李龙基自爆一生不缺女伴屋企对四面墙好难受 硬撑65日曾万念俱灰：惊自己过唔到

李龙基细36年嘅未婚妻（Chris）王青霞，因涉逾期居留、使用虚假文书等被控7宗罪，现已还押于大榄女惩教所65日，案件押后至5月28日再讯。曾扬言唔再接受传媒访问的基哥近日突然变得高调，继上周现身梁思浩主持的网台节目《娱乐好好玩》后，上周4晚再接受颜联武主持嘅网台D100节目《霎时冲动》访问，节目中大谈对王青霞还柙后嘅心历路程，认为搞成咁系上天安排，考验他情比金坚。最爆当提及经典歌《It's a sin to tell a lie》，基哥更直言讲大话系罪过，对于“两公婆”被指系“大话精”，基哥淡定地自辩道：“我讲唔讲大话，我永远觉得个天知、地知、我自己知...”访问尾声，颜联武用网民留言“自编自导自演”作结，获网民大赞主持人访问技巧高，充满智慧，句句诱导受访者讲出真相。

基哥接受资深DJ颜联武访问。

 

访问喺上周4晚网台D100节目《霎时冲动》播出。

 

节目中基哥变开笼雀。

 

又破晒例讲王青霞。

 

颜联武追问基哥一啲深入话题。

 

基哥讲乜吓亲颜生？

 

基哥否认自己满口谎言。

 

李龙基直言讲大话系罪过。

 

网民大赞颜联武访问技巧高。

 

对李龙基答案唔收货。

 

颜联武系网台D100金牌主持。

 

有把靓声嘅颜联武无论唱歌、主持及配音都掂。

 

上周基哥现身梁思浩主持的网台节目《娱乐好好玩》。

 

万念俱灰惊过唔到
李龙基不忘在节目中宣传创作嘅新歌《云淡风轻》，表示系唱出心声：“今时今日活到呢个年纪够啦，要去Enjoy，唔好去冲，以前一晚走8场骚搞到瞓唔著，医生话我精神崩紧到喺悬崖边。”但他否认为𠵱家经历而写，又表示绝对信命，觉得唔好刻意去改变命运安排：“估都估唔到上天开呢个玩笑，初时好难受，反问点解会咁呢？相信系一个考验，我要好努力咁去适应。”颜联武追问他可有感到忧虑及恐惧？基哥直认有好多未知数会感到忧虑。基哥话自己从来都系一个好豁达嘅人，但呢段日子也曾乱过阵脚：“活到今时今日70多年 (73岁)，忽然有咁嘅事发生真系会乱，乱到有一个星期瞓唔到食唔到，做人好似冇晒目的唔想做人咁，万念俱灰都惊自己过唔到。”他又向颜生承认一生都有女伴，从来未试过返屋企对住四面墙：“所以命运安排好得意，同王青霞2011年相识，边度都同佢周围去...好彩好快冷静，谂清楚楚应该做乜唔做乜，(有冇反省点解会搞成咁？)有㗎，我只得一个答案，系上天安排，可能系上天安排嘅一个考验，考验我情比金坚，其实我好钟意张德兰嘅《情义两心坚》。”

吹口琴拍新歌《云淡风轻》MV。

 

基哥新歌《云淡风轻》有份作曲。

 

基哥认为上天正考验跟王青霞嘅感情。

 

王青霞官非令基哥头痛。

 

多年来基哥跟王青霞有影皆双。

 

李龙基保证唔会掉低Chris。

 

年前基哥高调陪Chris送画畀杨梓菁。

 

王青霞为《三生有幸经典演唱会》画画。

 

两人形影不离。

 

基哥早于2011年已认识王青霞。

 

谎言应该早被发觉
他又指近日多咗时间独留家中，便拿出结他自弹自唱英文歌，基哥自爆：“卢宛茵教识我听《It's a sin to tell a lie》，讲大话系罪。”颜联武则打蛇随棍上追住问：“但睇留言话你系讲大话嘅人，你点睇呢句？”基哥不慌不忙回应：“其实到我呢个年纪心态觉得冇乜所谓啦，因为佢哋唔认识我，都系估我系咁，佢估啫唔系真嘛，我讲唔讲大话，我永远觉得个天知、地知、我自己知，若然我成日讲大话，正如某巨星(甄妮)讲过话我‘好钟意讲大话扮猪食老虎’，我喺呢行几十年生涯，(讲大话)应该一早畀人发觉咗，唔𠵱家先发觉，真理冇需要辩...”颜联武再问他事件中有何体会？基哥又引用口头禅：“我唔系讲大话，我对住灯火讲，我发觉身边嘅系真真正正朋友，有个加拿大返嚟朋友返嚟渡假，喺酒店见面同我倾偈时对住我喊，呢啲朋友去边度揾？所以好感恩身边有好多好好朋友，好感恩身边朋友成日打嚟问候鼓励及安慰我，叫我出嚟饮茶，识朋友中冇一个要保持距离，前港姐林颖娴返嚟都同我食饭。”

“乐坛风纪”甄妮指基哥“自编自导自演”。

 

基哥风雨不改去探监。

 

李龙基对狱中未婚妻情深一片。

 

形单只影搞到落晒形。

 

李龙基与律师商讨后离开法院。

 

李龙基提到王青霞在惩教所看到舆论时，激动痛哭。

 

基哥即使有负面新闻，近期都多咗job做。

 

为酒楼唱两场。

 

为麦明诗、盛劲为其中一场婚宴做表演嘉宾。

 

王青霞嘅黑材料越揭越多。

 

王青霞曾讹称系飞机工程师。

 

又话自己画功了得。

 

人设塑造成有家底嘅才女。

 

王青霞晒出虚假学历证明。

 

Chris拥有2019年“国家科学技术进步奖一等奖”证书，但名单并冇王青霞。

 

学费单错漏百出。

 

去年圣诞节，王青霞离奇受袭。

 

王青霞跟住喺北美嘅“伟哥”有金钱纠纷，Chris向他借3万美元（约23.4万港元)唔还，借钱前两人曾发生性行为。

 

YouTube频道“无粮军师Water”曝光多张疑似Chris与另一男子的婚宴照。

 

Chris 曾贴出人民币塞满Hermes手袋的照片，被轰炫富。

 

Chris 喺社交网晒名牌木马玩具。

 

《星岛申诉王》推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

紧贴最新最快新闻资讯，请立即下载星岛头条App：https://bit.ly/3Q29Vow

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。