【星爷讲波 08】荷兰争中场控制抢先机 法国三箭齐发谋定后动

重点推介：D组 荷兰 Vs 法国：加东时间周五(21日)下午3:00

明日又有三场波，我谂识波嘅都唔使星爷推介，扎定马睇D组荷兰大战法国！双方首轮都攞咗3分，但荷兰喺得失球差上稍为领先。呢场比赛嘅胜负可以决定小组出线嘅形势，赢波一队基本上稳夺首名出线席位。

首先，睇返荷兰最近嘅状态。佢哋首战以2-1击败波兰，入球功臣系加普、韦格贺斯，呢场胜仗完全符合赛前预测。荷兰大军可以话人强马壮，教练朗奴高文有众多好波之人可供调动。门将维贝鲁根上场表现出色，多次瓦解波兰嘅打门；后防线有云迪积克、马菲斯迪历特和尼敦阿基严密鎮守，令中场雷恩达斯、华亚文和谢迪舒贺顿少了后顾之忧，可以尽情策动攻势，前线迪比、加普势必得到更多供应。

再睇法国嘅近况，佢哋最近友赛嘅表现尚算稳定，但小组首场未见王者霸气，1-0小胜奥地利也全靠对手嘅乌龙球奠胜。但人脚之鼎盛比荷兰有过之而无不及，尤其中前场粒粒皆星，曹亚文尼、尼高路简迪助攻助守，前锋线选择更多，麦巴比、基奥特、基沙文、迪比利，个个都可以独当一面。

两队对赛往绩方面，法国近年明显占优。最近一次交手系2023年10月13号，法国以2-1击败荷兰。喺过去10次交手中，法国赢咗7次，荷兰只赢过2次，打和1次。从呢啲数据睇，法国喺对赛中有一定优势。

至于呢场比赛嘅形势，荷兰同法国都需要争取胜利以确保出线。荷兰喺得失球差上稍为领先，估计佢哋会同法国国争夺中场嘅控制权，再靠“前锋孖宝”破关。法国方面，应该继续利用麦巴比速度、基沙文嘅传送、基奥特嘅身高发动进攻。唯一隐忧系麦巴比鼻骨受伤，可能要带面具出场，或多或少会影响佢嘅表现。

总括嚟讲，呢场比赛系一场实力接近嘅对决。虽然双方都拥有强劲嘅攻击力同稳固嘅防守，但关系到出线前景，踢法可能会比较小心翼翼，星爷估计打和嘅机会较大。

AI预测：

E组 斯洛伐克 vs 乌克兰 (上午9:00)

预测赛果：和波

半场比分：斯洛伐克 0-0 乌克兰

全场比分：斯洛伐克 1-1 乌克兰

总入球数：2球

D组 波兰 vs 奥地利 (中午12:00)

预测赛果：波兰胜

半场比分：波兰 1-0 奥地利

全场比分：波兰 2-1 奥地利

总入球数：3球

D组 荷兰 vs 法国 (下午3:00)

预测赛果：法国胜

半场比分：荷兰 0-1 法国

全场比分：荷兰 1-2 法国

总入球数：3球

T100

【2024年欧国杯期间，加拿大《星岛网》每日都会有驻场“球评人星爷”为大家开坛讲波，仲揾埋AI帮手预测赛果，人机强强联手，肯定“近”到无伦！】

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。