【康子專欄】最矜貴的消費：感覺

既有「天廚」，又有「天才」，出來做事，豈不是無往而不利？

未必。還要兼看命中的主星，有所謂「格調」高低之別。

重要嗎？輕若鴻毛，重如泰山。譬如說「溜冰」，大家做運動，講究力量與速度，你溜我溜，人人都係咁溜，去到世錦賽及冬奧運，統統是那一套標準。

咁有乜必要，做到好似日本嘅羽生結弦咁：「翩若驚鴻，矯若游龍」（中國評論）？成個仙氣王子咁？搞到觀眾癲晒？

贏咗不會多個金牌，亦冇獎金。不過人氣爆燈：2018年北京冬奧，男子組第一二三名，統統慘被遺忘，反而排第四的羽生，成為全球傳媒的追訪焦點。

又因為「格調高」，形象拔群，令芸芸眾生嚮往。羽生成為廣告界寵兒，密密接，卻不會予人庸俗貪婪的劣感。

飲食何嘗不一樣？許多大師傅，名副其實是「伙頭大將軍」，炒碟牛河出來，熱辣辣，香噴噴，食客讚不絕口。

無奈，可以賣多少錢？一定不及日本，擺出幾片靚靚的「和牛」。還有法國菜：休提大師級的阿倫杜加斯/彼埃加納等，像最近中法國宴，大出風頭的米羅拉格雷科，原籍阿根廷，僅負責頭盤。但是那種賣相！有名堂「鮮花著錦」，其實原材料是蟹肉/魚子醬/沙律，小小一箸，經他撚弄，居然鮮艷亮麗，漂亮到你不忍吃下，於是拼命拍照打卡，廣發社交媒體，完全迎合現代人的潮流口味。

難怪套餐價可賣到一千八百八十八港元，試問乾炒牛河點比？正是格調高低之別，不只是賣實力與食味，而是一種「良好的感覺」。

原來在人類的消費巿場，賣得最貴的是「感覺」，以命理解釋，關鍵在紫微斗數的「太陰」星……

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。