【星爷讲波 13】欧国杯死亡E组大乱局 罗比斯乌随时重演94世杯历史

重点推介：E组 斯洛伐克 Vs 罗马尼亚、乌克兰 Vs 比利时：加东时间周三(26日) (中午12:00)

明日系欧洲国家杯分组赛最后一日赛事，同样上演两组共四场比赛，尾场F组捷克对土耳应该几有睇头，两队为咗争次名直接出线资格应该会打甩髀。但E组嘅混乱形势就更加精彩，星爷推介大家约埋几个波友，揾定两部电视或电脑或手机，同时睇住两场波嘅战况，保证睇到拆天。

经过咗分组赛两场比赛，E组出现咗四队同得3分嘅罕有局面，罗马尼亚和比利时暂时以较佳得失球排呢组嘅首次名，斯洛伐克、乌克兰分别排第三和四位。换言之，4支球队数字上都有机会争首名，同时一样可以包尾即时执包袱，每个入球或失球都会影响出线或出局嘅形势。

咁特别嘅局势，星爷做咗功课，今日唔讲两场比赛形势，讲多小小历史。原来喺世界顶级足球历史上，极少出现小组4队同分嘅情况，最经典同绝无仅有嘅一次出现喺1994年美国世界杯，咁啱又喺E组，同组有墨西哥、意大利、爱尔兰和挪威，经过咗头两轮比赛之后，每队同样系取得一胜一负嘅成绩。

更加精彩嘅系，最后两场比赛都打成平手，四支球队同得4分，得失球差又全部系零，结果墨西哥以较佳嘅得球(3球)取得首名出线资格，而意大利同爱尔兰得球同为2球，结果要计双方对赛成绩，由于爱尔兰喺小组赛以1-0爆冷击败意大利，所以爱尔兰最终攞咗次名直接出线资格。不过得到幸运之神眷顾嘅意大利，最终都以小组最佳第三名嘅成绩晋级，并且一路杀入决赛，最终只系喺决赛互射十二码球输咗比巴西，饮恨屈居亚军。

明日4队为保出线机会，都会格外留神，唔会贸贸然出击，所以战情可能比较沉闷，预计下半场后半段至会有啲睇头。星爷个人认为历史不断循环，小组4队再次同分计得失球嘅情况，可能就系明天重演。

AI预测：

E组 斯洛伐克 Vs 罗马尼亚 (中午12:00)

预测赛果：罗马尼亚胜

半场比分：斯洛伐克 0-1 罗马尼亚

全场比分：斯洛伐克 1-2 罗马尼亚

总入球数：3球

E组 乌克兰 Vs 比利时 (中午12:00)

预测赛果：比利时胜

半场比分：乌克兰 0-1 比利时

全场比分：乌克兰 0-2 比利时

总入球数：2球

F组 捷克 Vs 土耳其 (下午3:00)

预测赛果：土耳其胜

半场比分：捷克 0-1 土耳其

全场比分：捷克 1-2 土耳其

总入球数：2球

F组 格鲁吉亚 Vs 葡萄牙 (下午3:00)

预测赛果：葡萄牙胜

半场比分：格鲁吉亚 0-2 葡萄牙

全场比分：格鲁吉亚 0- 3 葡萄牙

总入球数：3球

T100

【2024年欧国杯期间，加拿大《星岛网》每日都会有驻场“球评人星爷”为大家开坛讲波，仲揾埋AI帮手预测赛果，人机强强联手，肯定“近”到无伦！】

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。