初選案|何桂藍:參選為了演繹攬炒
![](https://media-proc.singtao.ca/photo.php?s=https://media.singtao.ca/wp-content/uploads/master_sandbox/2023/07/2023072517415129321.jpg&f=jpeg&w=815&q=75&v=1)
「35+」初選案續審,
![辯方大律師Trevor Beel。資料圖片](https://image.hkhl.hk/f/1024p0/0x0/100/none/660a217823d3150a4a89d1efac3d5376/2023-07/NJ230720COURT008_0.jpg)
今天(25日)於西九龍法院解釋「極權」即一黨專政,法官陳慶偉追問日本和俄羅斯是否極權,Trevor Beel指俄羅斯是而日本非,因後者行國會制。陳官反指俄羅斯亦有國會,Trevor Beel反駁俄羅斯只有一個政黨,陳官指日本亦如是,何桂藍插口指「日本有共產黨㗎⋯⋯」何桂藍再引學界共識指中共屬極權乃客觀描述,無關褒貶。
何桂藍論壇上稱「同全香港人一齊抗擊中共極權」,何桂藍指出「形容中共係極權,係而家學界嘅一個共識,差在你形容佢係一個乜嘢型態嘅一個極權」。何桂藍說明「Total(totalitarianism,極權)嗰個字,我哋可以理解為total control。就係講緊政權喺人民生活嘅方方面面,你做嘢又好,你返到屋企又好,你搭咩車搭咩飛機,所有嘢都係政權可以監控同埋甚至控制」。
Trevor Beel問道「極權」一字何桂藍用作貶義還是事實陳述時,《香港國安法》指定法官陳慶偉表示不解,Trevor Beel解釋如以「極權」形容美國,因為不符事實故說法或許帶貶義,但如個別政體屬「極權」,以此稱之則不含貶義,純粹陳述事實。陳官再問如何定義「極權」,Trevor Beel解釋即一黨專政。陳官追問那日本是否「極權」,Trevor Beel否認指日本行國會制,有選舉選出議員。陳官再問那俄羅斯是否「極權」,Trevor Beel同意,陳官指惟俄羅斯亦有國會,Trevor Beel反駁指但俄羅斯只有一個政黨,陳官指日本亦如是,何桂藍插口指「日本有共產黨㗎⋯⋯」陳官續指這正是困難之處。法官李運騰最後指本案最終並不取決於字眼學術定義,而是取決於被告心態。
Trevor Beel指如向選民表達「35+」不可能,會有何影響?何桂藍答「相信個投票熱情係唔會爭太遠」,因為選民大多早已心裡有數,不會因此而不投票,何桂藍甚至希望如實交代投票只為香港人就中共作為表達清晰立場,而非單為議席後,會有更多人願意投票。
何桂藍6月29日Facebook 帖文以「攬炒的哲學」為題,何桂藍重提參選原因乃以自身來演繹「攬炒」,因為不同意當時輿論中所指「攬炒」。何桂藍解釋2019年許多抗爭者因為覺得巨大壓逼之下無事可為,「所以佢哋會好強調犧牲,好強調死」,有自毀傾向,「但係我想強調嘅係,抗爭唔係求死,而係求生」。何桂藍續指在「中共炒到埋來」時,香港人的求生意志可以開拓新空間,故認為「攬炒」、絕望等情緒抹殺了2019年社會運動的創造性,「所以我希望有機會嘅話就講返清楚,香港人做嘅嘢,究竟有可能有啲咩嘅效果,或者打開緊一啲咩嘅空間」。
李官問起何桂藍文末提到「狹路相逢勇者勝」是否出自岑敖暉,何桂藍指字句非岑敖暉所原創,「梁振英都成日用㗎⋯⋯配合返篇文撞車個意象」。Trevor Beel引述內文指「博弈論有經典嘅 Game of Chicken,如果兩架車從兩個方向迎面駛向對方,最終兩架車都會車毁人亡,所以最理性嘅做法應該係剎停架車,但係由於兩個司機都覺得對方會剎停架車,所以兩邊都唔會停車,其實攬炒同呢個遊戲有少少類似,而嗰兩架車就係香港同埋中國」。何桂藍憶述自2019年7月起已有學者提出以博弈論來研究「攬炒」,引用博弈論「因為國安法底下好多人覺得再做都係送頭、都係唔理性嘅,噉但係我想強調返抗爭一方做嘅東西係有好強嘅理性基礎」。
何桂藍再解釋「即使佢架車要撞埋嚟,佢一樣要遍體鱗傷,焦頭爛額」指合法性危機,如港人明確表達政治意志,而對方依然拒絕回應,並採取壓制及操控選舉方式,相當於自行破壞香港制度正當性。何桂藍續指「其實香港人可以做到嘅嘢未必一定係直接對佢構成任何損傷,只係將佢推去一個選擇⋯⋯究竟係要做鎮壓,定係回應民意嘅一個位。所以攬炒作為一個諗法,其實佢係建基於一個假設,就係中共一定會overreact (過度反應),佢會做一啲為咗要解決個問題,(但)佢根本唔需要做到咁盡嘅嘢」。
何桂藍闡釋「香港人究竟要啲乜嘢,其實就係《基本法》講咗嘅嘢咋嘛,甚至係香港人完全唔爭取、完全唔做任何示威,其實理論上,香港民主化本身都係中港政府嘅憲制責任來㗎嘛⋯⋯呢度講『遍體鱗傷,焦頭爛額』,個前題係佢哋堅持要搵架車撞埋來,即係話佢唔單止唔履行佢本身嘅憲制責任,可以聆聽民意嘅時候佢自己選擇唔去聽。我必須要強調,冇人逼佢選擇鎮壓呢條路,佢唔需要講到立國安法呀剩呀呢啲好無辜噉,既然佢選擇去破壞香港制度,佢當然要承受返佢呢個選擇嘅代價啦」。
法庭記者:陳子豪
---
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。