【星爺講波 04】法國星級戰將強勢搶首勝 奧地利全場壓逼入波有交代

重點推介：奧地利Vs法國：加東時間周一(17日)下午3:00

睇完奪標大熱門英格蘭今日表現之後，梗係要睇埋另一支賠率同佢叮噹馬頭嘅勁旅——法國，雄雞隊明日將在D組首場出戰近年快速冒起的奧地利。

法國隊係星爺由柏天尼時代就好欣賞嘅球隊，當年佢同泰簡拿、居里斯和費南迪斯組成嘅黃金中場線，睇到波迷拍爛手掌，1986世界盃八強對巴西一戰更堪稱世盃史上最精彩戲碼之一，從當時開始，逢有法國隊比賽星爺都唔會錯過。

先講兩隊近況，奥地利自從由曾經代替蘇斯克查暫領軍曼聯嘅德國教練蘭歷克兩年前接手之後，表現和成績好似火箭咁一直提升，8場歐國盃外圍賽僅輸1場，輕鬆壓倒瑞典，同比利時攜手出線。近幾場友賽表現更可圈可點，5戰4勝1和，包括2-0力挫德國、6-1大勝土耳其，表現令人刮目相看。

至於法國依然係今屆賽事嘅奪冠熱門，佢哋喺外圍賽表現強勁，以7勝1和不敗身強勢晉級。雖然友賽輸畀德國，但近期戰勝智利、盧森堡增加咗信心，最後一場熱身賽打和加拿大係試陣為主，賽果不能作準。

人腳方面，奧地利缺少了受傷不入選的隊長大衛阿拉巴，防線將由美維尼、奇雲丹素和查奧拿組成，龍門由連特拿把關；中場同前鋒線會由沙比薩、基哥列舒治（上圖)領軍，是一支充滿活力和創造力嘅球隊。

而法國隊後防將缺少左膝前十字韌帶撕裂的主將盧卡斯靴南迪斯，但人才濟濟的法軍還有佢弟弟迪奧靴南迪斯任左閘，伊巴希馬干拿迪夥拍威廉沙列巴任中堅，右閘可以從祖利斯古迪和班捷文柏華特之中二選一。中場由曹亞文尼、卡馬雲領軍，入球重任落在隊長麥巴比（下圖)、基沙文和老將基奧特身上。

對賽往績方面，最近5次交鋒法國3勝、奧地利1勝，其餘1場打和，對上一場已是兩年前，當時法國勝2-0。

鑒於法國嘅星級陣容和超強往績，面對歐洲二線實力嘅奧地利，預計佢哋會取得大部分控球權，炮製唔少入球機會。但奧地利踢法係強調速度、壓迫同團隊合作，相信法國都唔可以予取予攜，估計只能夠小勝。而年輕具活力、踢法進取嘅奧地利都有機會爭取入球，預測今場係一場高入球的精彩比賽。

AI預測

E組 羅馬尼亞 Vs 烏克蘭 (上午9:00)

預測賽果：烏克蘭勝

半場比分：羅馬尼亞 0-1 烏克蘭

全場比分：羅馬尼亞 1-2 烏克蘭

總入球數：3球

 

E組 比利時Vs 斯洛伐克 (中午12:00)

預測賽果：比利時勝

半場比分：比利時 1-0 斯洛伐克

全場比分：比利時 2-0 斯洛伐克

總入球數：2球

 

D組 奧地利Vs 法國 (下午3:00)

預測賽果：法國勝

半場比分：奧地利 0-1 法國

全場比分：奧地利 1-3 法國

總入球數：4球

T100

【2024年歐國盃期間，加拿大《星島網》每日都會有駐場「球評人星爺」為大家開壇講波，仲搵埋AI幫手預測賽果，人機強強聯手，肯定「近」到無倫！】

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。