星8卦｜“皇帝”“沙声”入戏深爱得真 老婆开绿灯三人行止流言

有无发觉“皇帝”跟“沙声”仲有“皇帝”个老婆成日都三人行？呢招真系要服晒老婆嘅绝桥。因为“皇帝”份人比较文艺，自细就识咗老婆，佢对爱情有非一般男人嘅幻想，所以好快结婚，表面真系恩爱，实质佢都系个好男人，对家庭负责任。

问题系太早结婚，对外面嘅诱惑未见尽，难免定力差啲。尤其连续几次都系同“沙声”扮情侣，仲要无乜边次大团圆结局。唔知系咪入戏太深，两个人爱到要生要死，完全抽离唔到，所以返到屋企都有啲痛苦，“皇帝”系咁，“沙声”啱啱又甩拖，情况就更不能自拔。老婆睇到心里有数，于是开始叫“沙声”得闲嚟屋企食饭，同啲小朋友一齐玩，做埋契妈。佢亦好大方畀“皇帝”做佢心灵伴侣，就算明知两个人有时会一齐过夜，佢都同“皇帝”讲只能够“沙声”一个，两个人搞乜都只眼开只眼闭。

老婆嘅心态多个人帮手管住“皇帝”都唔系坏事，而且“沙声”名气够大，绝对唔失礼，如果要拣，佢情愿有个咁高质嘅情敌，甚至将佢成为自己嘅家人，出出入入都系三个人，外界又唔会讲乜嘢闲话，阿Q地觉得自己系大赢家。

【相关文章】：

星8卦｜“木记”被包养绝迹银幕 复出好感度增娶妻做大赢家

星8卦｜“气质”感恩“奇人”救命之恩 哑忍出轨迟早屈到病

星8卦｜“排骨”好胜爱争仔 扮死以为赢到笋盘一齐还债

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。