独家丨叶巧琳享受同居生活唔急做人妻 EQ低易呷醋靠“综艺魂”面对男友

叶巧琳（Mischa）早前推出音乐企划《The Odyssey of Freya》第3首作品《综艺魂》，讲人要经常戴着假面具做人好痛苦。MV中Mischa演人妻，明知老公出轨怕破坏关系而哑忍，她坦认以往跟男友相处亦不时戴着“综艺魂”，因本身EQ极低易呷醋。讲到现实几时做人妻，Mischa好享受目前同居生活唔想变。采访：杜杜 摄影：朱伟彦 发型: Milk Chan@xenter化妆:cyrus lee 场地:Studio Meta

38岁Mischa不心急做人妻，照顾两只爱猫亦满足到做妈咪感觉。

 

“综艺魂”是台湾常用词，形容艺人为节目效果要牺牲色相仍笑面迎人，简单来讲就是戴着假面具做人，Mischa坦言身为艺人难免有时都要有“综艺魂”，不过连现实生活她间中都用到，“我同另一半可能嗌咗交，但要见啲friend食饭，其实大家都仲未平复到，不过喺班friend面前都要扮晒冇嘢，呢个系礼貌，唔想将家事带去骚扰到人，呢啲都系‘综艺魂’。”

Mischa和林子杰在《综艺魂》MV中饰演夫妻。

 

MV中，Mischa有爆喊戏份，要靠饮酒释放情绪。

 

猫奴生活当做妈咪

MV中Mischa饰演人妻，明知老公出轨怕破坏关系唔敢出声，她笑言自己好彩现实未遇过，但跟现任男友拍拖13年，初期都试过戴住面具相处，“初头几年都真系‘综艺魂’上身，我哋各自各出去蒲时，我的确好多时会呷醋，好易嬲，EQ真系好低，发脾气又喊，但仲要扮大方，回想返都真系几傻猪，但时间耐咗信任多咗就放心好多，𠵱家佢同边个出去我都系一百个放心，我知大家几爱对方，就自自然然做返自己，𠵱家相处就冇晒‘综艺魂’。”

Mischa承认入行初期有“综艺魂”，到参加《全民造星III》才流露真我。

 

做艺人难色要戴着假面具示人，Mischa认为这也算是专业表现。

 

不过跟男友同居6年，38岁的Mischa就不心急做人妻，“一齐住咪差唔多嘅嘢。”她亦没有憧憬的婚礼，跟男友都好怕大排筵席，“我哋两个都唔钟意呢样嘢，我谂第时结婚签个字就算㗎啦！”讲到生BB，Mischa也怕怕，“我觉得责任太大，我保障唔到佢第时大个生活系点样，同埋自私啲讲句，我都唔想冇咗自己嘅生活，我有两只猫猫，有好多嘢已经系围绕住佢哋转，佢哋10岁，我都算做咗10年妈咪，佢哋𠵱家年纪比较大，有好多身体嘅状况出现，我都唔可以去旅行，一定要留喺屋企照顾佢哋，我个男人系比较唔细心，所以好多嘢我都系亲力亲为。”

Mischa跟圈外男友拍拖13年，同居6年的他们已像老夫老妻。

 

Mischa视一对猫Bandit和Lara如仔女，出埠工作也会特别担心。

 

 

《星岛头条》新网站有更多精彩内容：http://www.stheadline.com/

 

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。