裕美不满被责性冷感爆林作床事：佢话嚟就嚟好冇Mood 出歌俾黑粉抨击冇身材丨独家

最近裕美自资6位数字推出新歌《最佳女友的自我修养》，唱出“最佳女朋友”嘅心路历程。和全城闹爆嘅“抽水王”林作拍拖6年，裕美不时为男友拆弹，被封为“最佳女朋友”，唯独裕美常投诉林作冇性欲，两人性生活唔多。34岁林作则揭床事为自己“唔得”大平反：“佢唔肯同我玩角色扮演，最呕心着我啲底衫裤瞓觉，甚至换上核突长袖阿婆睡衣。”采访：方骞平 摄影：罗安强

裕美被网民封为“最佳女朋友”。

 

裕美被网友抨击平胸。

 

林作不满裕美着核突长袖阿婆睡衣。

 

林作嬲到要掟衫。

 

林作展示裕美齐阴肥嘟嘟旧照。

 

裕美睇返昔日个齐阴头笑到癫。

 

裕美反击林作：“你好型咩？”

 

裕美、林作常互踩打情骂俏。

 

裕美系2007年乐坛新人，唱过《雪映移城》、《搭错车(Yamete!)》等歌，最后一首作品系2011年嘅《怎么还爱我》。时隔13年，她以原名和田裕美重新出发，回归乐坛，获唔少网民留言支持，大赞当年回忆都返晒嚟；但有啲无聊负评，踩裕美冇波、个样又胶！搞到裕美要亲回“招呼”佢哋：“我直接留言话‘关你乜事？’、‘你唔会系我杯茶。’以前见到呢啲会唔开心一日，但𠵱家真系唔会在意，反正我又唔识得佢。”

人到中年嘅裕美出歌，把握时间做一啲自己想做嘅事。

 

裕美自资6位数字推出新歌《最佳女友的自我修养》。

 

新歌唱出“最佳女朋友”嘅心路历程。

 

裕美最后一首作品系2011年嘅《怎么还爱我》。

 

当时肥嘟嘟有包包面。

 

2007年裕美曾夺无线《儿歌金曲》。

 

裕美好爱唱歌。

 

当年清纯样。

 

经典齐阴头。

 

裕美以歌星身份出道。

 

由迷失变成功女性

林作展示裕美留齐阴肥嘟嘟旧照，大赞女友各方面都越来越有进步：“人要有历练，佢明白到齐音及肥胖唔系方法，所以要揾返自己…识佢6年睇住佢升华变咗另一个人，由最初处于抑郁、迷失状态，要食药治疗；𠵱家佢好强好独立。”林作更自爆有恋母癖，他眼中嘅裕美已有妈妈年轻时强人模样，揾钱目标清晰。裕美解释：“系因为佢常出事，要变得心脏强大去支持佢，加上佢咁度缩，明白男人唔可靠，要发奋揾钱。”拍拖6年，两人已挨过磨合期，甚少争吵，林作搞鬼形容跟裕美关系似屋企4只狗：“佢哋虽然同一屋簷下，但唔系friend，会各自各瞓开。”

去年8月，林作带女友裕美同妈妈贺寿“破冰”。

 

林婆婆就准备了一对超过三両重的龙凤鈪送给准孙媳妇裕美。

 

裕美获林母接纳已融入家庭饭局。

 

裕美曾遭林作妈妈王莉妮单打兼当透明。

 

裕美感委屈当场洒泪。

 

裕美系受欢迎嘅KOL。

 

裕美、林作已视对方为结婚对象。

 

裕美、林作影婚纱相热身。

 

靓咗嘅裕美被指有进化胶样。

 

两人其实好夹。

 

医生花了个半小时为林作做修补视网膜手术。

 

林作视网膜脱落做完手术，裕美为他洗头。

 

去年9月林作因涉嫌与虚拟资产交易平台JPEX案件有关被拘捕。

 

林作被还押警署时，裕美送上叉烧饭。

 

林作拉埋妈妈王莉妮落水，就荷里活广场斩人凶案抽水事件鞠躬道歉。

 

荷里活广场抽水事件发生后，“最佳女朋友”女友裕美陪实林作。

 

冇配套协调性生活

谈及性生活，35岁裕美直认跟林作性生活唔协调：“我自己冇问题，只系唔得佢‘话嚟就嚟’，咁样好难有mood。”林作强调系大家情趣品味唔同：“我钟意玩角色扮演，要求佢扮老师等角色，甚至曾经准备晒皮鞭、手铐等情趣用品，点知佢离开TVB太耐冇晒啲表演欲，𠵱家冇任何配套提供到畀我…”林作越讲越激动叫大家评理：“初期佢都有着性感内衣嘅，打后唔系着住我啲低衫裤嚟瞓，再过份啲会换上极度呕心，令人冇晒性欲嘅阿婆针织衫，我曾经多次要求佢换衫，佢只会变本加厉买多几件唔同色系，然后嘲笑我对件衫有恐惧，因为佢一件衫，摧毁咗我哋一段感情呀！但我仲可以克服阴影，鼓起勇气‘话嚟就嚟’仲想点呀？佢偏偏只系讲个果，忽略讲解因。”裕美则答辩：“因为怕冻嘛，佢对我冇乜性趣仲好，悭返啲时间嚟瞓觉，反正大家都咁忙，而且对住佢冇乜幻想空间，通常佢会自己‘解决’。”林作认为自己系个正常男人，只要解决到睡衣问题，就唔会一年‘行埋’得1/2次咁少。”

林作不满裕美着核突长袖阿婆睡衣。

 

裕美越来越靓。

 

变身性感美女。

 

林作忽视病倒入院嘅裕美，一度掀起分手危机。

 

裕美变得有魅力。

 

裕美为林作庆祝拍拖周年，乳猪蛋糕竟写上“5周年你就坐监”。 ​

 

两人不时放闪。

 

去年母女二人成功寻回失聨咗23年嘅日藉父亲。

 

已成功收拾新何太

另外，林作曾以100万邀约金揾新何太开班教“煲汤”，最后新何太不满分红问题反口唔捞，还寸林作冇“肾容”(信用)，“被钉”律师牌证明人品差！林作对此火速反驳，怒插新何太嘅片令网民大快人心，旋即翻盘获力撑。终被赞系“靓抽”，林作分析说：“要揾个畀我更乞人憎嘅对家唔容易，对手唔系时时有，上次𠮶个系钟培生。不过，系有唔少网民有DM我，话我帮到大家发声及出啖气。”面对何太出口狂言，林作唔打算入禀控告：“冇钱及太有实力嘅人系唔会搞，佢有钱就唔系叫新何太啦，费事嘥时间兼蚀埋律师费，𠵱家我经已成功收拾佢啦。”

林作指何太动态已过气。

 

林作怒插新何太嘅片令网民大快人心。

 

林作隔空闹何太。

 

林作闹爆新何太。

 

林作获网民力撑。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。