吳浩康與女歌手直播「打情罵俏」逐格睇！妻郭思琳發文：我會有咩感受？
40歲吳浩康（Deep）去年3月與郭思琳（Margiela）奉子成婚，誕下兒子「撑撑」後，本來一家三口十分幸福，而浪子回頭的吳浩康亦變成「顧家男」，不過近日郭思琳變了「數臭老公」界KOL，試過因為影全家福問題而出PO公審老公，惹來婚變傳聞，平息了婚變風波後不久，郭思琳又再開PO公審老公！
【相關閱讀】：吳浩康疑似婚變老婆中秋拖喼離家出走？ 郭思琳自揭已分房瞓一年
吳浩康公開與女歌手「打情罵俏」：
事緣早前吳浩康與女歌手鍾達茵在FB直播唱歌，一心打算支持老公睇直播的郭思琳，突然將一段老公直播片段放上自己的IG限時動態，片中所見，吳浩康先說：「呢個Moment我要暫時離開大家三、四分鐘，我要屙個Wee Wee先，唔好意思...」說擺便離開鏡頭，這時候鍾達茵笑說：「你真係要慢慢去，因為我會掛住你，擔心你...」吳浩康即說：「擔心我被沖走？」結果就因為「掛住你」這一句，令郭思琳爆seed留言：「作為一個人妻，有人同我老公講埋啲咁嘅嘢，仲要開完Live凌晨孤男寡女去間無人嘅餐廳敘舊，不如大家估吓我會有啲咩感受吖？」郭思琳再用細字寫：「借問聲我老公喺自己公司去廁所有咩需要擔心！」
吳浩康郭思琳一家靚相：
不過吳浩康和鍾達茵未有為事件而回應，鍾達茵繼續在IG分享跟吳浩康在餐廳的合照並說：「喂！老細，我話晒都係一個女人，你成晚都叫我做兄弟，抵我你一叫我就出現。等我籌備下Deep Night Show先！」
郭思琳日前自揭分房瞓一年
其實郭思琳早前已經因為吳浩康不肯影家庭照，在IG限時動態出PO：「先唔講就你改期，再幫你安排埋服裝，乜都安排晒，一句話唔影就唔影，個仔一歲影張全家福都咁辛苦你，咁以後嘅節日你都唔好出席，包括今晚中秋。我永遠都會記得前面孭住個仔，右邊一個喼一個袋，左手拎住蛋糕再拖住隻狗嘅情景。」之後更向傳媒自揭與吳浩康已分房瞓一年，但事後聲稱因兒子一時錯手而搞出誤會，她還說：「唔好意思，令大家失望了，我同我先生仲未離婚，亦都無諗過要離婚#大家無需擔心#我們很好」
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
