Anson Kong新歌MV穿梭8大電影場景 邀馮允謙合作譜曲圓夢 《La La Land》勾起洛杉磯回憶

正式閉關為首個個人演唱會作準備的江𤒹生（AK），日前推出最新單曲《偽映畫預告》，新歌由徐浩監製、AK首次與Jay Fung（馮允謙）合作寫曲、好友Oscar填詞及負責操刀MV，透過八大經典電影場景串連，比喻一段關係開始前，像電影預告一樣精彩、吸引，但當真正去欣賞電影時，會發現電影與預告原來是存有落差！
 

AK日前推出最新單曲《偽映畫預告》。

 

MV透過八大經典電影場景串連，比喻一段關係開始前。

 

像電影預告一樣精彩、吸引！

 

但當真正去欣賞電影時，會發現電影與預告原來是存有落差！

 

AK與填詞人兼好友Oscar。

 

這次與Jay Fung首次合作，是AK已久的心願！

 

AK最愛的《La La Land》場面。

 

他表示第一下入到嚟見到《La La Land》場景，自己好大感覺，因為我好鍾意L.A呢個地方。

 

AK指人生第一次到L.A仲係dancer嘅時候，有特登上天文台山睇呢個夜景。

 

今次新歌MV穿插8部經典電影場景，當中包括：《教父》、《花樣年華》、《無痛失戀》、《少年Pi的奇幻漂流》等。

 

這次與Jay Fung首次合作，是AK已久的心願，他透露早在多年前活動上，已主動邀請Jay合作寫曲，但直至兩年前一次靈感湧現，AK突然那來的勇氣才真正聯絡Jay Fung合作，AK開心道：「好記得一次表演後返到屋企，個腦突然間有啲melody，即刻攞部電話錄起咗，膽粗粗send畀Jay Fung，真係一個好rough口哼幾句嘅melody，佢竟然一口就應承咗我！」而兩年後，眼見歌曲成功面世，AK大呼感動外也感謝Jay Fung一路的幫助。

配合新歌內容，今次《偽映畫預告》MV穿插8部經典電影場景，當中包括：《教父》、《花樣年華》、《無痛失戀》、《少年Pi的奇幻漂流》、《鋼琴戰曲》、《La La Land》、《布達佩斯大酒店》及《真人show》，當中也穿插了其他電影如《鐵達尼號》、《這個殺手不太冷》、《春光乍洩》、《搏擊會》、《潛行空間》等等的劇情及服飾細節。AK說：「嚟到現場真係有走入電影世界嘅感覺，加埋燈光好靚，自己都不停打卡，好鍾意《布達佩斯大酒店》及《教父》兩個場景，而第一下入到嚟見到《La La Land》，自己好大感覺，因為我好鍾意L.A呢個地方，人生第一次到L.A仲係dancer嘅時候，有特登上天文台山睇呢個夜景，到今次望到呢個假夜景，上年又拍完《Blue Monkey》返嚟，有啲掛住係L.A生活、朋友，同嗰邊拍嘢嘅回憶，即刻問大家幾時再有機會去拍過。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。