甲，能在遠處觀望女神也很心滿意足。

 

Stephy（鄧麗欣）

 

願望（6）「學跳舞」，在大學時期跳現代舞的文頌男，望接觸更多舞蹈如K-Pop、jazz funk。

 

願望（7）「學好日文、英文」，鍾情日本文化的文頌男（左）被爆最愛虛擬歌姬「初音未來」，希望學好兩種語言流利表達自己。

 

願望（8）「變靚啲」，文頌男化療後毛髮開始脫落，他希望康復後努力變靚及健身。

 

文頌男去年確診罕見的尤文氏肉瘤（Ewing's Sarcoma）。

 

願望（9）「做啲可以貢獻社會嘅嘢」，文頌男患病後獲各界支持，故他望病癒後能回饋社會：「可能用我自己經歷去學校講番我嘅故仔，希望鼓勵到學生及陷入絕境嘅人，令佢哋知道好多嘢唔係咁差，只要有信念有夢想，肯努力咩都可以做到。」

 

文頌男盼康復後能達成這9大願望。

 

文頌男：病到就死喇！又殘、又醜

不少網民看到文頌男的言論，都擔心他的情緒，怕他失去積極治療的動力。有網民指：「加油呀，好多仔仔等緊你。」以此鼓勵文頌男振作，但文頌男亦再度表現出負面心態：「講笑咩，我依家咁嘅尊容同身體狀況，仲邊有人鍾意，病到就死喇！又殘、又醜……」更表示因外形變化不想被探望，「同埋就係公立（醫院）探病好麻煩，每次限好短時段，又會限制人數，根本容許唔到咁多人嚟探我，你咪淨係見到我喺度痛、攤喺度呻吟，咁有啲咩意思。」

文頌男指護士派漏藥

有網民建議文頌男認真與主診醫生商討止痛藥劑量，他表示：「暫時都有傾吓嘅，咁冇辦法，有時護士派藥都派甩咗，應該要畀嗎啡又冇畀。唔知咩原因，咁佢Skip咗嗰次派藥又要等下一輪喎，問護士其實幾時派一次又答唔到，其實我自己心中有數計到佢甩咗。之後變化又趕唔上佢調整，始終先一日都未必見到（醫生）一次，每次最多講到幾句，真係好難隨時因我痛，而調整到我唔痛，唯有每次希望快啲過，下次可以唔使痛。」

相關閱讀：J2患癌主持文頌男進行首次電療痛到呻吟 感激獲演藝人協會聯絡提供協助

對於有網民建議他轉到私家醫院，文頌男表示曾與家人着手研究轉院，但由於病情嚴重及複雜，所以有些難度：「一嚟未必肯收、二嚟未必有位收、三嚟係收都貴至少一倍。」他亦擔心到新地方又要再檢查更多東西，怕自己身體吃不消。

 

其他文章：

J2患癌主持文頌男專訪｜上月宣告治療無效 父因情婦拋妻棄子由媽媽獨力撫養成人：我對佢好愧疚

J2患癌主持文頌男完成化療 撰千字文交代病況：活得好冇尊嚴

J2患癌主持再現幕前！身形消瘦依然活躍 食嗎啡試忍痛試鏡扮正常

J2文頌男自揭坎坷命運被父親拋棄變街童 患罕見癌症心酸哭訴：好慘

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。