朱晨丽亲揭与富二代马主关系：好感朋友 新剧重返女一挨打搏到尽丨独家

于TVB剧集《轻.功》后，朱晨丽等足两年终于再有剧上，而且新剧《反黑英雄》中仲系重返女一位置，故朱朱好重视呢套翻身之作，不讳言咁耐冇见，要畀大家睇到朱晨丽仍然做幕前。对于跟富二代马主史昊洺嘅绯闻，朱朱形容做得朋友一定有好感，亦唔排除发展可能：“我只希望事业快啲可以好啲，自己揾到钱比嫁个有钱人更稳阵。”采访：方骞平 摄影：谭志光 化妆：Henry Li 发型：Terrence Chan @HoLA il colpo hair & pets 场地：Studio Meta

朱晨丽跟TVB合约仲有段长时间。

 

朱朱收复失地重返女一位置。

 

新剧中首次挑战被打。

 

提到绯闻男友即展露笑容。

 

朱朱等缘份安排。

 

朱晨丽认为靠自己好过靠嫁有钱人。

 

朱晨丽于《反黑》中饰演高级督察，和陈山聪双剑合璧破案。重返女一嘅朱朱搏到尽，除有唔少跑楼梯戏外，仲会打人及首次挑战被打：“今次拍到手脚瘀伤，keep住跑楼梯攰到不得了！尤其同啲孔武有力嘅大只仔拍埋身肉搏戏，为求逼真镬镬都打得好金，印象最深刻俾人打到揈嚟掏去再挞落铁板货柜，要识得就力，自己都惊会毁容，但一埋位就要扮镇定。”

朱朱喺新剧《反黑英雄》中好抵打。

 

为求逼真镬镬都打得好金。

 

同孔武有力嘅大只仔拍埋身肉搏戏。

 

落力地拍打戏都惊我失手会毁容。

 

朱晨丽于《反黑》中饰演高级督察。

 

以往朱晨丽都拍过动作戏。

 

《 法证先锋IV 》戏份都重。

 

当年首做女一，拍《特技人》时已好抟。

 

对上剧集系两年前嘅《轻.功》。

 

最近朱朱与史昊洺传绯闻，甚至一度传她怀孕箍实男友，她开腔交代两人关系：“我哋只系私下会联络嘅朋友啫。”语毕朱朱补充句：“但我唔系成日同人联络倾偈嘅(系可发展对象？）呢啲唔知，我成日周围去做嘢，睇吓缘份够唔够。”当追问欣赏史昊洺什么？朱朱吓了一声，带笑推说：“做得朋友嘅印象梗系ok啦。”不过，现阶段以事业为重：“我只希望事业快啲可以好啲，因为之前返咗内地拍嘢及去咗拍电影，啲人以为我离开咗TVB唔使做，哈！其实我好勤力揾钱。”

朱朱富二代绯闻男友，“骏先生”马主史昊洺(左)。

 

陈炜曾爆朱朱今年内出嫁。

 

朱朱认有追求者。

 

传和绯闻男友外游。

 

朱朱突然玩倒立，用行动澄清唔系怀孕。

 

仲唔戒口食榴莲。

 

被指样貌进化得啖笑

对于屡传有富二代男友、住豪宅及样貌进化到5.0，入行14年嘅朱朱唔再介怀反而形容得啖笑，她哈哈大笑道：“用美图app影相话百变样；喺café弹琴、借朋友屋企露台‘打咭’话我搬豪宅；富二代又系我男友…可能啲人想我过得好啲，所以有咁多幻想，多谢大家畀我咁多娱乐性，我会努力㗎啦，最重要身边人知道真相！不过，当然有对象有实力可巩固生活，但自己揾到钱比嫁个有钱人更稳阵。”

于café弹琴“打咭”，却被误会豪宅内貌。

 

朱朱否认搬往深井风水豪宅。

 

传朱朱已搬往深井风水豪宅。

 

一度传朱朱怀孕箍实男友。

 

朱晨丽被指样貌进化到5.0。

 

朱晨丽否认唔使捞。

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。