「獎老」阿七吳嘉儀貼三點式澄清冇推job 老公親自操刀影火辣泳照力撐太太
「阿七」吳嘉儀在今年8月與與圈外男友「豬仔」Leo結婚，當日一對新人跟足傳統結婚儀式，Leo講感言時承諾有信心會照顧得吳嘉儀好好，新婚生活理應十分愉快！但昨日（6日）吳嘉儀在社交平台貼上多張泳照，圖文不符地說：「唔開心嘅時候睇吓個海，曬吓太陽，個心會舒服啲啲。」她還hashtag地說：「#我沒有請假我只有沒有通告的日子在屋企附近海灘走走」。
【相關閱讀】：阿七吳嘉儀結婚丨讚老公係「找數真漢子」 披超深V嫁衣如願將花球拋給莊思明
【點擊睇阿七吳嘉儀訴苦水】：
「阿七」吳嘉儀昨晚（6日）突然在IG限時動態大吐苦水：「冤枉呀！我11月冇請假，冇度蜜月，手頭上工作只有個固定拍攝日子的飲食節目《搶食著數特攻隊》和一個月2至3次《鄰住買直播》。我冇推Jobs，我好鍾意工作，我現時冇大肚，謝謝。希望有疑問嘅人，直接聯絡我經理人或者問我，我真係好鍾意、好認真對待每個工作，謝謝。」接着「阿七」吳嘉儀又一口氣貼上多張泳照，雖然相中笑容滿面，但留言卻相當愁爆，她說：「唔開心嘅時候睇吓個海，曬吓太陽，個心會舒服啲啲。『希望每個在努力嘅人，不要因為旁人嘅三言兩語打擊而忘記初心，繼續努力，肯努力的人總不會一無所有。』謝謝前輩送的話 #throwback #我沒有請假我只有沒有通告的日子在屋企附近海灘走走#靜一靜」。
「阿七」吳嘉儀被誤會結婚唔使做
其後《星島頭條》向「阿七」吳嘉儀了解，原來是因為工作上出現了誤會而影響接job，她以短訊回覆並說：「其實係公司嘅job有客戶點名搵我，點知喺接洽期間，同事因為溝通問題誤會咗我，以為我結婚後要放假、要生仔唔會工作呀，事實上我一直都唔敢請假，怕麻煩到其他同事，頭先一邊洗碗一邊喊，經理人知道之後都開解咗我，而家心情好返啲啲。」她還說：「其實我都發現好奇怪，藝人其實都係一個職業，但好多女藝人一結婚，就有人誤解我哋有人養、唔使做，其實我哋都係人，都需要生活和工作，同埋女仔喺今時今日婚後或者生咗bb都可以有自己嘅專業、社交，況且好多女藝人結咗婚之後更加有魅力，希望大家唔好誤會，以為女藝人結婚後就唔使做。」
【點擊重溫阿七吳嘉儀當日結婚相】：
吳嘉儀的老公「豬仔」一向都很支持太太工作，原來吳嘉儀在社交平台曾貼過的火辣泳照，全部都「老公視覺」，她笑說：「我都係同老公一齊去拍拖曬太陽游水，咁去沙灘梗係着泳衣啦，唔通香港咁熱着潛水衣晒太陽咩，呢啲相係佢揸機影嘛，咁我『豬仔』ok嘅，我哋有各自me time。」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
