古巨基父子檔拍廣告 回味兒子初出世勁感動

古巨基最近為銀行代言拍攝廣告，廣告中驚現兒子Kuson登場？原來是古sir囝囝嬰兒時的影片，但都可算是首次父子「同框」出現喺廣告，非常值得紀念。廣告故事係關於香港中生代，上有父母下有兒女，要肩負整個家庭照顧老幼的一群，如何面對理財人生。

Kuson出世的情景令基仔一生難忘。

 

Kuson一點都不怕陌生，主動跟在場的工作人員打招呼。

 

有囝囝親自餵食，基仔當然是甜在心頭。

 

今次廣告用到囝囝影片，原來係導演看過基仔IG曾經分享過兒子嬰兒時的片段，於是提出在廣告可否借用片段讓基仔作為父親的角色更寫實。「我諗反正已經係社交平台分享過，所以就答應左。係Kuson bb仔時的影片，再次重溫呢啲片段，仍然係充滿感動。我記得當年抱住剛出世嘅Kuson，佢好細隻又輕，我細細聲同佢講：『歡迎你啊，我哋等咗你好耐喇。』個份感動係一世都咁深刻。」

廣告中基仔會重新演繹經典歌曲《愛回家》及《花灑》。

 

身為廿四孝父親的基仔，坦言將來兒子想入行都不會反對。

 

拍廣告當日，Kuson也有探班，喺現場感受一下daddy嘅工作。「到時廣告出街我會叫佢睇。佢認唔認得嗰個係佢？佢認得㗎，佢成日都翻睇我哋手機佢BB時候嘅影片，成日自己睇到笑，哈哈。」佢第時大個俾唔俾佢入行？「吓？仲有咁長遠，而家先幾歲，第時佢想做邊個行業佢自己自由選擇啦！只要佢做自己喜歡嘅事先係真正幸福，佢而家最鍾意嘅係畫畫同埋唱歌同埋玩車車。」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。