专栏｜车路士险胜列斯联 梅迪历变真10号

今个礼拜真系冇乜时间睇波，因为挂住睇F1开季，但有爱队点会唔支持呀，刚刚过去周中足总杯，车路士凭着干拿加历查嘅绝杀，以3:2击败列斯联。

今场正选摆出咗梅迪历、马度基、“细查”杜利奥查洛巴等副选球员，预咗呢场波系开放局面，比赛内容都真系一模一样。好多位置上都可以见到副选球员一啲不足，继续摆喺右边嘅马度基Decision Making好差，但系有一样嘢系改善咗，就系识得几时回后。

“细查”出任左中坚嘅位置，表现可以话非常之差，失第二球就系佢跟漏人，防守上好多企位都系唔稳阵。唔单止防守能力，出球能力都系好有问题，上半场有一球正正系左中坚嘅细查攞住个波，佢选择推前，点知推咗去对手嘅Pressing Trap，结果俾人一夹即刻反击，表现真系失望。

最后一位嘅梅迪历，今场佢首次正选出任10号位，我觉得有一样微细嘅改变，就系佢踢中间时，反而有更多空间望前，当佢攞住个波向前嘅时候，更加可以运用到佢嘅加速力，策动快速反击，而身边嘅队友又可以跟到。下半场踢返左边反而又变得绑手绑脚，因为佢要打侧个身攞波时，经常都净系望中间，但当佢一想加速就会推落一堆人到，所以只会变返回后，所以呢个改变系几值得尝试。
  三位后备球员表现都可以话平平，但究竟完季可以进步几多，呢一个都系大问号。Willhappy

-----

《星岛申诉王》推出全新项目“区区有申诉”，并增设“我要赞佢”栏目，现诚邀市民投稿赞扬身边好人好事，共建更有爱社区。立即“我要赞佢”︰https://bit.ly/3uJ3yyF

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。