黎振烨患蛋糕恐惧症：已戒甜 偷食朱智贤4年首开腔道歉望畀条生路丨独家

现年38岁港男出身嘅黎振烨，2020年4月被爆背临盆孕妻搭上TVB前小花朱智贤，两人去到山旮旯幽会，在车厢内偷食蛋糕甜蜜庆生，形象插水嘅黎振烨已在无线“自然流失”。深潜4年的他最近“上水”，除向受害者道歉外，仲公开求情，望畀条生路，还自荐跟古天乐做牛做马。被追问𠵱家可有蛋糕恐惧症时？他呆一呆，说：“我冇食甜嘢好耐啦。”采访：方骞平 摄影：朱伟彦 场地：十八梦

受重大教训嘅黎振烨，奉劝大家唔好做啲令自己后悔嘅事。

 

黎振烨悔不当初。

 

黎振烨悔不当初。

 

戒甜嘅黎振烨瘦咗好多。

 

黎振烨寻找台前幕后出路。

 

黎振烨被封“翻版古天乐”，被爆偷食前受TVB力捧。时隔4年，已获老婆原谅的黎振烨发挥生产力“升呢”成为两子之父；至于37岁朱智贤去年9月已离巢外闯，而当日陪住女友出席认错记者会的谢东闵，继续留守做背后男人，不离不弃。

幸偷食事件后获老婆原谅。

 

做返个好爸爸。

 

避世4年主力凑仔。

 

黎振烨同老婆感情升华。

 

黎振烨承诺今后会行得正企得正。

 

肉赤老婆被屈报料

月前黎振烨正式跟TVB完约变身失业大军，他坦言前路茫茫，好嬲自己：“作为自由身演员冇咗公司照顾，要重新寻找方向难免有一定困难，搞到咁徬徨，令自己咁麻烦真系好后悔，明明行到去山顶，点解我可以令自己受伤，碌咗落去谷底？仲要伤害埋爱锡自己嘅人！还幸仍有传媒关心我动向，唔算系最差嘅结果。”呢个大教训警剔他，做人要有自制能力睇清楚要点行：“唔好轻视价值观，咪以为自己可以横过到错误，原来最后有好多关都过唔到。”黎振烨最肉赤老婆仲要受委屈，误传系“车厢偷食事件”报料者，挺身强调老婆唔系加害者：“唔好伤害一位受害者！佢所有嘅嘢我都清楚。(事件中得4位主角，‘加害者’已呼之欲出？)冇必要知啦，重点自己都做得唔啱，唔好怪人。我反而要多谢𠮶个人，否则连个家都冇埋。”

2020年黎振烨与朱智贤因拍《食脑丧B》挞著。

 

两人喺《食脑丧B》中结缘。

 

朱智贤、黎振烨有过一段情缘。

 

两人假戏真做。

 

发生“车厢偷食”事件后，谢东闵陪住女友朱智贤公开认错。

 

黎振烨夺“2016年香港先生”冠军后，曾3度激咀太太晒恩爱。

 

闯咗大祸嘅黎振烨重返黎太身边，同年6月入产房陪妻剖腹产子。

 

谢东闵曾出Po，开名闹爆黎振烨。

 

黎振烨话心中有数，知道事件中边个系报料者。

 

当年黎振烨(右)赤裸上身于南生围拍摄港男照片，大骚肌肉。

 

黎振烨于剧集《是咁的，法官阁下》戏份都几多。

 

《爱·回家之开心速递》饰演上市公司副主席“Jacky仔”都好抢戏。

 

当年港姐及港男冠军分别系冯盈盈及黎振烨。

 

黎振烨白拍过《婚姻合伙人》。

 

拍过《机场特警》。

 

自荐跟古老板揾食

至今黎振烨欠当事人一个道歉，他即尴尬地扯埋TVB高层曾励珍、监制陈耀全，甚至全公司嚟讲，表示要向所有受影响嘅人致歉…及后才补充对当事人的歉意：“我撇开唔讲呢件事对大家影响及经历系点，我系好抱歉，原先可以避免到嘅事情，但自己冇去避免，事件真系影响好大，令到大家人生留下有不必要嘅烙印，希望有关人都可以过返本身想过嘅人生及道路，事件总有一日会过去的。”他承诺会做好自己弥补缺失，更公开求情：“自己唔系一个聪明人，但唔会蠢到觉得经已冇事，可能系一生人嘅烙印，我只求一个机会畀我做好自己，冲淡一生烙印。”同时，黎振烨正学习面对自己，成为两子反面教材：“小朋友有梦想，作为爸爸会鼓励，但，如果连爸爸都因为逃避责任及过错，要放弃演员梦，就冇资格叫佢哋要坚持…我要畀佢哋知道就算要披荆斩棘，都要为做过嘅错事负责任，我宁愿筋疲力竭、七劳八伤，冇晒办法才会结束演员梦。”提到将来打算时，黎振烨指马死落地行，透露𠵱家家庭开支由老婆顶住，他跟朋友学做幕后：“我好热爱演戏，每个角色都好畀心机演，老婆亦会畀意见，佢都好钟意睇我嘅戏。除想做返幕前，创作、编剧及制作乜都想试吓，之前曾胆粗粗写过温情，科幻剧本，唯一唔识写爱情小品，但全部未达标。”眼见古天乐推出“新晋编剧学徒计划”，黎振烨大感兴趣自荐：“我好有诚意由低做起，跟古老板做牛做马，任劳任怨都得，不过，我唔知佢度门喺边，更加唔知有冇资格，始终做幕后只系门外汉。”

有样有身材嘅朱智贤已离开TVB。

 

朱朱又几索嘅。

 

朱智贤在IG的限时动态贴出躺在巨型浮床伸懒腰的照片。

 

朱智贤获一班闺密谭嘉仪、陈婉衡、苏韵姿等跟她出海庆生。

 

黎振烨要为儿子做负面教材。

 

当日朱朱在道歉记者会上爆喊。

 

黎振烨有“翻版古天乐”之称。

 

跟古老板揾食嘅台前幕后的确有唔少。

 

有自制力唔吼蛋糕

另外，清减咗嘅黎振烨自“车厢偷食蛋糕事件”后已戒甜，唔多吼蛋糕，问到系咪有蛋糕恐惧症时？他忍唔住尴尬笑说：“我冇食甜嘢好耐，少啲食啦，所以瘦咗，我唔为食，除非老婆要庆祝，想食就避唔到。”最后他慨叹人生好长，好难有一个完美冇憾嘅人生，但相信只要努力诚心去改，破釜沈舟一定做到想做嘅事。

黎振烨见过鬼怕黑，以后得老婆批准才敢“食蛋糕”。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。