星8卦｜“斯文”靠相睇嫁错郎 主动离婚搞到情绪病

“斯文”份人其实好好，但衰在闷同埋无乜情趣。论家底都唔错，但一直唔想同圈中人，无咗同声同气靠相睇识到而家个老公，又真系有难处。最难搞系而家个老公太老正，对于“斯文”嘅行业真系唔多理解，见佢成日同唔同嘅男人合作，返到屋企就黑晒面，“斯文”解释又唔听，久而久之令到“斯文”觉得好大压力。另一个问题出现系“斯文”𠮶位巴渣奶奶，觉得自己个仔应该娶个更正嘅女人，而唔系娶个戏子囉。每逢有人嚟屋企食饭，一定要“斯文”喺屋企帮手，仲要做埋工人𠮶份，出出入入好鬼忙。

当有人赞“斯文”贤淑，奶奶就会讲埋啲唔三唔四嘅歪理，目的系要话畀人知呢个新抱唔系自己想要嘅，当初系个仔无谂清楚，又想成家至娶返嚟。而“斯文”听听埋埋梗系唔开心，所以出去叫公司畀多啲嘢做，咁连锁反应梗系老公唔钟意，加上阿妈唆摆，最绝系介绍朋友嘅世侄女畀阿仔识，话男人可以拣个再好嘅，结果喺“斯文”发现一家人都咁样对自己，终于死心，主动提出离婚，奶奶梗系好高兴，但老公就觉得无面，决定要拖住“斯文”，但自己又系咁识其他女人，处于呢种胶着状态，“斯文”情绪好差，开始要去睇心理医生自救。

 

【相关文章】：

星8卦｜“高大”被“空灵”抛弃急娶妻疗情伤 增肥唔准扮靓变态虐待“秀丽”

星8卦｜“学霸”背景干净入豪门 EQ高笑对小三力保阿太位置

星8卦｜“正气”娶“温柔”打响如意算盘 遇着刁蛮阿妈迟早玩完

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。