洪嘉豪演唱会丨张敬轩为洪嘉豪送上美国音乐名校线上课程 被视作哥哥决心为弟弟供书教学

洪嘉豪《保诚保险呈献 洪嘉豪 Kaho Live 2024》演唱会昨晚来到尾场，Kaho 经过第一场的经验，第二场状态大勇，全晚表现非常精彩，又跳又唱又跟歌迷互动，气氛是由一开场已经hit爆，当轩公升台出现时，更把全场气氛推上最高潮，两人合唱了《青春告别式》 +《 逆时车站》之后互相拥抱， Kaho 向轩公表示，“轩哥，我真系好多谢你，做人嘅嘢，讲得出做得到，上次我话我上到红馆我会请返你，我做到啦！”轩公 :“ 我从来冇质疑过！”全场即报以热烈欢呼及掌声。

Kaho 经过第一场的经验，第二场状态大勇。

 

Kaho与战车一同升台唱《黑玻璃》，唱到大半，突然情绪失守大哭，

 

又跳又唱又跟歌迷互动，气氛是由一开场已经hit爆。

 

歌迷见他喊到唱不到，马上全场助他大合唱，场面感人。

 

昨晚因为观众热情，Kaho一共encore两次，

 

不少圈中好友也有前来捧 Kaho场，例如姚卓菲Chantel。

 

周柏豪和Dear Jane 也有现身红馆。

 

轩公向大家表示，由细睇到 Kaho大，刚系台下看着他演出，人生第一次感觉由细见到大的小孩子，真的长大了，“𠮶个放咗学嘅波牛，来揾佢妈咪(轩公前经理人)收工，同我一齐食饭嘅佢，今晚已经系男神一样。今日重同我讲话自己好惊好震，但一升台佢就已经Prince Charming 咁啦，系咪？”全场报以热烈欢呼认同声音。轩公又话，“唔知几时开始，去红馆做嘉宾，呢几年兴送礼，今日我都带咗份礼物嚟，既然你成日话我似你哥哥，做哥哥就梗系要供书教学，所以我帮你安排咗个学位！”此语一出，不单 Kaho哗然，全场亦跟着哗哗声。轩公继续道，“喺我人生之中，我觉得最大最大遗憾系我冇好好读书，读唔到大学或者一啲我钟意嘅艺术课程、平面设计呀咁，所以我帮你报读咗... 呢间学院嘅online课程！全场即报以大笑及掌声欢呼， 轩公:“我从来冇谂过呢个系笑位....哈哈，呢件系真事嚟㗎！你哋唔好笑，我好认真㗎，呢个课程系有証书㗎！上堂时间系2024年秋天！亦都唔会担误到你幕前工作，因为上堂时间系美国时间，香港凌晨！”然后把报读课程的报名认证文件给Kaho看，又说:“你睇下个银码，系咪似八位数字....”Kaho及全场都即时哗哗声，轩公就笑道，“唔系 ，我blur左个报读价钱啦，我一共同你报咗五个课程，全个证书上堂上到 2025年冬天。你望下我用咗个咩名帮你注册埋学校个网站？”Kaho望着读出来 :“ kaho study great great great …”，轩公即时笑道，“你做咩读晒出嚟，一阵比佢哋炸爆你个email 啦！佢真系好天真㗎！”继而全场大笑，他再叫 kaho，“你睇下我帮你set咗个咩 password先.... 都系有意嘅....你读出嚟....”kaho今次学乖了笑道，“我唔读出嚟啦！password㖞.....”轩公“怕咩，password你可以自己再改嘛。”kaho对着轩公笑道:“我依家一讲完，就即刻俾人改咗啦，你真系天真呀你！轩哥！”引爆全场笑蛋。

Kaho 及后认真向轩公感谢及承诺，“我会好好读书，祝我学业进步！”又反问轩公，读完有冇毕业帽？轩公就话，“呢个课程同真系去大学返学系一样，甚至读嘅嘢比去波士顿读更多，你读晒嘅顶毕业帽，我送俾你！”全场又即报以热烈欢呼声。之后，轩公独唱了“ 隐形游乐场”才返回观众席继续欣赏kaho的演出。

当轩公升台出现时，把全场气氛推上最高潮。

 

轩公向大家表示，由细睇到 Kaho大。

 

两人合唱了《青春告别式》 和《 逆时车站》。

 

Kaho一直视轩公如自己的亲哥哥般。

 

轩公为Kaho准备了一份特别礼物。

 

轩公为Kaho报读美国音乐名校线上课程，并交了5个课程的学费。

 

此外昨晚Kaho与战车一同升台唱《黑玻璃》，唱到大半，突然情绪失守大哭，而且一直喊足三首歌才识停，歌迷更是贴心，见他喊到唱不到，马上全场助他大合唱，场面感人。事后他于台上向观众解释，“头先个哭泣，你哋唔明，我要讲下， 其实㖊晚第一场，大家睇片可能觉得冇乜嘢，但系我觉得自己做得好差好差， 去到《黑玻璃》之后，我简直系唔想再唱，唔想再上台， 但系今日我觉得自己唱得好好，点解寻日我会咁，好激气。 第二，点解我写咁多歌，《黑玻璃》会咁红？我唔知咩运气，令我出到呢首歌又再接红馆演唱会、我想要架车上台，又俾我做到.....我想讲今晚《黑玻璃》我想好好哋唱，但系我真系忍唔住....寻晚我返到屋企，我同阿妈讲，个个都叫我 enjoy，但系我冇一刻enjoy到！我好失望，成个骚唔知自己做紧乜嘢，我妈同我讲，“Enjoy？你返紧工呀！”所以我真系要好多谢我屋企人，我父母，我细佬。”昨晚因为观众热情 Kaho一共encore两次，为满足歌迷诉求，他终于唱了《自问自答》和自己改词恶搞的《 黑司机》，令歌迷兴奋万分最后欲罢不能，又再一次出来跟歌迷一齐大合唱《主角光环》演唱会才结束。

 

《星岛申诉王》已推出全新项目“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰ https://bit.ly/3uJ3yyF

想睇更多精彩内容，请立即浏览“区区有申诉”活动专页，https://bit.ly/41hgS9E

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。