拉闊音樂會丨Edan爆Jeffrey 為全裸努力操肌 JACE與Marf合體跳舞Crossover

《拉闊音樂會 Sparkleキラキラ EDAN x JACE x JEFFREY x MARF》今天釋出全新一輯造型照，幾位主角同時預告於拉闊舞台上的驚喜環節。Edan與Jeffrey於綜藝節目合作無間，經常以搞笑幽默的形象示人，拉闊是二人首次以歌手身分同台演出。Edan透露正積極構思二人合作環節：「平時我哋就幽默啲，無咁正經。今次喺拉闊當然要好正經，又要有少少唔正經，希望可以帶到驚喜畀大家。」Edan笑言Jeffrey將有大膽破格演出：「Jeffrey為咗全裸，正努力操肌，呢個係佢秘密武器！我哋仲會一邊游水，一邊唱歌！」Jeffrey對於好兄弟的「劇透」，即時進行大反擊：「如果我全裸，Edan都會全裸，我哋會一齊露幾個波，就係eye balls！」

Jeffrey若果自己全裸，好兄弟Edan都會全裸！

 

Marf指女團好少機會同男生合作，所以今次與Jeffrey和Edan合作是好大的挑戰。

 

JACE與Marf跳舞Style不同，今次Crossover就可以嘗試到不同的風格。

 

Edan指拉闊希望可以帶到驚喜畀大家。

 

《拉闊音樂會 Sparkleキラキラ EDAN x JACE x JEFFREY x MARF》

 

至於另外兩位女主角JACE與Marf，二人同是新生代跳唱女歌手，經常被指造型及風格相似。JACE指：「大家都好期待睇我同Marf做一啲唱跳嘅嘢。我自己都好鍾意Marf嘅歌，其實我哋嘅跳舞Style好唔同，今次Crossover就可以嘗試到不同嘅風格。」JACE認為拉闊最大的挑戰是與男生合作：「我同Marf合作，會想像到有咩火花，畫面會係點，但係同男生合作，我就覺得好困難。」Marf都有同感：「因為我哋女團好少機會同男生合作，所以同男生合作真係好大嘅挑戰。而另一挑戰，就係要搵辦法將我哋4個人嘅歌擺埋一齊而又make sense，既突出我哋每一個，又可以玩到好神奇嘅嘢。」

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。