【星爺講波 11】歐國盃B組3隊有機會坐尾班直通車 克羅地亞勢全攻型炮擊意大利

重點推介：B組 克羅地亞 Vs 意大利 ：加東時間周一(24日)下午3:00

2024歐洲國家盃今日踢完A組最後兩場比賽，確定了首次名出線球隊，明日B組再落實兩支可以直接晉級的球隊之後，16強首場戲碼便會有定案(A組次名Vs B組次名）。

B組除咗西班牙坐定粒六等16強對手誕生，分別排二、三、四位的意大利、阿爾巴尼亞和克羅地亞均仍有取得次席嘅機會，而由於西班牙在對阿爾巴尼亞一戰應會以和波一分保首名為目標，爭勝氣氛會稍遜，反而包尾嘅克羅地亞無得揀，星爺覺得佢哋對意大利必定毫無保留放手一搏，一場激烈嘅攻防大戰隨時上演。

克羅地亞在B組前兩場比賽中僅獲得一分，先係淨吞西班牙三蛋，隨後以2-2打和阿爾巴尼亞。克軍最大問題之一係向來以穩陣見稱嘅後防已經被攻破五次，教練達歷有需要重整後防線，否則前鋒入幾多波都唔夠後防輸。

另一邊廂，意大利在首場比賽被阿爾巴尼亞嚇一大跳，開場僅23秒就失球，幸運之神眷顧先至以2-1逆轉勝。但第二場對陣西班牙時，意大利防防線再次錯漏百出，輸波一球正正守衞擺烏龍出事。呢場比賽，如果唔係西班牙球員錯失多次機會，意大利門將當拿隆馬又有神勇表演，星爺覺得佢哋至少輸三球。所以防線問題，唔淨止克羅地亞，意大利一樣，如果唔改善後防會繼續失波。

星爺發覺克羅地亞喺前兩場比賽，尤其係上半場完全未上力，到下半場情況都有所進展，唯一改善方法就係變陣。統帥達歷今場可能會讓中場波索域休息，將莫迪歷和高華錫後移掩護蘇錫，務求加強中前場聯繫，讓球隊盡快入局，爭取更多時間發動攻勢。

至於衛冕嘅意大利，教練史巴列堤預計會對首發陣容做出一些改變，但最重要的需要調整球員的心態，以守代攻，等克羅地亞大舉進攻出現漏洞而突擊，全力保住次名出線資格。

星爺估計呢場比賽可能會出現入球騷，大戰最終結果克羅地亞險勝，坐上出線尾班直通車。

AI預測：

B組 阿爾巴尼亞 Vs 西班牙 (下午3:00)

預測賽果：西班牙勝

半場比分：阿爾巴尼亞 0-1 西班牙

全場比分：阿爾巴尼亞 1- 3 西班牙

總入球數：4球

B組 克羅地亞 Vs 意大利 (下午3:00)

預測賽果：打和

半場比分：克羅地亞 0-0 意大利

全場比分：克羅地亞 1-1 意大利

總入球數：2球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。