《重慶森林》懷念在荷里活道夢遊的日子丨頭條戲場
為紀念王家衛導演的得獎代表作 《重慶森林》上映30周年,電影公司以4K修復版重映。之前只睇過DVD,首次在戲院睇,好震撼,年青時的梁朝偉如行走的大火力武器,眼神好可怕,火山級Flirt女技巧,我俾佢殺死咗1億次。然後,當年覺得王菲擅闖民居搞搞震好恐怖,重睇又完全推翻,𠵱家又覺得王菲那種「我愛你但唔關你事」 的單純,好可愛好勇敢好鍾意。(已上映)撰文:廖思慧
![最鍾意睇偉仔同王菲的互動,睇完好想去食一客炸魚薯條。 最鍾意睇偉仔同王菲的互動,睇完好想去食一客炸魚薯條。](https://image.hkhl.hk/f/1024p0/0x0/lr/sthl/d9acd1d88303d649f35f383aea12340e/2024-05/CE_Still_16.jpg)
![眼神殺傷能力非常強勁。 眼神殺傷能力非常強勁。](https://image.hkhl.hk/f/1024p0/0x0/lr/sthl/14bbeb7839b1a8c20575186b1a4066f1/2024-05/p568972935.jpg)
![梁朝偉第一套拎金馬及金像獎影帝的電影,30年前嘅佢真係不得了。 梁朝偉第一套拎金馬及金像獎影帝的電影,30年前嘅佢真係不得了。](https://image.hkhl.hk/f/1024p0/0x0/lr/sthl/24044c61914b31ed1b0b759e9f478c36/2024-05/p2389866022.jpg)
![好靚仔,要儲存。 好靚仔,要儲存。](https://image.hkhl.hk/f/1024p0/0x0/lr/sthl/2891a65a4353d54e4f0e5ef0ae3caf77/2024-05/p2552781454.jpg)
故事講述警員223(金城武飾)及警員663(梁朝偉飾)先後失戀,一個唔肯面對現實,以為女友同佢講笑,一個選擇默默等待空姐女友回歸,然後前者流連在人來人往的小食店,每日都買一罐5月1日生日到期的菠蘿罐頭,又告訴自己若然生日那天,女友還不回來,就宣告這段戀情已經過期。至於後者,失戀選擇跟家中的死物對話,有一日發現王菲飾演的小食店店員阿菲(王菲飾)出現在自己屋企。
![偉仔同女友(周嘉玲飾)有勁Hot親密場口,由互摸到攬錫,好好睇。 偉仔同女友(周嘉玲飾)有勁Hot親密場口,由互摸到攬錫,好好睇。](https://image.hkhl.hk/f/1024p0/0x0/lr/sthl/af3cd165bb7f9920c6884ce24231a6c8/2024-05/p2179482687.jpg)
![兩人拍拖戲份只發生喺室內,導演盡用有限空間展現兩人激情一面。 兩人拍拖戲份只發生喺室內,導演盡用有限空間展現兩人激情一面。](https://image.hkhl.hk/f/1024p0/0x0/lr/sthl/7c6e1e2a23aad77328a84368d4724474/2024-05/CE_Still_7.jpg)
![小食店員阿菲,好似小精靈,做乜都好好睇, 小食店員阿菲,好似小精靈,做乜都好好睇,](https://image.hkhl.hk/f/1024p0/0x0/lr/sthl/d51e1b1ba2b1c55be8bca30c1d2597eb/2024-05/p2903548288.jpg)
![王菲經常擅闖偉仔屋企換嘢,今日換拖鞋聽日換牙刷。 王菲經常擅闖偉仔屋企換嘢,今日換拖鞋聽日換牙刷。](https://image.hkhl.hk/f/1024p0/0x0/lr/sthl/b8dbbd2bf8b1ae678f40b9b3374c27a2/2024-05/CE_Still_17.jpg)
![偉仔的家居服就係白背心同白色三角褲,出鏡率好高。 偉仔的家居服就係白背心同白色三角褲,出鏡率好高。](https://image.hkhl.hk/f/1024p0/0x0/lr/sthl/dd10b09970cb7b6d845733a4f9c9d6b0/2024-05/p568965062.jpg)
![失戀的偉仔經常同大公仔傾偈,但其實隻大加菲貓係王菲拎上嚟。 失戀的偉仔經常同大公仔傾偈,但其實隻大加菲貓係王菲拎上嚟。](https://image.hkhl.hk/f/1024p0/0x0/lr/sthl/6925ad6176a5d99884f1d4f7b6762f4e/2024-05/p2166208304.jpg)
所有角色都好可愛
獨白是王家衛獨特的敘事模式,觀眾無從得知223、663、金髮女子(林青霞飾)及阿菲的背景,223和女友為何分手?金髮女子為何販毒?但從王家衛賦予角色的獨白,令觀眾知道角色的內心世界,未睇過的年青觀眾應該會睇得好過癮。另外,王家衛亦擅長用音樂講故事,我最愛的偉仔跟阿菲的一段夢遊式愛情,由The Mamas & The Papas的《California Dreamin'》貫穿,加上王菲主唱改編愛爾蘭樂隊The Cranberries名曲《Dreams》的《夢中人》,兩曲同樣跟夢有關,懷念兩人當年在荷里活道上發著的加洲夢。
見到戲中已成歷史的舊物感受好深,如Call機、電話亭、賣玩具的地舖、便利店可租錄影帶等。人大了自然明白,世界上,所有事物都會過期。
![香港已久未有賣玩具的大間地舖,𠵱家連網店都難做。 香港已久未有賣玩具的大間地舖,𠵱家連網店都難做。](https://image.hkhl.hk/f/1024p0/0x0/lr/sthl/f81bbc5d148232ccafeaf2e19f56e8b8/2024-05/p1532199903.jpg)
![警員223在電話亭覆機,睇吓部電話幾舊。 警員223在電話亭覆機,睇吓部電話幾舊。](https://image.hkhl.hk/f/1024p0/0x0/lr/sthl/7633e40c2dcfde24311ab1d1f77f1c64/2024-05/p2867150141.jpg)
![失戀的223跟金髮女子有一夜感情,最後換來一句生日快樂。 失戀的223跟金髮女子有一夜感情,最後換來一句生日快樂。](https://image.hkhl.hk/f/1024p0/0x0/lr/sthl/9fb146ea5456718c544057cb1c546fd0/2024-05/CE_Still_6.jpg)
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
緊貼最新最快新聞資訊,請立即下載星島頭條App:https://bit.ly/3Q29Vow
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。