向展鹏首揭跟车婉婉恩怨始末：佢个人好差 《中音2》输唔起晕低7次撞到面瘫丨独家

去年11月，《中年好声音2》60强止步的向氏家族后人向展鹏（Jeffrey）因在谢师宴上被车婉婉无礼顶撞，嬲到离场，之后返家饮酒兼出PO发泄。虽时隔半年怒火已熄，但仍然缺席“中2生”毕业晚宴。Jeffrey首揭屈埋喺心半年的不快，强调唔啱自己嘅地方就唔会再去，自己搞私人Party唱吓歌仲happy。采访：方骞平 摄影：邓国良 场地：Gentry club

向展鹏话𠵱家要有形象，最紧要唔好影到有肚腩。

 

为免酒后讲错嘢，访问当天坚持只饮汽水。

 

晕时半边身会突然冇力。

 

向展鹏于《中音2》后晕低7次，撞到面瘫。

 

打后向展鹏搞咗场迷你音乐会，可以自己话事。

 

Jeffrey跟车婉婉恩怨由谢师宴当晚讲起。

 

去年Jeffrey花了4个月时间筹备参加《中音2》，岂料60强已被foul出局，跟预算能打入20强有落差，坦言输唔起更有后遗症：“当晚返屋企饮咗酒跣亲，跌到膊头、膝头半边身都爆晒缸。”自此他分别于唔同时间晕倒7次，“晕时半边身会突然冇力，所以唔能够用手撑住落地，搞到右边面撞落云石地面，𠵱家仲有啲麻痺，但体验报告一切正常，医生估计系压力太大引起，所以冇药食。”

Jeffrey参加“中2生”60强止步，自言好失望。

 

Jeffrey因为晕咗7次，带埋3个名牌包包入院做身体验查。

 

抽血检查。

 

长辈劝告勿参加《中音2》

至今Jeffrey对被淘汰仍然耿耿于怀，“当晚我的确系喉咙唔舒服，唱得唔系几好，但都有3盏灯呀，唔明4灯嘅黄剑文点解唔拣得2盏灯𠮶啲，可能佢见我面青口唇白啩！唉！命运注定赢就赢，输就输，事后啲出局参赛者，话要揾我倾诉畀我婉拒咗，大家都系唔开心嘅输家，唔通揽住喊咩。”

Jeffrey歌喉唔错。

 

最后被黄剑文拣他出局。

 

之后Jeffrey有参与9月份生日会及11月份的谢师宴，直至近期的“中2生”毕业晚宴就唔见影，他坦言去完谢师宴发生“车婉婉事件”后，红尘已被他看破，觉得唔啱玩就唔会再去，更语带相关举例：“我经常望到楼下个宠物友善花园有小朋友跌亲，或者被狗咬，有过唔好经历，佢哋都唔会再去𠮶个公园啦。”语毕他补充：“但唔好投射狗系边个？边个被狗咬？只系举例。”Jeffrey坦言由始至终家人、朋友、长辈个个都反对他参赛：“佢哋次次都会话‘向公子你都傻嘅，你有自己嘅世界，唔应该去𠮶度囉，唔啱你㗎，你会后悔！’其实我只系觉得唔啱玩啫，亦都冇后悔，最重要享受过程，佢哋系长辈，年纪大啲再看破红尘多啲，咁讲系想保护我，知我一定会撞板及唔开心，好似坐渡海小轮都分上下层啦，我唔会坐下层。所以我打后搞咗场迷你音乐会，可以自己话事，唔使人认同我。”

Jeffrey觉得唔啱玩，缺席“中2生”毕业晚宴。

 

去年11月的谢师宴合照中，Jeffrey(二排右1)同车婉婉(二排右4)只系相隔两个人位。

 

谢师宴上重遇旧战友。

 

Jeffrey跟安雅希、黄剑文等都有偈倾。

 

当晚Jeffrey同肥妈相认。

 

车婉婉、吴大强、肥妈等喺谢师宴上现身。

 

饮咗酒愤怒升级爆出嚟

谈到跟车婉婉的过节，Jeffrey由谢师宴当晚讲起：“其实我唔想去，但安雅希畀埋我份钱，当晚我冇乜饮酒，见认识肥妈多年，参赛期间又冇机会交谈，咪趁机相认，后来车婉婉出现，佢讲嘢直肠直肚，加上现场太嘈杂，佢又大声，讲嘢又倔，感觉佢好无礼貌个人好差。当时吴大强让位畀我同肥妈相认，佢（车婉婉）后来加入，我仲好gentleman咁让返个位畀佢，然后同佢讲‘我哋系曾路得度相识，仲同洪天明一齐大食会！’佢竟然答‘相识啲乜？吓？大食会，成日都会㗎啦！’佢讲得又大声又粗鲁，讲完就用背脊‘得’住我，当时有好多人望住，我真系唔惯喺啲唔熟嘅人面前被落面，于是唔出声行开，好唔开心。其实佢冇饮酒一定知发生咗乜事，只系扮唔记得啫。”

向展鹏被车婉婉无礼顶撞，嬲咗半年。

 

出Po的车婉婉演唱会海报，由Jeffrey下属负责Blur咗个样。

 

婉婉演唱会海报。

 

Jeffrey饮咗酒会容易控制唔到自己。

 

向展鹏最爱饮酒。

 

坐飞机都不忘饮香槟。

 

向展鹏有唔少靓酒。

 

然后Jeffrey返到屋企饮咗酒就出咗个po，插女方扮嘢又寸。“咪饮咗酒出事囉，酒后会将啲未消化嘅嬲怒发泄出嚟，所以今次访问我只饮汽水，哈！不过，瞓醒我经已马上del po，我同婉婉根本冇乜事，呢啲误会成日都会发生，都同佢讲返声‘唔好意思’。”另外，参赛后Jeffrey推咗唔少Job，他笑说：“60强止步都算系咁啦，未来有机会开公司自资出碟，既然畀得起，咪做自己钟意嘅嘢囉，都系保险以外唔同嘅尝试。”

都系自己搞SHOW开心啲。

 

同安雅希合唱。

 

Jeffrey之前自资搞迷你音乐会，向海岚、安雅希、江美仪等撑场。

 

林作曾经系Jeffrey的保险下线。

 

林青霞都系Jeffrey朋友。

 

向展鹏跟郭蔼明、刘青云有交情。

 

四太都系向展鹏饭脚。

 

跟吕哥相聚。

 

跟才女张玉珊系好友。

 

出席汪诗诗生日派对。

 

Jeffrey生活奢华。

 

向展鹏做咗多年马主。

 

向展鹏好爱马。

 

向展鹏爸爸向华荣非常低调。

 

向展鹏系保险界猛人，攞过唔少奖项。

 

年轻时向展鹏都算讨好。

 

24岁向展鹏。

 

向展鹏与王敏德相识10多年，王敏德女儿更是他妹妹的女儿的同学。

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。