星8卦｜「歌后」欲擒先縱氹掂「二代」 棄「花旦」娶自己高招

過江龍一向都好有手段，好似「大波」呢排淡出幕前，原來係搵到好碼頭，你話佢畀咗啲乜嘢「猛哥」飲都好，佢就係對「大波」一往情深，短時間已經畀咗兩層樓揸手。至於另一位「歌后」更厲害，條件比「大波」好，所以好快就夾到「二代」同自己住埋一齊，呢類女人，同一個地方出身對男人都好有一套，「二代」之前嘅「花旦」女友，唔係好上得大枱，但勝在溫柔肯做背後女人。

「歌后」有本事令「二代」對自己痴心一片，而當日同「花旦」係三角關係，可惜本地女仔始終唔忍得，迫「二代」表態，順手將佢推咗埋「歌后」身邊。而「歌后」叻在唔會要求，仲由得男人喺自己屋企自出自入，好似完全唔使佢負責任咁。呢種放風箏玩法真係好掂，「歌后」對「二代」唔管，反而令佢覺得要多啲一齊，咁啱兩個人年紀都有番咁上下，「二代」老竇想抱孫，所以「二代」反而唔同一齊十年嘅「花旦」求婚，兩年就同「歌后」組織家庭。

「歌后」連公唔公開身份都無所謂，反而令「二代」唔過癮，於是周圍同朋友講自己做咗人夫。放消息出去公告天下，「歌后」高招到扮嬲，「二代」於是又送咗厚禮氹番老婆。但生唔生到仔，就要睇「歌后」嘅身體，但點都後生過「花旦」嘅！

 

【相關文章】：

星8卦｜「才子」嫌棄「斯文」老土 偷嗒野性新歡 陷三角關係不自知

星8卦｜「奇萌」藝術家性格唔識搵錢 「勢利」貪名牌甘心賣身養家

星8卦｜「牛奶仔」為前途同「大喱」扮情侶 為真女友終止假新聞蝕章

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。