独家丨48岁佘诗曼唔强求姻缘：冇咪冇囉 演“Man姐”太恶 马明吓亲震住“投诉”

两届“视后”佘诗曼相隔6年重返“娘家”拍台庆剧《新闻女王》，霸气“Man姐”一角获赞演技老练兼超班，热捧为视后大热门。久未在港宣传的阿佘兴奋自爆拍摄时好入戏，更曾吓亲马国明及邓智坚。她坚持演出入肉并非想打低邓萃雯成为首三届视后，只想开心地省靓自己“招牌”。至于芳龄48仍然单身，阿佘答得轻松，“有咪有，冇咪冇囉。”采访：方骞平 摄影：谭志光 化妆：Katherine Lo 发型：Lorraine Lam @ Hair Culture 服装：Marni 造型：Christina Hsu 场地﹕TIRPSE@K11 Musea

阿佘经常被“内容农场”老屈，多到已经唔记得内容，但佢有检讨自己。

 

阿佘红足26年有名又有利。

 

阿佘只有小遗憾，系多年嚟冇时间学滑水及滑雪。

 

阿佘因为容易满足，故每一日都好开心。

 

1997年港姐季军入行的佘诗曼，在TVB共夺11个奖成为全台NO. 1，虽有丰富演戏经验，但她坦言“今次好有难度”，皆因每个人都睇过新闻报导，要令观众觉得她做到一个似模似样嘅新闻主播唔容易，除事前熟读剧本做足功课，亦曾跟监制到新闻部考察，坐上主播枱体验20分钟，但她还嫌练习不够，主动要求加时，于新闻部的模拟新闻中心努力操练声线、语速、语气、表情及坐姿等。

《新闻女王》中，阿佘霸气“Man姐”一角获赞演技老练兼超班。

 

就算系拍现场新闻报导场口，都曾考起阿佘。

 

拍前阿佘曾跟监制到新闻部考察，坐上主播枱体验20分钟。

 

阿佘1997年参加港姐的问答环节中，霸气对曾志伟话唔会落选，最后赢得季军。

 

演得投入绝非为奖

阿佘自爆演“Man姐”太投入，凶狠地发完恶，剧组嗌Cut机后，对手马国明及邓智坚忍唔住“投诉”佢：“吓死我喇…Man姐”，阿佘听完啼笑皆非：“咁𠮶场戏要咁嘛，其实佢唔系恶系揸紧原则，坚持嚟做嘢唔系识朋友。”语毕马上澄清现实绝对唔会咁样对人。对于演到被对手“诈型”，是否想刷新纪录成为首位3届视后？她笑说冇谂咁多嘢：“只要角色能深入民心得到认同就算成功，套戏做到有口碑及讨论性经已系最大得着，过程比奖项重要，不过，我重视每个奖项，亦多谢大家支持。”

阿佘演绎“Man姐”七情上面，恶到吓亲马明。

 

佘诗曼、马国明为权斗火拼。

 

阿佘对住马明眼神好狠。

 

不时互窒。

 

阿佘对住马明好凶狠。

 

剧中佘诗曼、马国明好有发挥。

 

阿佘强调真人唔恶。

 

阿佘由鸡仔声新人变两届视后，付出唔少努力。

 

阿佘重视每个奖项，唔会让奖畀竞争对手李施嬅。

 

力撑何广沛冇肚腩

对于床戏对手何广沛被网民弹肚腩折起唔够fit，阿佘忍唔住大平反：“何广沛瘦到死边有肚腩呀？其实佢好努力，好佩服佢嘅意志力及坚持，为咗瘦身拍床戏，食咗3个月烚鸡胸，更完全唔受‘万岁’嘅美食引诱。”至于何依婷被评戏屎，她认为如果演得唔好，就唔会有咁多话题性，仲赞佢系一个聪明嘅女仔：“合作第一日见佢有啲紧张，加上未摸熟角色有啲未进入状态，当提咗佢两日唔好用错重心，之后开始有进步。”她强调新人一步步行上嚟系要有阶段，正如她1999年首次拍剧《雪山飞狐》担正女一演“苗若兰”，亦曾被狠批唔识做戏及鸡仔声难顶：“听完负评梗系会唔开心啦，既然签咗约要继续做，唯有想办法改善。”

阿佘亲证何广沛为拍床戏减到过瘦，冇可能有肚腩。

 

阿佘好佩服何广沛嘅意志力及坚持。

 

阿佘大赞何依婷一点就明，越拍越进步。

 

阿佘在处女剧《雪山飞狐》被批唔识做戏及鸡仔声难顶。

 

一个人绝对唔孤单

48岁佘诗曼红足26年有名又有利，提及目前人生目标，她答得轻松：“开心及健康就够，更何况自己钟意做嘅嘢变成事业，经已好快乐，仲想点呀？至于有冇终身伴侣反而好随缘，有咪有，冇咪冇囉，唔会刻意强求，系你就系你㗎喇。”她坚称绝不孤单，更霸气地说：“我每一日都好开心，因为容易满足，活在当下，正如当年喺沙漠拍《火舞黄沙》，风沙𩠌饭都系有趣经历，能够做到开心嘅嘢自然唔觉辛苦，唯一遗憾系多年嚟冇时间学滑水及滑雪，感受唔到好free嘅感觉。”

《赌城群英会》系阿佘6年前剧作，都系跟马国明合作。

 

单身嘅阿佘有可爱契仔陪伴，绝对唔怕闷

 

仲会陪住最爱嘅妈妈。

 

有唔少好姊妹。

 

48岁佘诗曼唔强求姻缘。

 

最遗憾冇时间学滑水。

 

做人最紧要轻松自在。

 

阿佘咁索唔会冇人追。

 

 

当年跟黎姿在沙漠拍《火舞黄沙》，一齐食沙好难忘。

 

阿佘在国内剧《廷禧攻略》饰演娴妃，在内地人气急升。

 

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。