中年好聲音2丨陳慧嫻大爆改賽制！怕被搞到頭暈 錄製四集已有心水參賽者

TVB選秀節目《中年好聲音2》將於明晚（10日）首播，主持車婉婉及一班評審如陳慧嫻（Priscilla）、肥媽、伍仲衡及周國豐等，今日在電視城出席啟播亮燈儀式。

【相關閱讀】：中年好聲音2｜百強入圍名單曝光！ 鄧兆尊胞弟成功晉級多名藝人兼家屬有份

【點擊睇《中年好聲音2》亮燈】：

TVB選秀節目《中年好聲音2》將於明晚（10日）首播，今日舉行亮燈儀式。

一班評判都有出席。

（左起）周國豐、肥媽、陳慧嫻、伍仲衡、張佳添

周國豐、肥媽、伍仲衡、張佳添繼續做評判，今還加入陳慧嫻。

肥媽

（左起）肥媽、陳慧嫻、伍仲衡

伍仲衡

周國豐

陳慧嫻表示節目已錄了四集，覺得參賽者的實力也很平均。

不過陳慧嫻心目中已有四名心水參賽者。

陳慧嫻又指節目之後會改賽制，所以也很期待，不過就怕被賽制搞到暈暈地。

陳慧嫻笑言有時候會聽到忘記按燈。

陳慧嫻表示節目已錄了四集，覺得參賽者的實力也很平均，所以很難選，但自己心目中已有四名參賽者是心水：「有個唱鄧麗君嘅女仔，佢又靚；另外一個就係澳門直播，我叫佢做巨星，因為我覺得佢好有巨星條件，另外係劉威煌，我真係覺得佢唱得好，仲有個男仔佢唱得好好，但講嘢好似飲醉咗酒咁，亂咁講，我哋覺得好𢱑頭，做咩事講嘢咁奇怪？不過都玩得開心。」

陳慧嫻聽到忘記按燈

陳慧嫻又指節目之後會改賽制，所以也很期待，不過就怕被賽制搞到暈暈地，她又笑言有時候會聽到忘記按燈：「因為要負責佢哋喺台上嘅表現，所以我要好留意佢哋，跟住就唔記得咗撳，都記得嘅時候就已經完咗，唔畀我補撳，但好彩已經有四盞燈，好彩唔係爭我一盞而入唔到，如果唔係我會好內疚。」

問到是否有人唱她的歌，陳慧嫻說有，不過可惜那個女參賽者卻揀錯歌：「佢揀咗一隻我認為唔係好適合佢唱嘅歌，《距離》首歌嘅音域實在太廣，但真係唔係好適合佢，我都好多謝佢好鍾意聽我嘅歌同埋鍾意我，但係好可惜佢真係揀錯歌，但我真係有反省係咪都要俾盞燈佢？點解咁絕情唔畀人，嗰日佢都係好似得兩盞燈，所以最後冇得入圍，有啲內疚。」陳慧嫻又笑言除了這個女參賽者外，就沒有人表白。