新晉咪神陳欣茵自爆「單身」要有新開始 自由自在追夢尋人生終極意義
TVB「J2ers」陳欣茵(Yanyan)在2018年10月加入J2 節目《#後生仔傾吓偈》,到了2021年簽約成為TVB「親生女」,本來發展不俗的陳欣茵,昨晚(4日)在社交平台突然宣佈與TVB結束5年賓主關係!她在長文中適逢9月是新學期,她亦有新開始和新身份:「嚟緊想呈現不一樣耳目一新嘅『陳欣茵』!」
【相關閱讀】:S2O潑水音樂節|群星朝聖!周秀娜全身濕透晒長腿 不及TVB新咪神比堅尼震撼
【點擊睇陳欣茵靚相】:
陳欣茵昨晚出PO稱「有重要事情宣布」並說:「我單身了!!! 講笑,陳欣茵自由身了!係舊公司嘅合約正式完結。好多謝公司過去五年給予嘅機會,開頭誤打誤撞入行加入咗《 #後生仔傾下偈》拍綜藝節目開始做主持 繼而入咗《學是學非》 做是非精。到Jade拍劇做演員客串《愛回家》 到拍《痞子殿下》,第一次著古裝,繼而J2開台,拍咗好多我自己都好鐘意嘅節目《舖舖poker》、《逝者代言人》 三個飲食節目等等,都係我冇預計過會行嘅路。喺而到認識到一班好好嘅朋友,一直好照顧我嘅前輩,一直好包容我嘅幕後同事,一直提點提攜我嘅監製導演,最緊要係一路支持我演出嘅觀眾。」
收到大家正面comment
陳欣茵還說不論演員、電視節目主持、活動司儀、婚禮MC,收到大家正面comment,她說:「都係話每次見到我都覺得好歡樂呀、開心果呀、搞笑呀、貼地呀,夠真性情等等等等,當然好嘈呀,把聲好煩呀好尖等等嘅意見,我都照單全收,亦有認真努力改善同進步。無論好壞意見都由衷感激,因為呢一切都係好代表到我嘅性格同character,正正呢五年係81 82台印證咗我青春嘅足跡,每一位觀眾都見證住陪住我成長,先至有大家呢一刻認識嘅『陳欣茵』。」
夢想在幕前發光發亮
最後陳欣茵表示在幕前發光發亮,一直是自己的夢想:「但毫無牽絆地享受生命,係終極嘅人生意義,所以好希望可以自由自在咁去追夢。適逢9月新學期、 新開始、新身份,嚟緊想呈現不一樣耳目一新嘅『陳欣茵』俾大家,繼續自省、繼續追求進步,希望自己會喺唔同平台俾大家見到,未來會嘗試喺更多未知嘅領域 ,例如電影、廣告,Hope for the best,更多嘅機會俾大家見到我嘅作品,當然正式跳出框框,不論你我都需要時間適應同習慣,所以我會努力拍多啲片俾大家睇!」
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。