【星爺講波 07】鬥牛兵以快打慢謀連勝 衛冕意軍以慢打快求反制

重點推介：B組 西班牙Vs意大利：加東時間周四(20日)下午3:00

明日3場比賽，星爺作為英國𧄌，一定到時到候擔定櫈仔睇英格蘭鬥丹麥一戰。但講波，我會揀西班牙同意大利呢兩支同樣贏過歐國盃和世界盃嘅傳統勁旅。

首先，講講兩隊喺首場分組賽嘅表現。西班牙首場3-0大勝克羅地亞，表現相當出色。隊長莫拉達繼續發揮佢嘅射手本色，先拔頭籌，加埋法比安雷斯、卡華積嘅入波，西班牙嘅攻擊力絕對強勁。相反，上屆盟主意大利首場2-1反勝阿爾巴尼亞，入球功臣係巴列拿和巴斯東，但整體表現未算穩定，難聽啲講句就係無乜冠軍相。

人腳方面，西班牙統帥迪拉富安迪點兵，大膽起用新兵，陣容整體年輕化，但又不乏老將壓陣。前場有莫拉達、丹尼爾奧莫、費倫托利斯等，火力十足；中場「雙迪」領軍(柏迪、洛迪），後防則由拿樸迪一夫當關，可算攻守兼備。至於意大利方面，教練史巴列堤手下亦有不少好波之人，前場有老鬼基艾沙夥拍拉斯柏度尼攻堅，防線有迪羅倫素鎮守，當拿隆馬繼續把守最後一關，整體而言係守攻於攻。

睇返兩隊嘅踢法，西班牙一向以控球為主，強調傳接配合，講究細膩嘅地面進攻。而意大利則比較平衡，既有穩健嘅防守，又能通過快速反擊威脅對手。今場比賽，西班牙應該會延續佢哋嘅控球打法，而意大利則可能會採取更保守嘅策略，等待反擊機會。

喺對賽往績方面，兩隊最近一次喺大賽交手係2012年歐國盃決賽，當時西班牙4-0大勝意大利。而且，西班牙喺過去幾年對陣意大利的比賽中成績亦稍佔上風。不過，意大利呢支衛冕冠軍喺過去嘅比賽中都表現出強大嘅防守能力，要攻破佢哋防線都唔係容易。

兩隊都有3分在手，再贏一場基本上可以提早晉級，估計兩隊都會謹慎出招，戰情可能到尾段至出現高潮，星爺認為和波機會不弱。

AI預測：

C組 斯洛文尼亞Vs 塞爾維亞 (上午9:00)

預測賽果：塞爾維亞勝

半場比分：斯洛文尼亞 0- 2 塞爾維亞

全場比分：斯洛文尼亞 1-x 塞爾維亞

總入球數：3球

C組 丹麥Vs 英格蘭 (中午12:00)

預測賽果：英格蘭勝

半場比分：丹麥 0-1 英格蘭

全場比分：丹麥 0-2 英格蘭

總入球數：2球

B組 西班牙Vs 意大利 (下午3:00)

預測賽果：西班牙勝

半場比分：西班牙 1-1 意大利

全場比分：西班牙 2-1 意大利

總入球數：3球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。